"mi(sual).com" - 10 new articles
See you in Heaven“Parting is such a sweet sorrow tia Romeo-a’n Juliet-i a mangtha dan ang deuha inthenna sweet sorrow riau te hi a awm ve a! Mihring te hi nung turin kan lo piang a, chu nunna chuan inthenna a ken tel avangin mi nung leh mi nung kan inthen a, mi nungin mitthi kan then bawk a. Mihring hi mihrang theuh kan nih avangin a hun leh a hmun a zir te leh kan mi then a zir tein kan nun a khawih dan chu a dang khawp ang le.. Kan la hmu leh dawn a ni tih beiseina nena kan mi thlakhlelh em em te kan then hian a hun laiin hrehawm viau mahse nakin hun tur te ngaihtuahin kan la hlim thei viau tho thin. Amaherawhchu, he khawvela kan mi hmangaihte thihna avanga kan then hian a dan a dangin a lehpek vak hi awmin a lang lo, Kristian kan nihna angin hmuh leh beiseina chu a awm tehmeuh mai..! Mahse chu beiseina chuan intawn lehna turin kawngka hran, THIH hnu piah lam ram a lo hawn tak avangin thlamuanna nei turin a hranpaa rinna neih a lo ngai a.. Chu rinna nei tan pawh chuan thlamuanna famkim nei tur chuan Vanram-ah a kai ang em? Kai lo ta se, hremhmuna chatuana kal em chu ka ngai ngam bawk si lo… Chuti kan inhmu leh dawn tawh lo tihna..? Zawhna hlirin ngaihtuahnaah kan luangliam a, a chhang theitu awmchhun bakin a chhan theih thil a ni bawk si lo! Buaithlak..Amaherawhchu, kan hmangaih kal ta ten Vanram-ah min lo nghak ngei a ni tih Pathian thutiam rinna atanga kan thlamuan theih chuan a sweet sorrow te pawh a la tih theih awm e.. ….engpawhnise, inthenna, dam chhunga hmu leh tawh lo tura inkalsanna leh inthenna hrim hrim aia hrehawm zawk chu an tel lova nun chhoh zel hi a ni. Ka mamawh apianga ka tluk luhna leh mawi leh mawilo zawng lova ka luanliam theihna tur awm ta lo te chuan tawrhna nasa tak min pe a. Loh theih lohna avanga tawt tuna hun ka hman thinna te chuan ka nun ram a ti chau hluah hluah a. Ka va’n ngai thin tak em! Engvang khera kan la mamawh em em lai taka min kalsan nge maw a nih le tiin huattur ber haw ngam si lovin engkim mai chu ka haw hluah hluah a! A hnukchah hma, a harhfim laia thil awm thei hrang hrang a’n chhut kual velin a kalna tur lama a kal hreh vang ni hauh lovin a kalsan tur te a kalsan hreh vang zawkin a theih chen chen tiin kan tan theihtawp chhuahin a tang fan fan reng a. Mahse siamtu remruatna kal mek zel chu pumpelh theih bik hek lo le, amah aia thlamuanna leh malsawmna thlen theitu zawkin min awmpui dawn a ni tih hre reng chungin thlamuang takin min kalsan ta a.. Ani chu lungawi tak leh thlamuang takin a kal ta tih hriatna avanga thlamuanna karah pawh chuan khawharna leh lunglenna boruak chuan min la tuam hneh em avangin ngaihtuahna a chawmawlh a, lung a leng a ni..! Mahse, piantirh ata min kalsan ngai lotu leh amah avanga nungdam ka nihna Pathian chuan tun hi hun lawmawm a ni tih min hriat nawntir a.. Tawrhna phenah hian malsawmna a awm thin tih ngaihtuah theihna rilru fim min pe a. Thinlung lungchhe tak kar atang chuan ka thiantha kal ta te avanga ka lo luanliam pui thin The Guardian hla, “See u in heaven..” tih behchhanin ka han tawngtai ta ngawt a. Chu tawngtaina tawngkam chu tawi hle mahse vawiin thlenga ka nun kal zel atana tawngtaina pawimawh tak ni chhovin, ka chak lohva ka chakna a lo nih theihnan ka rinchhan Pathian chuan ka thutiam hlen turin nitinin min tichak chho mek zel a..Amah Pathian nena kan lendun reng loh chuan lunglen khawharna avangin sual lamah ka peng thei a ni tih a hriatchian em avangin, loh theihlohna avang tal pawha amah Pathian nena kan lendun zel theihnan a tihngaihna ka hriatloh harsatna hmang tein mal min sawm a; tichuan, amah ko lo theilo leh au lo theilo dinhmunah bawk ka lo ding leh thin a ni. A damlai chu sawi loh, a thihhnu pawha amah avanga Pathian malsawmna tam tak ka dawn zel dan te ka'n ngaihtuah a… Ka ngaih thinzia te lo hrilh thin tawh mah ila, tawngka felfai taka ka hmangaihzia ka lo la hrilh miah lo tih ka’n hriatchhuah chuan hun kal tawh hnu hnuh kir leh theih hi ka va han chak thin tak em..! Ka piantirh ata vawin thlenga a hmangaihna avanga malsawmna ka dawn ngaihtuah phei hi chuan…. i wish that i had one more chance to say i love you one more time, and even though i know i can, i’ll say it in heaven. i’ll see you in heaven . . tiin “See you in heaven” tih ngaithla chung zelin Pathian rinchhanin thu tlukna ka siam ta a!! (Kum kaltaa then tak zawng zawngte tan..) Chhaktiang ZoawiChhaktiang Zoawi(Zaithiam Zawnna),PCS Vision Khawbung leh MZI te buatsaih chu zanin hian final a ni dawn ta a. Karleh Thawhtan zanah result puan a ni ang.
Do you believe in “Ancient Aliens”?I recently watched the documentary called “Ancient Aliens”(http://www.imdb.com/title/tt1418108/) which is a documentary explaining the theory that the many gods our religions believe in we’re actually aliens that came to earth and helped humanity evolve. Throughout the documentary you see scenes of the many pyramids across the world, built at different times with many similarities. Constructions to this date unexplainable due to their advanced engineering as well as other items such as a battery that could create a charge with mere orange juice or vinegar. Did you know: Experts say the pyramids we’re built in about 22 years…this means 1 stone would have to be cut, transported as well as placed every 9 seconds or so. The documentary is based upon the thoeries raised in the book “Chariots of the Gods” published in 1968, written by Erich von Däniken. I for one have always believed there is something more beyond our planet and this documentary opened my eyes. So do you believe our Gods we’re merely travelers from way beyond our solar system that helped advance mankind? Vai Fim (Film)Korean Film inti teh fo a, kei chu Vai Fim ngat.(Post/ Pending a tlem bawk a). Naupan laia Vai fim te khan lung an lo ti leng ber e! Chhungrila hmangaihna leh pawnlama an inhmelduhna zawng zawngte chu hla leh che zia/ lam-in an puangchhuak ta a…. Pangpar karah a changtunu’n a sam a trawn kak ngei a, thingkung phen atangin a bialpa/ changtupa chu a rawn thlek-no vel a. A changtupa kawr nghawng hlai tak, zum zèt maite chu thliin a rawn chhem phe hlep hlep a… A changtupa a rawn tlan… a changtunu a kuah… a talchhuak der vel…an inum, pangpar leh thing phenahte an inbiruksiak…a changtunu a tlu sual palh ta…a ke a nä, a changtupa-in a va dawm a tum, a lo ti tau… changtupa’n a thlem, a lem…hla atawp meuh chuan lungawi tak leh hlim taka insuih-in tlang/ mual chhipah an tlan liam ta a. A changtunu pa hi misual lalpa(Boss) turu lutuk lo nirengin…chutia a fanu duat lai leh hnamchawm tlangval, rethei bawk si tlangval an lo inngaizawng tih a hriat meuh chuan a changtupa mana sawisa hrep turin a ho/ kit rual, nunrawng tak tak, hmuihmul chhah/ lubuk, kawr pawh kilh tha duh miahlo ho chu a tirchhuak ta a. A changtupa an man ta. A ban leh lam leh lamah misual 5 rual velin an chelh bet…an hnek, an pet, an hlap.. An va sawisa nä em! A ring a thelp, a ban a uai, a khup a zawi… Kil khatah a changtunu chu misual thenkhatin an lo chhiah nawmnah vel…a changtupa hlauhawm zia hrechianglotu pakhatin pawngsual hial a lo tum…a changtunu a mangang, a tap, a au… A hmangaih mangang authawm a hriat meuh chuan thi tawha ngaih a changtupa a rawn harhchhuak ta! Chu ve leh misual 20 rual velin an rawn din-hual nghal…zawimuanga rawn inbengkangin, a lu a thing sawk a. Misual, a mah dinhualtu ho chu a mal te te-in a melh kual ta…(hetihlai vela music leh khuang an rawn tlir tak tak mai chu hmulthi a ding sung sunga, kan za uai uai thei nia). Pakhatin a rawn hneka a thle sawk a(nä a hre tawh lo), pakhatin a rawn pet/ kick leh a (a pettu ke a nä tawh zawk), chartin bungin an hlap leh a(a kehdarh chuai a)… Chu tah, a changtupa thinrim chu a khurh hian a khur-sai hlawk hlawk tawh a. A hmuia thisen luang chu a kutzungchal-in a khawih a, a thisen chu a liak nghal a. Amah hnaih bertu misual chu a la lawka bang vawm nan a hmang zui a…chuveleh misual 20 rual vel chuan an rawn bawh huk a. Mahse, ngaiteh… “Yaaaa!!” ti a a changtupa a rawn tho thut mai chu; misual ho khan “Bomb” an bawh zawk emaw tih mai tur hian boruakah an darh suau a… (He ta, a changtupa thinrim sapatal vel hi thiam dan dan, mitthla ang angin han chhunzawm ve tawh ru le…) Missionary PoliticiansTHUHMA: Amaherawhchu, tun kum 60 zet kal ta chhunga kan politics khelh dan kha kan zir chhuahna sikulin a zir loh vang nge , politics leh 'corruption' te chu inkawp nghet tlata ngaiin, mi pangngai tan phei chuan politics khelh chu a tuma tum chi pawh ni lovah kan ngai thin a nih kha. Tunah erawh chuan kohhran te, tlawmngai pawl te leh mi thahnemngaite zarah politics kan thlir dan pawh zawi zawiin a lo fim chho ve zel a, hei hian beiseina sang tak min neihtirin, India ram tieng tura Lalpan Mizote min kohnaa a hmanraw pawimawh ber pakhat atana a thlan chu 'Politics' hi niin a lang ta tlat mai! I han sawi zau dawn teh ang: 1.Kan zirna 'sikul' a dik lo: Politics kan hmelhriat tan dan leh political party boruak kan hip tan dan kha a fuh tawk loh avangin kum zabi chanve chuang zet chhung chu kan ram politics tui nu hi kan lo hak ta a nih hi. Kan Mizo politician hlunten politics A AW B an lo zir chhuahna chu kan unau Hindu Vai ho hnen atangin a ni ti ila kan sawi sual tam lo vang. Hindu ho an sual e tihna ni lovin, a tira politics min zirtirtute kha Pathian tih mi, Kristian dik takte lo ni ta se chu kan dan a dang deuh ang em aw tiin ka ngaihtuah thin. Mizote hi thil zir thiam hma mi kan nih ang ngeiin, Vai ho politics khelh dan leh an party ruih chilhna boruak te, an 'corruption' zawng zawngte nen lam chuan 'distinction'-a pass khawpin kan zir chhuak ta a. Chutiang boruak inthlah chhawng zel chuan kan ram hi hei leh chen hi heti tak hian min lo sawp rethei ta reng a ni! 2. Politics sikul thar i kai ang u hmiang!: Kum sawm emaw lek liam ta atanga kohhran leh mi thahnemngaite thawhrimna a zarah kan Politics thlir dan zawi zawiin a lo inthlak a, politics hi mi pamhamte leh hlemhlete chanpual tur emaw kan lo tih thin chu mi dik leh mi pangngaite tan pawh luh chilh a tulzia kan lo hre tan ta a. 'Leilung leh a chhunga thil awm zawng zawng (Politics tiamin) hi LALPA ta a ni' tih hre tharin, ram rorelna leh inrelbawlna hi Pathianin a dah pawimawhzia te kan lo hre chho ve ta mek zel a nih hi. Tun hma lama politics, duhamna leh hlemhletna tinreng hmanga kan lo khelh thin khan mimal, chhungkua leh ram a tihchhiat nasat tawhzia hi hriain, Politics hi sikul thar, Nazareth Tlangval sikulah hian i zir thar ang u hmiang! Leilung leh a chhunga thil awm zawng zawng, khawvel leh a chhunga chengte nen hian LALPA ta a ni a (Sam. 21:1), ram hi a ta a ni bawk si a(1 Chro. 29:11). Thuthlung Hlui huna Israel ram roreltute chu Pathianin hriak thih meuhvin a thlang thin ang khan, tuna kan ram roreltute pawh hi mipuite hmangin Pathianin a thlang tih hi an inhriatchhuah hun hunah kan ram chu a kal dik dawn a ni. Pastor te, kohhran upa te leh missionary te ang bawkin Politician te hi ram enkawl tur leh hmasawnna kawnga mipuite kaihruai tura Pathianin a kohte an ni. An dinhmun a sang ang bawkin an mawhphurhna pawh a sang bawk. He kohna hi haidera duhamna leh hlemhletna kawng an zawh luih chuan, Rorelna niah thlaphang taka khup inkhawng hlawk hlawk chungin an la insawifiah a tul dawn a ni! Ram hi LALPA ta a ni a, enkawl tura a ruatten an enkawl that loh chuan an chan tur chu a awhawm lo khawp ang. Chuvangin, politics hi sum siamna leh intih milenna lam thil a ni lo va, LALPA RAWNGBAWLNA pawimawh berte zinga mi a ni. India rama kan thenawm state dangte khelh angin politics hi khel thei kan ni tawh lo. Tun hmaa Politics, thil tenawm leh bawlhhlawh nia kan ngaih thin kha tunah chuan Pathian rawngbawlna tura hmanraw tangkai, LALPA tana bungbel serh thianghlim a ni tih hi Zoram mipuite hian i hre mawlh teh ang u! 3.Beiseina kawl a eng! Kan ramah hian sualna leh chhiatna lam hi a thawm na thin hle mah se, thawm nei lian lem lo mi tha leh mi rinawm, LALPA tih mi, Baal hmaa thingthi ngai lo mi sang tam tak an awm tih erawh hi chu a chiang a ni! Mi tam zawk hi thil tha leh dikna duh, hruaitu tha leh rintlak chu zui peih reng kan ni. Hei hi a chianna em em chu tun tum kan MLA thlan hnuhnung ber, kan thenawm Vai hote mak tih khawpa ralmuang leh fel fai te, Krismas & Kumthar vuakveta halpuah leh halzit ri hriat tur awm miah lo te kha! Ram hruaitute, kohhran hruaitute, YMA leh tlawmngai pawl dang te, Media lam mi te, Dan kengkawh tute leh ram mipuite kan tanrual phawt chuan kum rei lo teah India ram chu sawi loh khawvel huap pawhin Mizo hnam hi chawisanin kan awm thei tih hi a chiang. 4.Chanchin Tha hril nan Politics: Kan Politician ten Pathian tih chunga Politics an khelh a, mipuiten Party aiah dikna, duhamna aiah rinawmna kan chawi san phawt chuan kan ram hian LALPA malsawm ram rim a nam ngei ngei dawn! Ram rethei leh hmuhsitawm kha ram hausa leh awhawm kan ni thei a sin! Inthlannaah eng Party mi pawh 'mi dik' apiang kan thlang ang a, Development sumin kawng a bo tawh lo ang a, hmuh theih khawpin kan ram chu a thang zawt zawt mai ang a, thingtlang kilkhawr ber thlengin an chanvo an hmu kim thap thap tawh ang a, mi tin thinlung chu a lawm ang a, initsikna aiah induhsak tawnna chu Mizo zia a ni tih kan hmu chhuak thar leh ang a, khawtlang nun a zalen ang a, Mizoram chu Thlarau Thlianghlim tlangnel taka a lenna ram a nih dawn avangin a nuam em em mai dawn a ni! Chutih hunah chuan kan thenawm state mai pawh ni lovin Central sawrkar hruaitute thlengin kan ram chu mak tiin an rawn thlir ang a, kan Politician te hnenah chuan, "Mizoram hi engtinnge in hruai bik a? Engtinnge in lo hmuingil tak em em?" tia an rawn zawh hunah chuan, "ISUA KRISTA vang a ni e" tiin an lo chhang tawh ang. Chutih hunah chuan India ram Tribal berh te te kan Evangelist ten an mal beih keuh keuh ang kha a ni tawh lo ang a, Delhi tlanga hruaitu lawk ber berte thlengin chawplehchilhin Chanchin Tha chuan a tuam tawh dawn a ni. An hmai chhana hrilh pawh ngai lovin, kan Politics khelh dan leh kan Politician te nun chuan Chanchin Tha chu a hril tawh mai dawn a ni. Heihi thil theih mai pawh ni lovin, India ram kan tihen theihna tura Chanchin Tha hril dan kawng hlawk ber pakhat a ni ngei ang. Chuvangin, kan politician te hi ram hruai tura kohna hmu mai an ni lo va, Politics dik hmanga India ram tieng tura Missionary atana kohte an ni! MISSIONARY POLITICIAN Lalpa'n a mamawh e! Source:http://keimah777.blogspot.com/2010/01/missionary-politicians.html Mizoram, economically!Kan inti changkang viau a, hei hi kan nihna tak chu a va nih hmel vele. Click here to view the embedded video. Click here to view the embedded video. Consumerism : Eirukna bawiha min hruailuttuThil chhuak thar apiang itna leh awhna vangin hlemhletna bawihah a luh theih. Hemi sawina tawngkam lar tak pakhat chu consumerism tih hi a ni. Changkanna leh hmasawnna avangin tun hma lama kan hmuh phak hauh loh thil tha leh mawi tinreng chu kan ban phak maiah a lo thleng ve ta. India ram chuan ram dang nena zalen taka insumsawntawn thei tur a lo insiam rem tak avangin ram dang siam bungraw mawi leh changkang, hman nuam zawk site chu kan rama a rawn lut hum hum a ni ta ber a. Heng vang hian sum thianghlim leh thianghlim lo pawh thliar thei lovin mi tam tak chu an awm a ni. [LHR] Source: mizotheologicalforum.com Bangalore Elevated Tollway (9 KM)Electronic City, Bangalore-a hnathawk ten an nghahhleh em em Bangalore Elevated Tollway chu vawiin hian Union surface transport minister Kamal Nath an a hawng dawn. Twitter update thenkat ah dar 3 ah an tia, chiang taka inziahna chu ka hmu lo. NDTV hian an cover em ang chu: NDTV Live Stream. Heng khawng thar hi km 9 a sei a ni. (news thenkhat ah chuan 9.5, 9.4 an ti bawk). BETL home page ah hian 9 KM an tia. Ti kher kher tan chuan 9.25 anih hmel.
18.75000 – 9.50000 = 9.25 ?? Pu mzvision, zero te khan han zir chiang se. * A chhungah 4 lane Two Wheeler 10 Hrechiang duh tan: blrelevated.co.in Youth For Christ memberte tan website tharYouth For Christ inti ngamte tan website thar siam a ni a, a duh a piangte tan member a nih theih. Hmang tangkai thiam a piangte tan hlawkna a ni mai. Taksa, thinlung leh thalrau ah hlawk duh te tan a ni e. Hman awlsam, hman nuam, tute tan pawh a hman mai theih khawp a awlsam a ni e; lo lut ve ngei roh http://y4christ.ning.com Khawvel Pa Hausa te engtin nge an teh?Kum 2008 kumtir lam chuan Warrent Buffets a hausa ber, a hnu lawk thlathum ah Mexican Pa hausa Carlos Slim, Telekom Company neitu a hausa ber leh daih. A dawtah Bill Gates a rawn lian leh. Chutah Mukesh Ambani a ron lang ve leh nawlh thung!. A buaithlak tiruu khawvel mihausa te ho hi. Mizo te la tawn hriat loh, Sap ho leh Vai ho an mawl an mawl kan tih tena an nitin nuna bet tel tlat khawpa an hriatchian hi kan hriatchian ve tawk loh vang ani pakhat.
An teh dan; An company te share man san leh hniam ah a in nghah vang ani. An company te share man hi minute tin a danglam (change) avanga hetiang lo thleng ta hi a ni. Entirna: Mukesh Ambani hian Reliance Industries Company ah hian share awm zawng2 atranga 60% share alo nei ta a (Company sum hi share ang zawngin an thrensawm vek thin), a dang 40% chu Bank hrang hrang, Foreign companies, Insurance companies, High Networth Individual (HNI) leh mipui ten anlo insem ve ta a ni. Chutah January of 2008 velah Reliance Industries share pakhat man chu Rs.1400 a lo ni a, chuan October 2009 ah chuan Reliance Industries share pakhat man chu Rs.2400 laiin a lo sang leh ta dawrh ani. Reliance Industries share zawng zawng (Ambani’s + Other) hlutna belhkhawm hi share pakhat man Rs.1400 anih chuan avaiin Rs. 5,00,000 Crores ni ta se, chuan an share man alo punga, chutah share pakhat man Rs.2400 ah alo san takah chuan an share value hlutna chu 71.42% in alo pung ta a (1400 atangin 2400 ah) chuan an share zawng zawng hlutna belhkhawm chu Rs.8,57,108 (5,00,000 crores of 72.41%) ani ta daih a ni. Chuan kumkhat chhung maiin Mukesh Amnai hausakna chu 71.42% laiin a lo pung hluai. Chuan Mukesh an Reliance Industries share zawng zawng atranga teha 60% alo ta bil ta anih chuan a hausak na chu Rs.3,00,000 Crores (5,00,000 of 60%) atangin Rs.5,14,260 Crores ah a chho ta dawrh tihna a nih chu. Rs 5 lakhs Crores avang hian an dinhmun (Khawvel midausa list ah) a danglam thei viau thna anih ber chu. Heng vang hi ania hausa ber emaw kan lo tih, nula rimna a (inti) hre taka kan lo sawi zuap zuap, kan hriat loh hlana alo danglam leh daih na chhan. A ho angreng mange. (Ka phur teh fahran lova, ka ziah sa ka kawl reng, post a omlo emai. Pu mzvision tan, industry tenau emo, sumdawnna te nau, phai lam market thleng phak te pumpelh theih loh, Thil man sang thut, interest danglam thut, Derivative (Forward Contract) hmanga counter dan ziah ka lo tum don nia ; Hotupa Ben-a request, Tax reclaim, Employees ten an claim theih hrang2 kha, ka huphurh. Tax hi ka thiam fahran lo. Mimal chuan ka hrilh duah theih tho chu ka ring , ka ziak ngam em love… ti deuh duah teng.. ziah khat man lolz) |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment