"mi(sual).com" - 10 new articles
Taxi RawkBawngkawn Police Station Kawta, Taxi ding lai chu 19/01/10 zan khan a kawngkhar hnung zawk bul glass kar chhia a rawk ani a, Car tape leh pawisa tlem ruk ani.He taxi neitu hi Police niin hemi zan hian Bawngkawn Police Stationah hian a duty/riak nghe nghe ani awm e. Police Station kawt maia mi pawh awlsam tak thil ruk anih chuan mizoram hi a him chiah em aw tih hi ngaihtuah tham tak ani. (click pic for larger size) Krismas/Kumthar vuakvet thlalakTun Krismas & Kumthar vuakvet vela Mizoram ka han chuan chhuah tuma ka thlalak thenkhat hi inthlahrung angreng tak chungin ka han post ve mai mai teh ang. Pu XaiA te, @shailendra te leh @chawnghilh te angin camera chelek lamah zei ve vak lo mah ila, ngaihruatin lunglen zawng a hril ve chang chang tho ang chu maw!! Mizorama Krismas hmang hman ve lote tan.. Mizoram tlangte hi an va mawi teh lul em!… (click pics for larger size) MI – experience of a lifetime!! Thlasik zing nichhuak a mawi khawp mai
Picnic spot te pawh kan lo nei changkang ve ta khawp mai.. Ruaitheh hi a nawm dan a tui!!
Homeopathy lar tur hi MBBS te’n an dang?January 12-a AYUSHCON kan neih ţuma kan Senior Adviser, Dr B Thangdailova thusawi pakhat hi i han sawiho leh lawk teh ang u hmiang. Tunlaiin Homeopathy a lo lar zel mai si a. Central Sawrkar lahin Mizoram sawrkar hnenah tichangtlung turin notification a rawn pe reng mai bawk si! Directorate hran siam chungchang a sawi kaina-ah Dr. Thangdailova chuan, ‘Central lama an sualchhuah ang khuan State-ah pawh in sualchhuah a ngai a ni,’ a ti a. Ka ngaihtuah chiang a, a lo ni thei dawn tak e – Health services zawng zawng monopoly ni thin kha, homeopathy leh ayurvedic option a rawn awm dawn ta a ni a. A lo awm sa tan chuan theihtawp chhuaha lo dan tum chu a awm ngawih ngawih reng a ni. Dr. Thangdailova chuan Central sawrkar lamah AYUSH (chutih lai chuan ISM&H a ni a) din a nih dawn hian nasa takin MBBS te’n an dodal thu a tarlang a. Mahse, AYUSH lam mite hi an tawng theih ema vang leh influence an ngah ema vangin MBBS te’n an dang hneh ta lo niin a sawi a. Ka ngaihtuah ta neuh neuh a, tunah pawh hian AYUSH (a bikin Homiopathi) a lo lar chho mek a. Hman kumah khan Science Vision magzine-ah nasa theihpatawpa sawichhiat a ni tawh a. Tin, tunhnaiah Sakhuana thila kailekin sawisel a ni leh a. Tute emaw indirect influence a ni thei ang em le? A tir phata ta Homiopathi hian sawisel a hlawh nasa hle! A dinchhuaktu Dr. Samuel Hahnemann ngei pawh kha German rama tanga hnawhchhuah niin France-ah a tlanchhe hial reng a ni. Mahse, do hneh theih loh a ni miau a. Tute emaw tawngkam takin, thawk muang deuh angin lang mah se, a goal a hlah ngai lo a ni ber mai.
Mizote leh NetworkingMizoram hi kawng thenkhat atanga thlir chuan hma kan sawn a, state dang tam tak hian min tluklo hle niin ka hre thin, a bik takin 'Networking' ah hian a ni lehzual a. Zo khaw tinah YMA, MHIP, Kohhran a awm a, heng bak pawl dang pawh a awm nual a. Tunah phei chuan phone, mobile leh TV te a lo tha lehzual a. Tun hma kum 20 kal ta khan Meghalayah chuan khaw tinah phone a awm, an tih thin lai khan Mizoramah engtiknge a thlen ve ang kan tih laiin kum 20 ral hmain a lo thleng ve ta der mai a. Mizorama TV lo chhuahtir kha 1980 vel chauh a ni a, a hma deuh 1975 chho khan Aizawl Chhungkaw tlemtein TV an nei a, Asian games 1982 (niin ka hria) khan colour TV a lo lar lehzual chauh anih kha. Hmasawnna hi a la rei lo hle mai, mahse hma kan sawn nasa niin ka hre thin. Kan nu leh pate generation thlirlet chuan keini generation chuan hmasawnna kan ngah hle a ni. (In hriat dan a dik zawk ang. Read more @ mizotheologicalforum.com ‘Chengkhata’ su hlumLalrinzuala (Mi khawngaihna dila vak kual thin, ‘Chengkhata’ tia hriat thin) kum 58, Lily Veng chu nimin chawhnu khan lower Chanmari-ah Pick-Up ML-05-SF-4151 chuan a sú a, damdawi-in panpui a nih hnuah a boral. Thu dawn danin, Lalrinzuala hi a thih hnuah police-te’n a pawisa ah zat an chhiarsak a, Rs. 44,664 a ni a; A ruang hi unaupa, R Vanlalmawia, Lily Veng hnenah Police-ten an hlan. Lalrinzuala sutu driver hi F Zorammuana, Dawrpui Vengthar a ni a, police kutah a inpe nghal. Pic via Buannel.com , News Source:Vanglaini Hla pahnih – min tichak thintu :Ni lo, pathum zawk a ni - Kum a thar a, rilru thar, ngaihtuahna thiang hmangin nunkawngah hmasawn tumin rahbi kan chheprem sauh sauh hlawm a. Thuthluang nun neih phah nan ni hauh lovin chik lehzuala inhlanthar nan - Hausakna hi eng hmangin nge i teh thin le? Neihsum leh thiltihtheihna te hmangin em ni? Nge ni Pathian hnen atanga i phu reng vang ni hauh lova a thlawna i dawn ‘thilthlawnpek’-te hmang hian?
Hla thu mawl, mawi leh fiah si Pastor C.Saikhuma hla mawlh mai hian kum bul ka tan lo phal thin lo: Aw Lalpa lawmthu kan hrilh che, I hnenah lawmthu kan sawi e I thilsiam rimawi ka hriat leh Mangana min tanpui turin, Thih lungngaihna ka tuar laiin Aw Lalpa lawmthu kan hrilh che, A nuna fiahna leh harsatna a tawn zozaite hian tichau lovin a tichak zawk a, lawmna hnar atan a hmang zawk zel thei tih hi hrilhfiah leh chuan ngai hauh lovin a fiahsa em em a. Chutiangin, Jim Reeves hla - We thank Thee each morning for a new born day Bihchiang ila, chik cheuh cheuh ila, thumal tin leh tlar tin hian lawmthu a sawi asin…!!! Pi Zaii thlirna rilru tawmpuiin, “Aw Pathian, Chhandamtu zara’n, min pe rawh – RILRU THIANGHLIM” ti thei theuh hlawm ila, mi(sual) hei zozai hian huaisen leh hmasawn zawkin kumthar kan chhiar hlawm ngei ang. “Lawmna-a khat rilru thianghlim, Kum tharah hian engti hawi zawnga hmasawn nge i tum le? DGP hlui leh Addl SP hlui bail phalsaksource : vanglaini.org Police Modernisation Scheme sum hman dan chungchanga Anti Corruption Bureau-ten an man, DGP hlui, M Tumsanga leh Addl. SP (M) hlui, H Tlangkunga te chu bail puitlinga chhuah an ni.
M Tumsanga leh H Tlangkunga te bail dilna hi nimin khan Special Court-ah ngaihtuah a ni a, hriselna dinhmun that loh avangin Special Judge, T Saikunga’n bail a phalsak. Tumsanga hi court-ah inlanin, Tlangkunga chu Special Judge PS room-ah a awm a, Tumsanga aiawhin a ukil, Michael Zothankhuma a ding a, Tlangkunga aiawhin a ukil, Reuben L Tochhong a ding. Sorkar lam aiawhin Public Prosecutor, AK Rokhum leh Addt. Public Prosecutor Lalremtluanga te an ding bawk. DGP hlui M Tumsanga ukil hian Dr Loncy V Lalzarliana’n medical certificate a pek kengin, stroke avanga lungná, hriatna hloh zeuh zeuh, taksa veilam chêt that theih loh chang a nei thin a, tawng a harsat thin bawk. H Tlangkunga’n Dr Vanlalhruaia medical certifcate siamsak neiin, zunthlum enkawlna nei tha damdawi-ina awm mamawh a nih thu tarlan a ni. Court chuan bail-a chhuah an nih chhung hian, India ram chhuahsan lo tur te, court-in a mamawh hun apianga kal tur te, case investigation officer a tul anga tanpui turte leh finfiahna (evidence) tibo thei zawnga awm lo turin Tumsanga leh Tlangkunga te hi a hriattir. Hengte hi an bawhchhia a nih chuan bail an nihna hlih nghal tur a ni ang. M Tumsanga leh H Tlangkunga te hi an hun laia Police Modernisation sum hman dan leh thil lei chungchangah ACB chuan Prevention of Corruption Act 1998 tlawhchhanin thubuai an siamsak a, Dec 21, 2009 khan manin, hemi ni hian interim bail-in Chief Judicial Magistrate Vanlalchhami’n a chhuah lehnghal a ni. Court-in ni 30 chhunga bail an dilna ngaihtuah tura a tih bawhzuiin, an ukil-te’n bail hi an dil a, interim bail an hmuh atanga ni 29-naah bail puitling hi phalsak an ni ta a ni. Love Story – IIIMi(sual) zawnglaite tan liau liau… Ka zawng ruai a, ka thlir ruai a; Ka hel fö a, ka pan fö a; Ka sungtuah chiam a, ka sam chiam a; Min chhang ngei a, ka hlim ngei a;
Kan leng dun a, kan hlim dun a; Ka en reng a, min en reng a; A zal ta a, a chhing ta a; Damreina ThurukTumah hi dam zel phurna nei lo chuan an hriselin an damrei thei lo. Kan mood a chhiat chuan nun hi a hahthlak em em a, nun zel peih loh ngawih ngawih a awl em em bawk a ni. Mood tha lo hian kan khawvel thlir dan a tithim vek thei a, chu chuan kan taksaah na dotu a tichhe thei a, damloh phah hialna pawh a thlen thei. Doctor Maoshing Ni chuan i mood thatna tur te, i rilru harh huaina turte leh i hriselna turte tha tak tak a sawi dawn a, ngun takin lo chhiar rawh le. 1. Nuih hnem a tha: Mi thenkhat chuan nui hmel put deuh reng leh nuih hawk hawk reng mai chu thil mawi lo niin an hria a, mahse hriselna atan a lo tha hle mai a, hmel lo hmel put reng ai chuan hmuh pawh a lo nuam reng reng a ni. Zirchiannaa a landanin, kan han nui hawk hawk hian kan taksaa natna dotu hi a tichak a, natna leh cancer dotu cell-te a tichak a, chuvang chuan nuih hnem hi a tha a, hei bakah hian nuih hawk hawkna hian kan thluaka hnathawktu pawimawh tak, endorphins a tichak bawk. Rinhlelh tur awm miah loin mi hlim theite chu mihlim lote aiin an damrei zawk tih a chiang a, an hrisel zawk tih a chiang bawk a; chuvang chuan a theih chuan i comics duh ber chhiar la, i comedy film duh ber en bawk la, i thiante nen fiamthu thawhin nui hawk rawh u. 2. Mood tha lo damdawi: Mood tha lo reng mai hi thluak lam hrisel lo vang a ni thei a, European-te chuan mood tih that na’n leh rilru hrisel tak an put theih na’n damdawi an hmang thin. SAMe damdawi hi thluak lam hrisel lote’n an ei thin a, mahse hei hi chu Doctor-te rawn chunga thi a ngai thung a ni. ‘ Mihring tupawh mai hian kan taksa kan sawizawi that loh chuan lan upat bak hmabak kan nei lo. Chuvang chuan i theih ang angin exercise la la, a theih phei chuan gym-ah squat leh leg presses-te ti ang che, hei hian i lang upa tur a veng reng dawn a ni. Exercise hian i lang upa tur a ven rengbakah nangmah a tihlim dawn che a, chuvangin weight chawi emaw, tlan emaw, push-up emaw, walk emaw tal pawh i tih reng theih a duhawm hle. 4. Chibai sem rawh: Midangte hlimna petu hian amah nasa takin hlimna a nei let a, hei hian nun a tisei thei. Chuvang chuan mite chibai hmasatu ni la, i chibaite nen khan in mood a tha ve ve ang a, in taksa leh rilru lam a hrisel telh telh thei dawn a ni. 5. Thawk dan dik: Kan taksaa tûr awm, ‘toxin’ leh taksa tana tul lo kan taksain a paite paihchhuak tur hian thawk dan dik a pawimawh hle. Kan zun leh ek atang hian kan taksaa toxin awmte 30% vel chauh kan paihchhuak nia sawi a ni a, kan paihchhuahna tam zawk chu boruak kan thawk chhuah zawngin a ni. Chuvang chuan thawk dan dik hi rilru tih thawl na’n te, taksa tihchak na’n te, mood tih dik na’nte a pawimawh hle. Thawk lak vang vang a, zawi muanga thawkchhuah leh riai riai leh nitina chutianga tih vang vang chu taksain a thatpui hle a, hnam hrang hrangin tihdan chi hrang hrang an nei a, ‘tai chi’ te, yoga te, qigong leh meditation-te hi sakhaw biakna lam ni loin thawk dan dik hmanga thawkna vek a ni. Hmanlai atanga mite’n pangpar an inpe thin hian awmzia thuk tak a nei. Pangpar rawng mawi tak hian mood a tidanglam vek thei a, damlo rilru pawh tizang hawk thei khawp a ni a, hnathawhnaah pawh mi a tihahdam huai thei. I theih chuan inah te, hnathawhnaahte pangpar khawi la, i lo hrisel phahin i lo damrei phah ngeiin a beiseiawm a ni. Courtesy: Thlifim Monthly Magazine Min pui thei in awm emSBI ah housing loan chhete lak ve ka rilruk deuh a, mahse la tih ngai loh te a ni bawk si a, ka bang bo khawp mai. Misual zingah hian a chinchang hre tak tak in awm ka ring a, bank a thawk mek pawh in awm maithei, loan lo la tawh pawh in awmin ka ring, in experience a trangin thurawn min lo pe thei ang em, trul lova ka buai vak loh nan. Ka lawm e In thian, Triplestar Misual.comer |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment