Unau hih khasiat a hoih kei hi

"Unau hihkhasiat khopi muan sangin lak a haksa jaw: huan huchibang kiselna kulhpi sikchiangte ahi. Mihing gilpi a kama gahin a dim ding: a mukte punnaa hihlungkimin a om ding hi. Sihna leh hinna lei thilhihtheihna ah a om; huan huai itten huai gah a ne ding uh." (Paunakte 18:19-21).

Mihaiin bawlhoihna a Musit

"Mi haiin a pa bawlhoihna a musita: himahleh kuapeuh salhna limsakin pilvanna a mu hi. Mi diktat in ah gou tampi a om: himahleh mi gilou summuhna buaina ahi. Mi pil mukten theihna a phalha: himahleh mihai lungtangin huchibangin a hih kei." (Paunakte 15:5-7).

Lungsim hoih taksa adin damna ahi

"Lungtang hoih sa hinna ahi: himahleh hajatna guhte muatna ahi. Kuapeuh genthei nuaisiahin a Bawlpa a simmoh hi: himahleh kuapeuh tasam tunga chitna neiin amah a zah. Mi gilou a gilou hihnaa paih lutin a oma: himahleh mi diktatin a sihna ah lametna a nei hi." (Paunakte 14:30-32).

Thudik genna tamna ah mite kip hi

"Kuapeuh thutak gen in diktat na a ensak a, himahleh palai juau in khemna. Namsau sut banga pilvang lou taka pau a om a: himahleh mipil lei dam na ahi. Thutak lei khantawn in hih kipin a om ding: himahleh lei juau thei jaw mitphiat kal khat leh a ding leh ahi." (Paunakte 12:17-19).

Bukna diklou Toupa ading in kih huai ahi | Liankhankhup Sektak

"Bukna diklou Toupa a dingin kihhuai ahi, himahleh gikdan dik a kipahpih lam ahi. Kisaktheihna a hongpai chiangin, zumna a hongpai; himahleh mi kiniamkhiakte kiangah pilna a om hi. Mi tangte dikna in amau a pi ding, himahleh mi lepchiahte hoihlouhna in amau ahihse ding hi." (Paunakte 11:1-3).

Manglukhu kuan akhu dia?

"Na lua dingin kilawmna kizepna a honpe dia: kilawmna manglukhu nang a honpe ding hi. Aw ka tapa, ka gente ja inla, sang in; huchiin na damsung kumte a tam ding hi. Pilna lampi ah ka honkisinsaktaa; tanna lampite ah ka honpita hi." (Paunakte 4:9-11).

Toupa iki humbitna leh damna ahi

"Na mitte akipan amaute lamang ken; na lungtang lakah vom in. Amau mute ading in hinna ahi ngal ua, a sa uh adingin damna. Thanopna tengteng toh na lungtang kem in; huai akipan lah hinna tuinakte a luang ngala." (Paunakte 4:21-23).

Bible verse dedicated to me by my mother while to begin journey | Liankhankhup

"Na lungtang tengteng toh Toupa ah muang inla, nangmah theihsia, na ah kinga ken: Na lampite tengteng ah amah thei inla, huan aman na lampite a pitang ding hi." (Paunakte 3:5-6).