"mi(sual).com" - 9 new articles
Toyota hralh chhuak loTunlai hian Toyota model chi hrang hrang te chu an siam afuh chiah loh avangin “recall” (dawr ah ko kir leh) an nei nasa ngei mai. A tir lam kha chuan model hrang hrang atang hian 2.3 million car/truck/suv te recall an ni a, tunah chuan 5.3 million an recall ta. He recall an neih na chhan hi a “sticky” accelerator pedals an tih mai, acelerator pedal tan vanga buaina leh thihna thleng thei an nih hlawm vang a ni. Khalh tirhin a pedal chu tang lo mahse, tlan laklawh lai ten a tang ta thut thin a ani awm e. Chhungkaw pakhat pawh an Toyota SUV chu an control theih tak loh avangin 911 an koh hnu chuan 120 miles/hr a tlanin an accident ta a, an thi vek nghe nghe a ni. He an 911 kohna te hi TV ah an ti chhuak nghe nghe, a rapthlak in an lainat awm ngei mai. Toyota hi US ah car hralh hnem ber ni reng lai a ni a, dealer te chuan “not for sale” an tar ta fur mai! Chhiarzawm theih: http://abcnews.go.com/ Isua hi Pathian a niUPC ka ni lova mahse Isua hi Pathian a nih ringtu ka ni. Khawvelah hian sakhaw hrang hrang betu tamtak kan awm. Jehova/Adonay/Pu Vana hi Pathiana pawm lemlova milem leh mahni mihring puite ngei be tlat tu an awm bawk. Hengho zawng zawng leh Pathian nung betu intite zingah pawh hian Isua hi Pathiana ngailotu tamtak an awm bawk. Isua hi Pathianah kan pawm emaw pawm lo emaw, milem bia pawh ni ila, Pathian awm ringlo (Atheist) kan nite a nih ngawt loh chuan hnamtin/sakhaw tin hi kan tawngtai fo ngei ang, hetianga kan tawngtaina lo dawngsawng thintu chu Isua, Pathian nung fapa, Pa nih fawmtu hi a ni tlat.Chuvangin mi zawng zawng Pathian chu Isua hi a ni.
Mi Thuziak – NLUPNLUP – Congress Party "Waterloo" by M Lalmanzuala Hun rei tak chhûng tuma hneh theih loh hiala ngaih, Napoleon-a chuan WATERLOO hmunah khan a ngam loh a tawng ta hlauh mai a, a tlâwm tâ a nih kha. Kha ta tang khan chhiat hlenna sawi nan, "My/His Waterloo" tih hi hman thin a lo ni ta a. Chutiang hawi zâwng chuan ABBA pawhin thiam takin 'Waterloo' an sak thin kha. Khawvel hnam tin leh mi tin tân ei leh bara intodelha mahni kê-a din hi thil pawimawh hmasa ber a ni a. Hei hi hria ni awm takin kan politician-te pawhin hetiang lam hawi programme, Garden Colony, LUP, Jhum Control, NLUP, MIP te chu a hming tal chuan an ngaih pawimawh ber pakhat a ni thin. Hetiang programme-te hi 'mipui' kan tih, kuthnathawktute/loneitute dinchhuah nana duan a nih avangin a pawimawh zual a ni. Congress sorkar thar chuan NLUP chu "Flag Ship Programme" hming meuh put tîrin an ngaih pawimawhzia an aupui a. A hlawhchham hlauh chuan a mawhphurtu chu mipuite an ni ang tiin Lal Isua hmai tibâltu-a ngaih an nih tur thu hial an sawi a ni. Heti taka ngai pawimawh anga an lan avang leh ram leh hnam tana thil pawimawh ber pakhat a nih avangin NLUP hi an hlawhtlinpui chuan thil dangah titha vak lo mah se, inthlan leh hunah pawh Congress chuan sorkar an siam leh phah ngei a rinawm a. An hlawhchhampui hlauh erawh chuan thil dang tihthat te nei ve nual mah se, an "Waterloo" a ni ngei ang. Politics thilah Congress party/sorkar hi ka tan tihna ni lo-in NLUP hlawhtlin hi ram leh hnam tâna thil pawimawh, chêng vaibelchhe tam sênna tur, awmze nei leh tangkai taka hman a niha, kan thingtlâng unau, kuthnathawktute'n dinchhuahna nana an hman ka duh êm avangin hetiang rawtnate hi ka han siam ve a ni:- 1. NLUP hi development department-te nena kaihkawp (integrate) a nih loh rau rau chuan, 'trade' thlan tur hi, thei/thlai chin lam a ni emaw, ranvulh a ni emaw, chi hnih aia tam lo ni se, a fuh ang. Khawpuiah erawh chuan NLUP hming pu kher lovin tun hmaa an tih ang deuh khan Special Development Scheme tih hming te emaw-in sumdawnna tenau, ranvulh tiam lovin, din turin mi taima leh rinawm ni ngeia hriat tanpui se; chutiang mi tan chuan an sumdawnna tur atâna sum mamawh zat chu, chêng nuai khat pawh ni se, tum khatah pe ngam se, an hlawhtlinpui ngei a rinawm a ni. Xerox khâwl emaw, workshop khâwl emaw lei nana kum khata cheng 40,000/- emaw pêk chuan, account te vawng fel ve thliam mah se, a tak hmuh tur awm lovin 'vawkpui zai thei'-ah te a chang thin tih kan hriat tawh kha. Mirethei tan chuan kum khat chhunga khawl cheng 40,000/-a lei chu thil harsa mai ni lovin thil THEIH LOH a ni. 2. Mizo-in 'tam' kan tih hi 'vai' leh sap-ho hian tam an ti lo a. Eng thei emaw, eng thlai emaw pawh hi, company lian aulût tham khawpa tam kan neih phawt chuan NLUP atan a tha deuh vek a ni. Environment tichhe lo tur leh sawhthing te anga a tam lutuka a chhiat mai hlauh bawk si avanga tlawm taka hrialh (distress sale) ngai lo thlang fuh se; chutiang bawkin ran vulh pawh thlang se; buaipui tham leh "International Brand" nei thei tura company liante'n a tam tham avanga an rawn luhchilh tham neih a ngai a ni. 3. Sorkar tan thil hralhna zawn buai a tûl lo ang. Sorkar sum leh tha ringa hlawhchham tawh, an hlawhchham dan bâk experience nei lote ai chuan kan thalai mithiam tam takte an rintlâk zawk ang. 4. Thlai chi hnih leh ran chi hnih ram pum tan tlêm kan ti tâlh a nih chuan, 'crop zone' tal siam ni se; kuthnathawktute tan dinchhuahna kawng a awm ang. A pawimawh ber chu, thei/thlai chin tur leh ran vulh tur sorkar hian thlang fel hmasa phawt se, mipui lam chuan, "NLUP tanpuina dawn ka duh si a, chutiang thei/thlai emaw, chutiang ran emaw chu ka thlan a ngai tlat" ti se, kan tharchhuah chu a tam ngei ang. 5. Himachal Pradesh-ah chuan an Chief Minister YS Parmar-a'n American scientist pakhat consultant atan a hmang a. An ram leilung, sik leh sa mil, apple an malthlûr a; tunah India ram state hausa ber pâwl an nih phah tawh a ni. Himachal Pradesh-in apple an tuipui tak tak lâi kha chuan, "Kan chief ninister Y.S. Parmar chuan a men chhung zawng apple a ngaihtuah a, a mutin a mumangah a mang bawk a. Hetiang hian kan state kan dingchhuak ta a ni," tiin an state-a hnam dang lo kalte chu an hrilh mawlh mawlh thin a ni. Chutianga an state hmangaihtu Chief Minister Himachal Pradesh-in an neih lai khan a ram leh hnam hmangaiha a lo changkan ve nana rualawt ngawih ngawihtu Pu Lalhmingliana Tochhawng chu Chief Secretary a ni a. Pu Parmar-a nena an remhriatna te chu Mizoram tân hman tangkai ve dan a awm dah law'maw tiin Aizawl-ah a rawn zinpui a. A mite'n kan zir ngang lo a ni ang, an thahnemngaihna chuan kan tan rah tha a thlen ta lêm lo a ni. Y.S. Parmar-a te anga ram leh hnam dinchhuah duh tak tak leh vei tak taktu kan mamawh a ni e. SOURCE Vanglaini Tunah hian NLUP dawngtu tur thlan that leh tur a ni tih a chiang ta a. Hetah tak hian thil tha duhtu tan chuan mahni theih ang anga chet lak a ngai ta niin a lang. A chhan chu tuna a dawngtu thlan that an tih chhan hi a dawng theitu tur ni lo dawng tura thlanchhuah an tam avang leh an trade thlan dan fuhhlel avang te nia sawi a ni tlat hi a ni. Tin, kan hre reng lo a nih palh taka hriat ngai chu NLUP hi tunah mi zawng zawngin kan dawng dawn lo a, Assembly Constituency pakhat atangin chhungkaw 600 zel chauhin kan dawng dawn a, hei hi a tam lo hle tih kan hrethiam vek ang. Khawvel kalphung pangngaia party induhsakna a kal loh theih dawn loh bawk si avangin ruling party duhsak zawng apiang, dawng thei lo tur nen lama dawng tura thlan an nih chuan dawng thei tur pawh ni ila opposition party mi kan nih chuan kan dawn ve hun a hla hle dawn a ni. Chuvang chuan a dawng thei lo turin an dawn lohnan tan kan lak hle a ngai a, a bik takin a dawng thei tur mi phei chuan thikthu kan tihchhiat hle a ngai a. A dawng thei tur leh dawng thei lo tur hi hriatchian a, dawng thei lo tur zingah dawng tura thlan an awm chuan hma kan lak vat zel a ngai a ni. NLUP Manual 2009 atanga enin NLUP dawng thei tur leh dawng thei lo tur thliar fel sa vek a awm a. Hei tak hi kan hriat tlan a, a tul ang anga mahni theihna zawn theuh atanga hma kan lak a tul a ni. NLUP dawng thei turte Hei hi zir chian a tul ta a ni. Heng hi kan hriatchian a, hma kan lak ngam phawt chuan a mamawhtu leh a dawng theitu zawng zawngin NLUP dawn kim hi a harin a rinawm loh a ni. Tuna an hnawl tak NLUP dawngtu tur thlanna kha en let ila – sorkar hnathawk chhungkua te, indang thar te leh eizawnna ngelnghet nei tawh an awm nual a. Khatiang kha a awm leh a nih chuan kan hriat apiang thuneitu emaw, a tul anga hma la ngam ngei tur PRISM emaw hnenah hrilh thuai mai i la, tichuan dikna tundin a nih mai bakah NLUP kan dawn hma theih phah ngei ang. Thuneitu lam pawhin mawhphurhna lian tak hemi kawngah hian an nei tih theihnghilh lo se a tha. MLA inthlana Congress Party tihtur tiam (manifesto)-ah khan NLUP chungchang an ziah kharnan "Loneitu thawk rim chu a rah chang hmasatu a ni tur a ni" (II Timothea 2:6) tih an hmang kha a ni a. Hei hi an kaltlangpui ngam lo a nih chuan talhtum lian takah a la chang thei mai ang tih a hlauhawm viau lo maw? NLUP hi a hlawhchham ka lo hlau ve em em a, ramdang a awm leh heng article thra tak lo chhiar lo palh in awm takin, sawiho zui atan nipahfawmin ka han thawh ani e.
Pari Zun @ MTV RoadiesClick here to view the embedded video. A rei deuh tawh na a, ka’n post ve sim sim ang e! Picture Post Hi (Huat chi loh)Tun ah tak chuan ka tan chuan Problem a ni lemlo na in, Reliance leh Aircel atanga harsa taka ka Misual thrin lai khan Picture load chhung hi a rei thei em em mai a, a chang phei chuan ka close phah thrak fo thrin. A chhan chu Picture quality kha a len lutuk thrin vang a nia, a hawng zo lo fo thrin a ni. Kan Picture Post tur kha a fiah tho chuan Photoshop etc atangin edit ila, a quality kha minimum/medium ah dah ila, han hawn meuh chuan a fiahloh phah chuang reng reng lo a nia, chuan NET chak em em lemlo entirnan Lunglei atang in, Reliance, Airtel, Aircel leh TATA Photon hmangho tan awlsamna awlsam tak, thra si, misual nih awlsam bawk si kan siam sak dawn tihna a lo ni ta a, hetianga edit hi i ching thar teh ang u tih hi kan rawt tawp mai a ni e. (OT pawh phal zeuh zeuh ila Admin Note: Saitawk a thil rawn rawt hi a tha khawp mai. Pic lian lutuk hian browser te hi a ti muang thei asin. I computer a picture tih tet dan awlsam deuh kan han ziak tel ange - 1. Picture kha Microsoft Office Picture Manager in hawng la (Right click on picture..Open With.. Microsoft Office Picture Manager) 2. A menu ah khan “Picture -> Resize” tih kha click leh la 3. Hemi i click hnu hian a ding lamah panel a rawn in hawng anga. He panel ah hian Custom Width and Height tih kha han click leh zeuh ula. 1024×768 (800 x 600 pawh kha a pawi miah lo) tih kha han thlang ula. OK tih click zawhah Picture kha save ula . (File ->Save). A original size in la duh anih chuan “File->Save As” tih kha click ula hming dangin in save mai dawn nia. 4. Hemi zawh hi chuan picture hi imageshack.com ah emaw tinypic.com ah awlsam te in a upload theih tawh ang. I computer ah Microsoft Office Picture Manager i nei lo anih chuan Photoshop ah emaw tih tet angai anga Photoshop i nei lo anih leh zel chuan imageshack.com ah i pic upload hnu a resize na option a awm. Backstreet Boys India ah! (Richard Marx-a nen)Kumtina neih thin Rock In India music festival ah Backstreet Boys an rawn zai dawn; anni ho bakah hian Richard Marx pawh rawn tel ve tura beisei ani e. He music festival hi Rock music tih larna a nih thin avangin rock music fans tam tak chu an lungawi lo hle a Backstreet Boys ber kher rawn kal tur chuan rock music festival a nihna a tihniam ti in organiser te an hrilh . BSB website ah a lan dan chuan Delhi ah Feb 20 hian an zai anga Feb 22 ah Bangalore lamah an rawn ti ve thung ang.
- http://www.digitalspy.co.uk/music/news/a200035/backstreet-boys-anger-indian-metal-fans.html Galili DilGalili dil te a hriat lar ani a..Hebrai trawng erawh chuan Yam Kineret tih ani thunga. He dil hi an hming hran poh a la nei hlawm a chungte chuLake of Genesaret tih te lake of Tiberias te an ni. He dil hi Golant Heights bul hnaih chhim chhak lam a awm ani a Israel ram chhunga fresh water dil awm lian ber ani nge nghe a. He dil lo awm dan nia an chhutchhuah dan chu tun hma in lirnghing leh tlang kang lo awm in a siam ni in an chhuichuak. pic via http://www.finephotogallery.com/ He dil chanchin hi Bible ah pawh kan hmu nual kha. He dil kan ah hian khawpui hlun a awm a chu chu Tiberias khawpui ani a khawpui nuam tak a ni nghe nghe bawk. Galili dil hian engtik lai pawh in tlawhtu a ngah em em reng bawk a tourist hiptu te zing ah pa khat chu ani ve hial awm e. He dil ah hian water sport lawng ti hrang hrang hmang a in fiam na hmun nuam tal a ni a keini ang duang tam chuan hmuhnawm pawh a tam khawp mai.A kam ah te hian restaurent naum leh changkang tak tak simple tak si te a awm nual a chawfak pawh in nghakuai te chiah pah a hun hlimawm tak hman na hmun te pawh a tam mai. Sangha te a tam em em bawk a pu Peter a pawh len khat tran a ,a man pawh kha a awiawm loh hran awm love. Ka kal tum pawh hian kan chaw fak bang (sandwitch) themte kan thlak mai chu kan lawng hma ah hian an rawn in pangawm zial tuptup mai maw le. He dil hi sangha man na hmun pui ber ani hial reng a Israel ram chhung ah chuan. Tin he dil tui hi Israel ram a cheng mihring nuai 75 tel tak meuh ten nitin thlaphang miah lova kan nitin khawsak nan a kan hman tui , pani water, pek chhuahna awm chhun ani bawk. Chu mai bak ah chuan Israel ram chhung a thlai , thei pangpar leh thingkung leh phul ten an dam khaw chhuahnan a an tui tlan zawng zawng te pawh hi Galili dil tui bawk hi a nia. Chu bak ah ram rual te leh thil siamchhuahna hmun Factories zawng zawng a an tui hman ral zawng zawng te pawh hi Galili dil tui tho a lo ni leh pek a maw le. A tui rawn luan luhna hnar awm chhun chu Harmon tlang a thlasik lai a vur tla thin te hi tui ral in lei hnuai ah inthlifim in he dil ah hian an luang lut rhin a ni. Israel ram ah hian he dil hi awm lo ta chu ni se dam khawchhuahna tur khawp tui thianghlim(fresh Water) a awm lo. Nikum te khan a chim chin hi a hniam hman hle a ram hruaitu te pawh an mangang hman trep a tin tun ah pawh tui ren zawk nan ti in tui bill te pawh tlem in tih san ani chho ve leh ta a. Hetiang din hmun ah hian awm mahse mipui te chuan lungngaih a hnek in Lalpan kan mithiam te hmang in tui pui tui te hi in tlak a siam dan an thiam thuai mai ang kan mamawh tak tak hun ah chuan an ti duh lek fang zu nia. Hmun tam takmahchuan tui chhia te hi an thlifim leh in hman tlak in an siam leh ve zel reng bawk.
Liteng sawl an tih ang dil kanchu an khauh pen lawng te nau ten dil an pan nan a station ang deuh an siam tatrang hian speed boat etc te an fawr chhuak thin. Hei hi a detail chua ni e
(source: Wikipedia) Pu Zoramthanga thawnthu sawiPu Zoramthanga thawnthu sawi leh a ti ti fiamthu leh thil a tawn leh mizoram in tun dinhmun kan lo dih theihphah ve na te ni awmtak ni in a lang. Click here to view the embedded video. A hnuai a mi hi en a nuam khawp mai, a chhuan awm in Mizo te Hero zinga in hlangkai chu a lo ni ve chiang mai. Click here to view the embedded video. Khawvel silai tha bik thenkhat!kawlhawk in a rawn phut em mai a, ka hriat dan leh hmuh dan tlem ka han ziah bakah, a hria te sawi te pawh tarlan kan tum ang chu (tawi thei ang berin). Silai chi hrang hi an tam mai mai khawpah, ram hran hian mahni ram kutchhuak hi neih vek kan tum emaw tih theih a ni hial awm e. Mahse, chungah te chuan hmanna tur a zirin a tha bik siam thiam ram chu a awm loh theih thin loh. Hmanna tur hmun a zir han tih pawh hian mihring pakhat in a ken theih chin ti mai ang, assault rifle angah te emaw, carbine ah te pawh a hmang tu mihring a zirin mimal tan a hman thiam bik/tha bik a dang leh thei zel awm e. Chutiang tho chuan Mizo in puakruk kan tih (hand gun) ang chi, silai kut khata ken chi pawh hi a mihring a zirin, midang tan a kah dik em em kha a dang leh tan a kah a dik ber kherlo thei. Hei hi kut tum len zawng leh kut pian hmangin a hril khawp mai. Puakruk (hand gun) leh assault rifle ah pawh hian mitin tan hman thiam a awm hran deuh vek tih bakah hian, a siamdan rinawm, hrem ngam, tihfai awl, mu tang(jam) awm khat, khawih nuam, zang tha, pian tha leh tam tak dang tha bik nihna chan tir theitu an awm hrang leh thin. Silai ngai ah rau rau pawh a silaimu a zirin a kah a na in a kah a dik in adiklo thei leh bawk. Silai mu hi grain awmzat in anglo tak taka siam an ni hlawm a, khang te kha hmanna tur a zirin a mu thlan thiam te pawh angai hle. Tunlai hand gun zawrh chhuah ah chuan Smith & Wesson 500 Magnum hi kah na ber a ni a, .50 Caliber 500 grain ammo hmang a ni. “Guaranteed to drop any game in the world,” tiin a zuartu te chuan an fak nghe nghe a ni. http://en.wikipedia.org/wiki/Smith_&_Wesson_Model_500 Tunlai semi-automatic pistol ah chuan khawvel ah hian Glock family leh Beretta family te hi khawvel security chi hrang hrang ten an hman uar ber te an ni awm e. Glock17 hi Glock company Austria chuan an model neih hmasak ber niin hralh tam ber a ni bawk. Glock hi plastic tha mi zang tak a hman hnem avang hian a silai hi ken anuamin a zangkhai em em bakah, hrem a tuar thei hle. Glock hi a tlangpuiin 17/10/15/33 rounds mag’ an ni hlawm a, 9mm/.40/.45SAG/ .45GAP/ .44 atanga .380 ACP tleng a awm a ni. Glock18 hi full auto a hman theih a nih vangin special permit lei turin neih angai. Glock17 te pawh hi fullauto in a siam theih tho nangin dan chuan a remti lo. Tiang hian silai chanchin hre mi pakhat chuan a sawi:- Click here to view the embedded video. Click here to view the embedded video. Glock chanchin :http://www.glockfaq.com/content.aspx?ckey=glock_faq_glock_model_info Beretta hi Italy kut chhuak, pian nalh leh kah nuam em em mai a ni. 1975 atangin tun thleng la siamin hralh a kal a khawvel hand gun hmang tu te duh ber pakhat a ni ta reng mai. Beretta hian a tlangpuiin, 10, 15, 17, 18, 20 rounds mag’ an nei. Hetiang hi a silai chanchin tlangpui chu a ni :- Click here to view the embedded video. Khawvel ah hian assault rifle chi hrang hrang a tam ta hle mai. The “Sturmgewehr” – Haenel / Schmeisser MP 43 MP 44 Stg. 44 assault rifle Germany in WW11 zawh dawn tep a asiam hnu khan Russia chuan Mikhail Kalashnikov zarah AK-47 siam chhuak in hma ala thar leh a, khawvel ah hian assault rifle chi hrang hi a van tam tawh tak em. Mahse chung ah chuan tha chung chuang bik an la awm leh ta. Tunlai khawvel a assault rifle hralh leh siam hnem ber chu AK family hi niin AK-107 thleng a awm tawh nghe nghe a ni. Khawvel assault rifle tha ber a ngaih erawh chu, Israel siam, Tavor/ T.A.R 21 (Tavor Assault Rifle 21st century) hi a ni awm e. He silai hi 2006 khan siam tan in khawvel silai hremi ten tha ber a an sawi mek chu ani ta a nih chu. Tavor ah pawh hian hmanna tur a zirin chi hrang hrang an siam a, an chanchin kimchang :- http://en.wikipedia.org/wiki/IMI_Tavor_TAR-21 A thui ta mah mah, tul leh kan chhunzawm zel dawn nia.
| |||||||||||||||||||||||||||||||||||||
) 
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment