"mi(sual).com" - 6 new articles
Upa R. Rozika, IA&AS a boralUpa R. Rozika, IA & AS, Aizawl Venglai chu vawiin 12 Jan. 2010, chawhnu dar 2:30 khan AIIMS, Delhi-ah a boral a, a ruang hi rawn chhohpui dan tur ngaihtuah mek a ni a. A vui hun tur hriat a la ni lo. Ni 2 Dec. 2009 khan AIIMS ah hian zai a ni a, a tha chho mai dawn emaw tih laiin nizan atang khan Internal Bleeding avangin a buai leh a, unconscious-a rei tak a awm hnuin a boral ta a ni. A chhungte kan tuarpui hle. A fate Muanpuii (+2 Lecturer, Chaltlang GHSS), Rema (ICAS, Delhi), Dr. Duhawmi (Aizawl), Kuki (Del), Sawmtei (UK). (Admin: Lushai_er a post leh rina13 post hi kan ‘combine’ ta mai) Kan tè bik lo e!Tunlai khawvel-ah hnam mawl leh changkang lo apiangin Hna hnuaihnung leh thawh hreh kan ngah. Kan changkang tawh… ti fö mah ila, Pheikhawk siam hi hna hnuaihnung hmuha kan hmuh chhung chu he hnam hi kangkan dan hlauhawmber chiin a changkang tihna a ni ang. Hna hnuaihnung kan tih fo hi enge? Hna zahawm kan tih hi enge? Hna hnuaihnung leh hna zahawm chu a thawktu mihringa teh tur a ni zawk dawn lawm ni?Engvanga hna hnuaihnung ti a thawh hreh ngah bik em em nge kan nih? Miin nupui fanau chawmnan, chhungkaw intunnun-nan leh mahni intodelh-nan a hmanber hna chu (sorkar khap thilte a nih em loh chuan) èk paih hna pawh nirawhse sek sek atluka hlu a awm lo a, atluka hna zahawm a awm chuang em ni? Hna hnuaihnung/ hna hniam, mimawl lehkha thiam lo thawh tawk… tiin kan sawi fö tur a ni lo. Mi aia tè zawk leh hniam zawk anga mi a inhmuh hian hnam tan thil pawi tak a ni. Kei ngei pawh hi ka ni. Miin min hmuh hniam tlat avanga mi aia hniam/ tè bik anga in ngaih lek lek chang leh ka hna hi ahnuaihnung, a changkang lo tih chang ka ngah mai. Khang hun laite khan miin hna changkang leh hna zahawm ni a an ngaih chauh thawh tumin ka hna kha lo bansan ta ila tuna ka dinhmun hi ka phak kher lo ang. Chapo vang niloin, thla khata ka hlep zatve pawh hlawh la lo tur tih hriat reng reng, inti sorkar hnathawk leh dawrkai(nalh satliah),sumdawng(che lian satliah) te nen kan han indawra a engamah hma-a min han hmuhniam ngawt zel hi chu ka niuh a za thin. Khawi hmun, khawi ramah pawh awmin, eng hna pawh thawk i la, kan hnaah rinawmin taima leh chhel takin thawk i la, mi aia hniam leh tlawm bik riau-ah i inngai loin, chumi avanga mizawng zawng zuk hmuh hniam/ engahmah a ngai lo zawnga khawsa hek loin, mahni inrintawkna nen ‘Hna’ a nih phawt chuan eng hna pawh i thawk mawlh mawlh ang u. “Aw Bethlehem, Judai ram-ah i tè ber tawp lo e…” tih thu ang deuh khan, nang leh kei hi he khawvel mihring maktaduai-za tamtak zingah hian “Kan tè bik lo e!”
Hmangaihna!Kei ni ang, val-upa rual zet tawhin a hmangaihna han tih tak hluai mai chuh! ka ti deuh a, mahse, rilruah hian a awm vet vet reng mai a. Ziak ve leh chawt mai teh ang. Holland naupang huaisen, Hana thawnthu kha kan hre theuh ngei ang. Thih pawh huama tuiput dang tu kha. Primary sikul kan kal lai khan kan zir thin. Mahse, min zirtirtu khan Mizoram hmangaih a tulna chhante, hmangaih dan turte zawngin kha thawnthu kha a chingphar lem lo. A chhan chu ram hmangaihna a neih loh avang a ni ngei ang. Naupan lai atangin ram leh hnam hmangaihna thinlung hi kan in tuh tur a ni. Nu leh pa leh zirtirtu te mawhphurhna bik a ni. Ram hi a pawng a takin ka hmangaih che a va tih pawp theih lem loh tih chu kan hre hlawm ang chu. Ram hmangaihna kan lantir theih dan awlsam ber chu kan sawrkar leh khawtlang ´DAN´ te zawm hi a ni. Tah hian engkim a in thlungkhawm vek mai. Bible sawi tlang sawn theihna hial thiltihtheihna nei mah ila, hmangaihna kan neih si loh chuan darbenthekri ang chauh ani ang tih kha kan ram hruaitute a sawi chhan em aw te ka ti mai mai. Pathian hian mihringte hi min hmangai em em chung hian rethei tak a kan awm hi a pawi a ti em em lo! Hemi awmzia chu ram hausakna lam hi mihringte a duhsakna lam a ni lem lo. Hei vang hian mihringte hian mihring takin ram hi kan hmangaih tur ni in ka hria. Mahni vei lam lam hi han post ve thuai mai zel ila. Bungkawn veng Taxi driver bo ruang chharBungkawn veng taxi driver Chawnga ti a an koh chu thla hmasa khan a taxi khalh nen a bo a, zawn hmuh zawhlo kha a nia. Tun kar kalta khan a taxi hi mi in hralh anlo tum a, lei tum tu pa chuan a ringhlel a, chuan a taxi neitupa chu a va hrilh ta a. A motor a ni ngei tih a finfiah a, mahse rawng leh number plate te an lo thlak hman vek a ni. Chu mi hnu chuan police ten a motor leh hralh tum tu te chu an dawp chhuak thei ta a. Chawnga hi vih hlum a ni a, Lengpui airport kawng a tuikhawh thla awm na ah khan an paih thla tih an sawi hnu chuan, tukin zing khan a ruang chu an hmu ta. A hmel chu a la hriat theiha, a kawr hak nen, mahse a pum lam chu a awm tawh manglo tih hriat a ni e. Pathian in a chhung te awm pui zel rawh se. Naupang toys lei fimkhur angai!Kum hmasa lam khan US sawrkar chuan China in toys a lo thawnluh tam takah chuan “lead” an hmuh avangin an thawnkir teuh teuh tawh fo thin a nih kha.US chhunga an toys rawn thawnluh ah te chuan lead telh an khap bur avang chuan tun ah “cadmium”, naupang thluak khawih chhe thei an telh leh tan ta tih a hmu chhuak. US leh ramdang tamtak ten China siam naupang infiamna (toys) an thawn kir leh te hi China hian a paih mai mai dawn in alang lo, tihral/hralh an tum ngeiin a rinawm. Heng “tur” (poison) te hi an rawng hmanah telh an nih avangin, Mizoram lam pawh fimkhur angai hle ang tih a hriat sa a ni. Engtia han tih ngaihna vak ka hre chuang lo nangin, hre zawk te sawi belh atan thupui ka han thawh a ni e. Chhiar zawm theih: http://www.wtopnews.com/?nid=106&sid=1859953 Dudhsagar falls leh KuveshiDudhsagar falls hi Karnataka a lui Goa-a Khawhthla a ni. Ramdang tourist zawng zawng deuh thaw in an thlawh thin a, mahse ramchhung tourist erawh chuan an hre mang lo a ni. A lai takah railway bridge a awm. A sir-ah (sir takteah ni lo) hian kan lawn chho a, chuan Karnataka a lut. Rei lo te kan kal hnu ah Kuveshi kan thleng. Forest permission a lo fel zan loh avangin kan camp-na hmun tur hmun nuam em em chu kan chhuahsan a ngai ta a ni.
National Trekking Expedition Goa 2009 Day 5 (43 photos) More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment