"mi(sual).com" - 6 new articles
An ti Bu – II1. Misualdotcomers hi Pawl(Association) angin ding dawn ta ila, Pu mzvision hi chuhtu awm loin President-ah a tlin duh hmel an ti. 6. Phur hmel taka ‘In zingah ka rawn mi(sual) ve dawn!’ rawn ti nazawngin rei an peih/tlin tak tak lo an ti. Kaw-rap-son tih tlemnan an ti maw?Hun kal tawh leh Thu muhnu mah nise…Khatia, Hman deuh a kan ram hruaitu, MLA rualten a maka maka an hlawh leh hamthana ti sang/pung tura lungruala pheikhai vawr za a, House-a ban an phar dial lai khan an tanfung pakhat, tun thlenga mak ka tih, ka ngaihtuah nawn apianga mak ka tih nawn fö chu; ‘ Kawrapson a lo tlem zawknan leh kawrapson laka kan fihlim theih zawknan’ an tih kha! Kawrapson, eirukna leh hlemhletna tih tlemnana hlawh pun/san thu hi khawvel hmundangahte hian ri ve tak ang maw? Eng Theory/ Method/ Systems nge maw ni ngai le? MLA rual kalkhawmte meuh thu pass a ni si a, hlawh pun vanga eirukna a tlemna chhan tur hi kei zawng tun thleng hian ka la var-pawh thei thlawt lo. Lo hre fuh bik emaw, a thatna hria emaw in lo awm a nih chuan min han hrilh ru keuh teh u.
Tin, Eirukna(kawrapson) sawi apianga lo ri tel ziah, ‘Mipui lam pawh hi kan dik lo, ram hruaitute leh sorkar hnathawkte eiru lo thei loin kan siam…’ tih hi ka pawm thei tlat lo pek a. Eiru(kawrap) duh lo tak tak chu mipui emaw, tu emaw-in eiru tura an nawrluih theih ka ring lo a, eiru lo thei lo khawpa an siam theih lah ka ring hek lo. Mipui vang leh tu emaw vanga eiru, thil dik lo ti duh chu a mahah dik lo a awm tihna a ni. Ram hruaitu leh Officers zingah mipui leh tute emaw vanga eiru ve mai mai lo, tawngkä nilo ataka kawrapson do tlat, midik, mirinawm, hlemhletna laka fihlim mi tlem tè kan la nei. Heng mite hi i ngaisang ang u, i zah ang u, i sawi fö ang u. Breaking News hiMisual.com a breaking news hi post pangai anga tih theih ve turin siam a va tha awm ve. Mobile atang ringawt chuan a buaithlak deuh in ka hria. Admin note: A theih tur chu a ni. Tunlai breaking news awm vaklo mai bakah han update hman vak kan awmlova, hei chu tun kar a “13th monthly Admin call conference” ah kan lo sawiho ngei ngei ang. Breaking News section chung chang khi midangte pawn suggestion/feedback in rawn pe reng thei a nia. Carnival is over.Krismas leh kum thar kan hmang zo ta a, tunah chuan tu tute emaw chu kan hnathawhna/zirna etc. hmun pana kan liam leh a ngai leh tawh ang. Lungleng takin kan chhungte, kan thrian te kan kalsan a hun leh dawn ta. Mi thenkhat chuan kan thinlunga hmun luah tam ber kan bialnu/bialpa te kan kalsan leh vawn vawn dawn a ni si a, a va harsa leh pek dawn em, mittui parawl kuangin kan inthren a nih pawhin a awm. Nakin lawkah kan inhmu leh hlawm ang chu. He hla, The Seekers hla hi a lunglen thlak hle mai. Click here to view the embedded video. High above the dawn is waiting Like a drum my heart was beating Now the harbour light is calling Like a drum my heart was beating Now the harbour light is calling Virgin kher a ngai lo!Sawi hreh leh zep trit-tret kan ngah lutuk hi a tha ber lo, kan nunah a thleng meka, a la thleng zel dawn bawk si a, sawi bawl bawl i la, lo hlimpui tawkte leh lo tangkaipui viaute pawh kan awm mahna. Nula thianghlim(Virgin)-te hi an hlu a, tunlai khawvela Virgin ngata pasal neite phei hi chu an ngaihsanawm mai niloin, a khaw nawta Big Screen-a en hial tlak an ni. Kan Pathian meuh pawhin nula thianghlim(virgin) ngat a thlang a nih kha. Chuvangin Virgin ngat nupui neite kha lawm chu mawlh mawlh rawh u. Mahse…ka’n ti teh ang, hmangaihnaah hian Virginity hi a pawimawh ber em? Lak thutak(Serious) lutuk pawh hi a tha ber em? Ngaihhlut dan tawk leh palzam dan tawk kan thiam a ngai hlein ka hria. Mitamtak he thil(an bialnu or nupuite an rin anga lo virgin lo) avanga rilru nä, an hmangaih em em nibawk si, an laka tui ta lo riau leh hmu nikhua ta lo riau, then nghal tut tut duh hial hi kei ngei pawhin ka hre nual a, ‘pawi ti suh’ tih baka hnem dan thiam a har hle. Hei hi virginity kan dah pawimawh leh ngaih serious lutuk avanga thil pawi tak a ni. Pa pakhat thukhawchangin ‘ka nupui hi kan in neih hma khan virgin a nih ngei ka lo ring a, ka ring sual der, a lo virgin hauh lo. Mahse, a virgin lohna khan danglamna, tui loh tak riauna keimahah min thlen lo a, ka iai phah hek lo. Khawvela ka hmangaih ber ani a, a virgin emaw gin loh emaw vang ni loin, a mah hi ka hmangaih chu ani. Khawvel-te chuuu…ka ‘tih’ hnu tu emawin nupuiah a lo nei a, tuemaw ‘tih’ hnu kha ka lo nei a ni ve mai a…’ a ti sam et a, a thu lak dan hi a hahdamthlakin a tha phianin ka hria. Hei kei pawh ka nupui hi ka iai phah lo a, kan in hmangahin kan in thlahlel em em a ni. I hmangaih, i nupui kha a lo virgin chiah lo a nih pawhin hlim taka hmangaihna par in tlan dun zel theih nan- ‘Tunhma thil chu tunhma thil…’ i ti ve thei mai lawm ni? Krismas leh Kumthar boruak hriselKum 2010 kum thar lai vela boruak bawlhhlawh leng vel leh ri bengchhengte chu Aizawl khaw chhungah a hma lam kum aiin nasa takin a tlahniam a; boruaka bawlhhlawh nawi leng vel hrim hrim (SPM) chu a hma kumah 104 a nih laiin tunah chuan 63 a ni ta. Hip luh tham leka te bawlhhlawh leng vel (RSPM) chu a hma kumah 46 a nih laiin kuminah chuan 31 a ni ta. Bengchheng pawh nasa takin a tlahniam a, kum hmasa lamah kum thar lai tak velin 68.4 db a ni a, kuminah chuan 44 db chauh a ni ta. Hei hi India sawrkarin zan hun bengchheng zawng tur a bituk 45 db aiin a hniam hret a ni. Sulphur dioxide leh Nitrogen dioxide te phei chu teh tham awm lo khawpin a tlem a ni. Halpuah leh a kaihhnawih kan hal loh avanga boruak bawlhhlawh a tlem ta em em mai hi a lawmawm hle a; kan hriselnain nasa takin a thatphah ang tih rinhlelh rual a ni lo. Kan ram a lo thianghlimna tur leh kan hrisel zawkna atana fing taka roreltu sawrkar te, taima taka thawktu police te, tlawmngai taka viltu YMA te, mi rilru hneh taka kaihertu media te leh thuawih em em mipuite chungah Mizoram Pollution Control Board chuan lawmthu a sawi a ni. Kumhlui thlah zan hian I & PR Department chuan an thlalatute Aizawl khawpui chhung fangkual turin a tir a. Halpuah/Halmawi hal tum leh hal lai thla lak tur zawnga khawpui chhung fangkual te hian chutiang chu an hmu zo lova. Department pawhin lawmawm a ti hle a ni. More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment