"mi(sual).com" - 8 new articles
Hlakungpui ah chawimawina lungHlakungpui Silver Jubillee ah chawimawina lung phun belh tum a ni a. Kumin Frebruary thla ral hma hian phun belh awma kan hriat te rawtna Pu C.Chawngthangpuia, Chairman Selection Committee, Khawbung hnenah emaw, Pu B.Lalthangliana, Vice Chairman, Chhinga Veng Aizawl hnenah emaw thehluh theih a ni. Hrechiang duh tan www.samtea.wordpress.com ah en theih a ni e. Buannel ramdaiBuannel ramdai hla hi kan naupan lai tang tawh C.Vansanga sak kha mawi ka tiin ka dum em em thin a, Rebecca Lalnunpuii sak ka ngaihthlak hian lunglen a ti zual a. Buannel ram a hmun la thleng ngai lote’n kan hmuh ve duh takin tihin ka rawn vawmbei ve tawp. Click here to view the embedded video. Buannel ramdai(AHMUN) Click here to view the embedded video.
Pu Shailendra-a’n Nokia E63 a nei ta!A tirin Thu a awm :- Ka rawn haw hun chu Aizawl-ah ka rawn chhuk anga Handset, Internet hmannuam deuh tur, tha tawk ka va lei dawn chiang em…” tih a ni. Tichuan a sawi ang ngeiin Dt. 23/01/10 alo thlen meuh chuan a mamawh em em vang pawh nilemloin, he misualdotcom vang liau liauin, tha leh hmantlak tak tur nia kan hriatte kan sawidun hnuah Nokia E63, Rs.11100 man chu a lei ta a. Thu chu tisa-ah : 1st. Pu Shai, ka lawmpui a che, tangkai tak leh misual nan han hmang nghal char char teh khai… Balhla Bu PhirKan chhungte lo zinin an zinna khaw pakhat Hmunnuam khua-a Balhla Bu Phir an hmuh, thla an lak min entir a. Ka vawi khat hmuhna a niin mak ka ti riau a. Rilru-ah misual thiante hmuh atan ka it nghal ngawt pek a. Ka han share ve che u a ni e. He Balhla hi Pu R.Chawisanga te in bul huan ami a ni a, Khumtung balhla a ni awm e. Hmunnuam khua hi Lawngtlai atang khawthlang lam 71 Kms vela awm a ni a, Diltlang leh Bungtlang inkara awm a ni e. Health Care thubuaiah Chargesheet la thehlut lo; Min charge-na ka la hre lo : R.TlangaHealth Minister hlui Pu R.Tlanghmingthanga chuan a hun laia Health Care Society sum chingpen anga puhnaah thubuai siamsak a nih hnu thla 7 ah pawh, chargesheet a la nih loh avangin khawi laiah nge thil a tih dikloh tih hre turin Anti Corruption Bureau te'n an 'charge' na lai tak a la hre rih lo tih ZALEN a hrilh. Bajaj Alliance-a Health Care Society sum dahpun tura cheng vaibelchhe 10 dah chu sorkar pawisa ni lovin, Health Care Society sum a ni, Health Minister hlui chuan a ti a. Hetih lai hian ACB lamin thubuai an siamsak chhan chu Misappropriation of Government Money (sorkar sum hman dikloh) tih a ni thung, a ti. Bajaj Alliance-a sum dah a nih danah thil diklo a awm loh thu leh cheng vaibelchhe 10 dah a nihnaah, a principal leh a pung zawng zawngte pawh Society sum vek tura tih a ni a, a hming tumtu ten an ziakna pawh a awm thlap thu leh, hei hi ACB lam chuan duhkhawp lovin Pune lamah original copy an dil nia a hriat thu te, hei hi tunah an kawl thlap tawh nia a hriat thu a sawi bawk. Financial Rules lam thiamte berawn thlapin, ngun taka ngaihtuah a nih hnu-ah tender te kovin Bajaj Alliance-a dah hi remtih a ni, Health Minister hlui chuan a ti a. Sorkar pawisa dahpun theih a nih loh avangin, Society siama sorkar pawisa ni lova chantir a nih thu leh, hei hi thil diklo a nih chuan Society-a dah tura thutlukna siamtute kha an 'charge' mai turah ka ngai, a ti. Bajaj Alliance-a sum dahte hi kum thum chhung atan, kum thum a tlin hma chuan lak chhuah theih loh (lock) a ni a, October ni 5, 2009 thleng khan vaibelchhe 10 punna hi vaibelchhe 4.32 a tling tawh tih sawiin, tunah chuan vaibelchhe 5 vel tling tawh hiala an rin thu an sawi a ni, a ti a. Nakkum November/December-ah chuan a lakchhuah theih tawh dawn niin a sawi. MNF sorkar chuan miretheite dinhmun hriain BPL ah Rs.100 leh a dangah Rs.200 la in, kum khatah cheng nuai 1 thlenga bill theih tura tih a ni a. Natna khirh zualah phei chuan cheng nuai 3 thlenga bill theih tura tih a nih thu Health Minister hlui hian a sawi a. MNF an sorkar leh hunah an chhunzawm leh dawn tih a sawi bawk. MSHCS-in cheng vaibelchhe 10, mi hrang hrang 'life' an 'insure' sak chungchang leh a kaihhnawihte chhuichian a nih theih nan 13.4.2009 khan Prism chuan ACB-ah FIR an thehlut a. Hei hi ACB ten bawhzuiin khatih laia health minister bakah Bajaj-a dahnaah hian a hming tumtu, a vua leh vangte bakah health care society-a official thenkhat chu thubuai siamsak an niin, anticipatory bail an dilna pawh Court chuan a phalsak tawh a, thubuai siamsak an nih atangin thla 7 dawn a liam leh tawh a ni. Health Care Society sum cheng vaibelchhe 10 dah chungchangah hian a hming tumtu mi 14 te thubuai siamsak an ni a, August 21, 2009 khan thubuai nei zawng zawngte hi Court chuan bail an dilna a lo phalsak tawh a ni. Hetih lai hian Mizoram sorkar thar chuan Health Care Scheme thar chu kumin April thla atanga kalpui turin ruahmanna a siam mek niin thu kan dawng. Labour CampBRTF labour kha Painar(pioneer) kan ti mai thin.Hmun hla tak tak a tang a lo kalin kan ramah ei zawn nan kawng an lai thin a ni. Kawng sir remchang laiah inkhuar in chen nan camp an nei mai a,an lung a leng ve thei ngawtin ka ring thin. “Kalvari Tlang/ Darthlalang Tlang”Kan sual zawng zawng phura, kan tawrh ai zawng zawng tuara, khawvel leh a chhunga awm zawng zawng neitu fapa mal, chhandamtu LAL ISUA’n a hun tawp a hmanna hmun, hreawm tinreng tuara mualpho taka a thihna tlang “Kalvari Tlang” khi a hlu-in, a va mawi em! Chu tlang chu suangtuahna mitin han thlir ta la, chhandamtu LAL ISUA, Kros lera hreawm tinreng tuar-a chu i hmu ang. Ka unau, nang leh kei, he thu chhiartu mi(sual) zawng zawngte hi chu tlang (Kalvari Tlang) ah ngei chuan khenbeh kan ni tawh a sin. Chu tlang chu chhandamtu LAL ISUA tawrhna tlang ani satliah lo a, Chatuan nunna nei tura nang leh kei ngei pawh khenbeh kan nihna, kan thihna Tlang ngei a ni si. Chumi avang chuan PA hmaah thiamchang kan lo ni ta! Vuak tuar loin chhandam kan ni ta! Khenbeh loin thiam kan chang ta! Hreawm tuar loin chatuan nunna kan chang ta! A va ropui em! Khawvela cheng kan ni miau a, he khawvel suahsualna chi hrang hrang; itna, chakna leh Setana lawm zawng taka nun pawisak lohna thinlung kan neih ni leh hunte, kan neih changte a la thleng ang. Tunah ngei pawh hian kan lo khawvel ru viau pawh a nithei e? Mahse, “Kalvari Tlang” -ah khan keimah ngei hi khenbeh ka lo nitawh a, ka fel lohnate, bawhchhiatnate leh ka sual zawng zawngte chu khenbeha awmin, phum ka ni tawh si a. Khawvel mi ka nitawh lo a, khawvel thila inhambuai mai mai thei ka nitawh hek lo…ti a, he kan damchhung reilo tèah hian khawvel thilte chu hnungchhawna PA lawm zawnga nitin-a kan nun teih nan – “Kalvari Tlang” chu LAL ISUA tuar lai kan mitthlana Tlang mai nitawhloin, mahni ngei kan inhmuhna “Tlang” leh khenbeh ka nitawh, thi ka ni tawh tih kan inhriatnawn fona tura “Darthlalang Tlang” lo mi mawlh teh se. Mizoram Civil Service Association website thar nei ve taMCS Association ten website an nei thar ve ta. A duh apiang tan tlawh theih a ni a (Siam thrat mek zel a ni bawk). Mahse member registered sa an nei hlauh a, member chu a duh a piang tan a theih ngawt loh a ni mai thei.(2010 ah hian 10 vel member an neih belh chauh hmel). Engpawhnise i en sak ve ang u!
|
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment