"mi(sual).com" - 9 new articles
Misual Charity Sem ReportGroup hnihah inthen in @Xaia leh Shailendra ten Samaritan Riangvai Run, Seling ah Charity Fund Rs 10,000/- an han hlan a. Group hnihna @MZvision, wonderboy & wondergirl, kanidar leh Ruata & Thlalatu Robert-a ten tawiawm in Gran Shabra, Zonuam hnenah Rs 10,000/- an hlan zawhin, Moriah Blind School Zotlang hnenah Rs 5000/- an hlan leh a. Group hnihna vek hian Hermon Childrens' Home, Durtlang hnenah Rs 10,000/- an han hlan zawhin Khatla a Motherless Babies' Home tlawh lehin Rs 5000/- hlan leh a ni. A la bang awm ang ang hi tanpui ngai mimal hnenah ni 24/12/09 hian hlan leh a ni ang.
Samaritan Home, Seling click pics for larger size
shailendra fapa in Rs 10000 mi(sual) aiawhin a hlan lai
Gan Sabra mzvision an Rs 10000 a hlan lai. Gan Sabra hi Hebrai trawngin Garden of Cactus tihna ani a; thaler ah mite an tuihal manganh in Cactus kung atrangin an tuihal an chhawk tir tih a lantir. Gan Sabra naupang leh thawktu ho mi(sual) in kan lakpui. Gan Sabra ah hian naupang 20 vel an awm .
Moriah Blind School, Luangmual. Mitdel 12 an awma mahse 3 hian hawna tur an neih loh avangin an zirtirpa hovin Christmas an hmang ang. Braille Teacher Hermon Children’s Home wonderboy an Rs 10000 a hlan lai. Hermon home hi 1979 khan ZEF bultumin din a ni a tunah hian naupang 150 an enkawl mek mahse sum an harsat avangin kum 3 kal ta atang khan admission an khar rih. Motherless Baby Home naupang leh home mother te nen (wonderboy-i pawh a tel a ni awm e) .Motherless Home hian naupang 19 an enkawl mek. Motherless Babies’ Home mzvision an Motherless naupang a lampui lai. Admin Note: Misualdotcommers Charity rawn rawt chhuak tu Kawlhawk, thahnemngai taka thawhlawm lo thawhtu te leh Mizoram lama tlawmngaih lo chhuah (in tam em a kan sawi seng lo, kan in hre vek tho!) a tha leh zung nen a lo bei tu te chungah Admin in lawmthu kan sawi tak meuh meuh e. Midang tana kan theih tawk ang zel a kan thawh hi, thawk theia min siamtu chu fakin awm rawh se! Admin ten misualdotcommers zawng zawng te ‘KRISMAS CHIBAI’ kan buk vek che u a. Hlim leh lawm taka he hunpui hi in hman ngei theih nan kan duhsakna sang ber kan hlan a che u.
Charity Bawm hawn zan thlalak thenkhatSleep Apnea – (Sleeping Disorder)Click here to view the embedded video. Sleep Apnea chu kan muthilh laia kan thaw (breathe) vawi khat aia tam tawp (pause) awm thin hi a ni. He thaw tawp (pause) awm thin hi second reilo te atanga minute engemaw zat te a awm thei a. Vawi 5 atanga vawi 30 te emaw darkar hial thlengin a awm thei bawk. Chutianga thaw a buai hnu chuan pangngai takin an thaw leh a, tin, ring takin an hnâr thin bawk. Sleep Apnea hian hming dang pahnih a nei a, chungte chu – Sleep-disordered breathing leh Cheyne-Strokes breathing te an ni. Sleep apnea hi kar tin zan thum aia tam mut tibuai fo thin a ni a. Hei hian zan mut that loh a siam a chhun lamah mi a ti nguai a mut a chhuak em em thin a ni. Sleep apnea kan neih leh neih loh hi mahnia inhriat har tak a ni. A chhan chu muthilh lai chauhva thil thleng a nih vang a ni. Kan chenpui kan chhungte emaw kan nupui/pasal te hian an hre hmasa thei ber ang. He sleep apnea hi a bik takin rit lutuk (overweight) ho ah a awm tlangpuia, mahse naupang atanga puitling thlengin an nei thei vek tho a ni. Sleep apnea hi chi hnih a awm a, chungte chu Central Sleep Apnea leh Obstructive Sleep Apnea te an ni. Central Sleep Apnea hi chuan kan thawkna (breathing) lo control tu kan thluak a mi in signal tha tawk tak breathing muscles-ah a pek loh vang a ni. Sleep apnea kan neih leh neih loh hriatchhuah vat anih loh va, enkawl lova kan awm reng chuan heng te hi kan tawk thei:
Sleep Apnea chu engvanga lo awm nge? Kan muthilh loh (harh) lai chuan kan hrawk a muscles te hi khawng tha takin an awm a chu chuan kan thawkna dawt tha takin a hawnga, tha takin kan thaw thei thin a. Kan muthilh lai erawh chuan chu kan hrawk muscles te chu an lo chawl ve a, hei hian thawk na dawt a hnawh ve fo thei ani. Obstructive Sleep Apnea nei kan nih chuan kan muthilh lain kan thawkna dawt chu kan hrawk leh kan lei (tongue) a chawlh ve thin avangin a hnawh thei thin. Tin, kan overweight chuan kan thawkna dawt chu a ti zim (narrow) thei bawk. Heng avanga kan chuap in boruak tha tawk a dawn loh chuan ring tak takin kan hnâr a, kan thisena oxygen level pawh nasa takin a tla hniam thei a ni. Chu kan thisena oxygen level alo tlakhniam viau chuan B.P. sang, heart attack, stroke leh lungphu mumal lo te a thleng thei thin a ni. Sleep Apnea hi hmeichhia ah ai mahin mipa ah a tam zawk a. Kan upat chhoh telh telh hian he natna veina chance hi a tam telh telh a ni. Hmeichhia ah chuan a bik takin thi hul (menopause) hnuah an nei tlangpui thei a ni. Tin, naupangah chuan an tonsil a lian (enlarged) in a awm thei bawk. Signs and Symptoms
He natna nei hriat awlsam dan ber chu hun rei tawh tak atanga ring tak taka hnâr thin te an ni. An hnâr lai in tawp (pause) a awm thin a, boruak hip har ti takin an awm thin a ni. Zangthala an mut hian an hnâr ring lehzual a, a sir zawnga mut in a ring nep deuh bawk thin. Mahse, hnâr nazawng hian sleep apnea an nei tihna erawh a ni kher lo. He natna in kaihhnawih dang a neih te chu zing thawh hlima lu na te, thil ding taka ngaihtuah theih loh na te, hriatreng theih loh na te, lungngai (ngui) na te, mood swing te, zana zunchhuak sek te, zing thawh hlima hrawk ro/thip te an ni bawk a ni. Engtinnge Sleep apnea chu an diagnosed? Sleep Apnea Treatment
A enkawl dan chi hrang hrang a awma chungte chu: Lifestyle changes – Zu (Alcohol) in loh, weight tih hniam, damdawi min ti mutchhuak chi ei loh, zangthala mu lovin a sir zawnga mut. Mouthpieces – Dentist emaw Orthodontist ten ka (mouth) chhunga vuah tur an siam vuah. Surgery – Mi thenkhat erawh chu an thawkna dawt (breathing passages) tih zau (widening) a ngai thin a, zai an ngai ve fo thin bawk. Sleep Apnea enkawl nan hian tun thlengin dawmdawi a la awm rih lo a ni. Links: http://www.nhlbi.nih.gov/about/ncsdr/index.htm http://www.nhlbi.nih.gov/health/dci/Diseases/slpst/slpst_whatis.html http://www.nhlbi.nih.gov/health/public/sleep/healthy_sleep.htm http://www.nlm.nih.gov/medlineplus/sleepapnea.html http://clinicaltrials.gov/search/term=sleep+apnea?term=sleep+apnea&submit=Search Funny Picturesmisualdotcommers Charity Fund hmun li a pe turin kan inghak khawm. Thil funny deuh hian rilru ding ngut ngut hi a chhawk zangkhai duh khoops lo khik pui ve teh u
funny aizawl lo thlen lawm nan kan post mai mai anih hi. Admin contri – : November 2009, Mizoram Diary1st. Sunday: Kumin September ni 28-a Rih dil kawnga Bus chetsualna thlengah leh October ni 24-a Rihdila hmeichhe naupang tla hlum ruang zawn kawngah Champhai DC, Pu TV Fambawl chuan Khawmawi leh Rihkawdar mipuite, Myanmar Police leh sipaite chungah lawmthu a sawi. Hemi rual hian Champhai DC chuan Rihkhawdar thalai pawl tan Rs 10000/- bakah Petromax leh Silpaulin 5 a pe bawk a ni. Champhai DC hi Officer dang leh Champhai YMA Sub-Hqrs hruaitute, chanchinbu miten an tawiawm a ni. 2nd.Monday: Vawiin chhun khan Champhai zawla Tuipui hnar khuahah Zomuansanga, (12) s/o K. Thanghnuna leh Lalramnghaka, (12) s/o Khuangnghilhlovi Zotlang veng ve vete chu an tlahlum. Police-te chuan vawiin tlai khan an ruang hi endik hna an thawk nghal a ni. 3rd. Tuesday: Panchayat Yuva Krida Aur Khel Abhiyan (PYKKA) hnuaia Mizoram pum huap inelna, State Level Competition 2009-2010 chu vawiin khan Sports Minister, Pu Zodintluanga'n 3rd MAP Khelmual-ah a hawng.
4th. Wednesday: DEO neilo Lunglei Dist. mipuite chuan DEO neih ngiatin vawiin khan Lungleia School zawng zawnga zirlai, Primary School atanga College thleng-te chuan class an kal lova, School thenkhat class kalte pawh chawhnu lamah chuan an haw leh vek. Zirtirtute erawh chu School tinah leh College-ah a pangngaiin an kal thung a ni. 5th. Thursday: Serlui, tura hrai a nih avanga Tuikhuahtlanga tuizem lian leh Zonal Tank hrang hranga tui dah khawl, litre nuai tam tak paih a nih avanga hun engemawchen tui sem mumal loh chu vawiin atang khan a pangngaia sem tan a ni leh ta. 6th. Friday: Tunlai hian Mizoram-in phai lam atanga kawlphetha, Megawatt 54 vel a hmuh theih tak avangin Mizorama eng dinhmun chu a tha chho hret hret hret zel. 7th. Saturday: Planning Commission mi tirh, Central Multi-Diciplinary High Power Team, Aizawla cham mekte chuan vawiin khan Aizawl leh a chhehvela NLUP hnuaia hnathawhna tur hmun pawimawhte an tlawh. 8th. Sunday: Ram chhunga damdawi in tha berte zinga inchhal, Apollo Gleneagles Hospitals, Kolkata chuan Mizoram mipuiin awlsam zawka an rawn theih nan Aizawl-ah Information Centre hawn thuai an tum. 9th. Monday: Vawiin khan Presbyterian Hospital, Durtlang chuan kumina General Nursing & Midwifery (GNM) zir thar turte lukhum khumtirna leh khawnvar hala thutiam tirna, Capping & Lamp Lighting Ceremony vawi 36-na chu Presbyterian Hospital Nursing School Auditorium-ah an hmang a, Hospital Medical Superintendent , Dr. C.Lalhmingliana'n a kaihruai a, Synod Moderator, Rev. H.Lalchhanhima chu khuallian a ni. 10th. Tuesday: Synod Executive Committee vawi 224-na, ni 3 chhung awh tur chu vawiin atang khan Pi Zaii Hall, Synod Conference Centre-ah an thukhawm tan.
11th. Wednesday: Aizawl-a Private English Medium School-a Primary zirtirtute chuan vawiin khan Babutlanga Cooperative Hall-ah workshop neiin drama hmanga naupang zirtir dan an zir. He workshop hi Mizoram English Medium School Teachers Association leh Kolkata-a Training Through Theatre Madhuban Education Forum tangdunte buatsaih a ni a, hetah hian Mizoram English Medium School Teachers Association President, Pu K. Chhawnthuama leh Vice President, Pi Chaitali Moitra-te bakah Madhuban Education Forum, Kolkata-te pawh an tel a ni. 12th. Thursday: Farkawn atanga Champhai lam pan, Aizawl Night Bus, LD Travels MZ 04 -0849 Sapliana Vaphai ta chu vawiin chawhnu dar 3:30 vel khan Dilkawn khua atanga hnai te, Buang khaw peng bulah sterring fail avangin a chesual a, a hmunah mi 6 an thi nghala, damdawi in panpui an nih laiin pakhat a boral ve leh a ni. Hliam engemawzat an awm bawk. 13th. Friday: Mamit District-a Bungthuam khaw tlangval, Zarzokima,(17) s/o Lalngilneia chu Tuikuk hel pawl nia rinten tukin 9:45 vel khan vawkchaw tur dawl a lak laiin an kap hlum. A ruang bulah hian lehkha dahin an thil phut chungchangah an hlawhtlin hma chuan hma lak zel an tum thu an ziak a, a tawpah an hming atan Bru Revolutionary Union tih an tarlang bawk. Zarzokima ruang hi Zawlnuam-ah endik tura lak a ni a, Bungthuam hi Kanhmun Police Station hnuaia awm a nih avangin he inthahna chungchangah hian Kanhmun Police Station-ah tualthah thubuai ziah luh a ni a, a thattute hi Police-te chuan an zawng zui mek a ni. He inthahna thleng avang hian Zawlnuam leh Kanhmun velah chuan boruak a sosang hle. 14th. Saturday: Chhun dar 1:00pm khan Pine Mount Hr. Sec. School Aizawl, Geography Department Pawl 12 zirlai Field Trip-a Rihdil kal hawlam chuanna City Ride Bus MZ 01 4487, Pu Hrangdailova, Armed Veng South Bus chu Khawzawl atanga 9 Km vela a hla Khuailui bulah a chesual a, zirlai 1, Soni Biakhmingsangi (18) D/o. Zorambuaia Cheural, Lawngtlai Dist ami, tuna Aizawl Tuikual Venga khawsa mek chu Khawzawl damdawi in panpui a nih laiin a thi. Hliam engemaw zat an awm bawk. 15th. Sunday: Rolawma (32) s/o Dailova Hnahlan chu tukin dar 3:00 vel khan, a unaupa Darchhungthanga (27) chuan tuboh hmangin a chhu hlum. Tualthattu Darchhungthanga hi a taksa himna turin Champhai Police Station-ah a inpe nghal a ni. He tualthahna hi chhungkaw ro chungchanga an inhnial buai vang nia hriat a ni.
16th. Monday: National Press Day a nia; Press Council of India duh dan angin ram pum huapin hman a ni a, Mizoramah pawh Information Department Auditorium-ah Chief Secretary, Pu Vanhela Pachuau hova hman a ni. Press Day thupui atan hian 'India rama media hmel danglam dan' tih hman a ni a, he thupui hi chanchinbu mite chuan an sawiho a ni. 17th. Tuesday: Synod Finance Committee vawi 89-na, ni 3 chhung awh tur chu vawiin chawhma dar 10:00 atang khan Pi Zaii Hall, Synod Conference Centre-ah tan a ni. He comt. hi Synod Moderator Rev. H. Lalchhanhima'n a kaihruai a ni. 18th. Wednesday: Zanin dar 7:30 vel khan 207 truck MZ 08 4691, Lalhmingliani, Saipum ta chu Vairengte atanga Saipum lam pana Bagha road-a a tlan laiin Bagha pelh hnu Cachar ramchhung Kalohar leh AP Camp inkar, Saiphai lam hnaihah mi tutih hriat loh, hmaituam leh tiang keng Hindi hmangte'n an suama; pawisa fai Rs 578340/- leh an thil hlu engemawzat an laksak a ni. He thil titute hi anmahni hrechiang hle tu annih rin ani.
19th. Thursday: Khawvel hmun dangte ang bawkin kawng hrang hranga naupang tihchhiat dona Ni 'World Day for Prevention of Child Abuse' chu vawiin khan Mizoram-ah pawh hman a ni. Aizawl bakah Lunglei, Saiha, Lawngtlai leh Ngopa-ah te pawh he Ni hi tlawmngai pawl hrang hrangte huaihawta hman a ni. A hmanna pui ber Aizawl-ah chuan Centre for Peace & Development (CPD) chuan Millennium Centre kawt atanga Chanmari YMA Hall thleng, naupang khuaikhem leh tihchhiat duh loh entir nan kawng an zawh a, MHIP leh Human Rights & Law Network, Social Welfare Dept aiawhte leh sikul naupangte thahnem tak an tel a ni. 20th. Friday: Aizawl Theological College Day a nia; prog. hi hun hniha thenin hun hlimawm takin an hmang. He hun hi Rev. Dr. Theodore Ahrens, Professor Emeritus, University of Hamburg, Germany chuan hmanpuiin College Day chu Address a pe a, "En teh u, buhte chu seng turin a eng ta" (See, the fields are white for harvest) tih thupui hmangin thuchah ngaihnawm tak a sawi nghal bawk. Synod Secretary Rev. C. Laltanlianan malsawmna sawiin College Day lawmna hun hi a khar a ni. 21st. Saturday: Chhun dar 12:30 khan Mizo Students’ Association, Bangalore chuan UTC, Benson Town-ah MSA Day an hmang. He hunah hian hian thalaite’n kan mamawh em em, nula leh tlangval inngaihzawn lai nun atanga nupaa insiam thlenga nun dan leh inkaihhruaina lam hawi thu tha tak Pu Josiah L. Ralte leh Pu Rev. R.L. Thanmawiate hnen atangin ngaihthlak a ni. Tlaiah vawksa rep nen hlim takin chawhlui an kilho nghal a ni. 22nd. Sunday: Aizawla Roman Catholic Kohhran chuan Kulikawna Christ the King Cathedral-ah Isua Krista chawimawina hun an hmang. He inkhawmah hian Biak-In kut lawm nghal a ni a, Aizawl Bishop, Most Rev. Stephen Rotluanga chuan Kohhran mite chu Mass Thianghlim neihpuiin, mi engemaw zat nemnghehna Sakrament a neihpui bawk a ni. 23rd. Monday Mizote zinga mi pawimawh leh kawng tam taka hmahruaitu Pu L.N Tluanga Ex MLA chu zing dar 2:45 khan Aizawl Civil hospital-ah lungna avangin boral a, vawiin vek khan a chenna Electric veng-ah Rev Dr C.Chawnghmingliana'n a vui a, vuina hun ah hian vantlang tana a lo thawhpui tawh tlawmngai pawl hrang hrang aiawhte leh Sawrkar mi pawimawh tak takte tel tha hle a ni.
24th. Tuesday: Sorkar laipuia Youth Services Ministry hnuaia Nehru Yuvah Kendra, Mizoram Zone-in Youth Hostel, Luangmual-a tun thla ni 18 atanga a buatsaih, National Integration Camp chu vawiin khan khar a ni a, Sports and Youth Minister Pu Zodintluangan a hmanpui. Vawiina khar tak National Integration Camp ah hian state dang pali atangin lokal an awm bawka; tichuan an zavaiin 101 an tel a ni. 25th. Wednesday: Kolasib Exise duty-te'n police motor anga chei gypsy pakhat atangin sap zu engemawzat an man. A neitu Laltanpuii d/o Lalthankhuma Khatla veng nia insawi chu man nghal a ni. 26th. Thursday: Zing dar 2:20 vel khan Gauhati atanga Aizawl pana tlan MST bus, MZ 01 D 9098 chu Silchar bul Masimpur bulah misualin suam tumin an lo beia; mahse heta bus conductor Lalrimawia (45) Tuikual South in theihtawp chhuaha a lo beihlet ve avangin pawi liantham a thleng lo hlauh. Conductor hian hliam tenau deuh a tuar a ni. 27th. Friday: Social Welfare Dept. chuan an cofn. Hall-ah Aganwadi worker thawkthate lawman an hlan. He hun hi Pu PL Liandianga'n a kaihruai a ni. Aganwadi worker-te chawimawina hi 1996 atanga neih a niin 2000 kum atang khan kumtina neih thin a ni ta a ni. 28th. Saturday: Kum 2007-a ZONET Cable TV-in Mizo Idol contest a buatsaiha top 20 zinga mi, Issac Lalmalsawma (24) s/o Sapzuala, Kanghmun chu tukin dar 1:40 vel khan AR canteen bulah a bike khalh MZ 01 E 4828 leh taxi MZ 01 C 9283 an insut avangin dar 2:20-ah Civil hospital-ah a thi. 29th. Sunday: Kumin September ni 6 zing dar thum vela an leipui thlama pawngsual tawk, Rothangi (60) Kawlkulh chu a hliam tuar lovin tukin khawvar hma deuh khan a borala; vawiin vek khan Kawlkulh Hmarveng thlanmualah vuiliam nghal a ni. 30th. Monday: Mizoram University chuan MZU campus-a Multipurpose hall-ah convocation vawingana an hmanga; Governor, MZU Chief Rector ni bawk MM Lakhera chuan a hmanpui a ni. KRISMAS CHIBAI VEK U LE! Zawhna han in zawt ve ilaZawhna tlem a zawng han in zawt ve sak ila 1. Christmas te a lo hnai leh tawh si a.”Christmas i hmang nuam em? aih ka hmang tha.” ka hmang tha tih hian eng nge a kawh le aw. Biakin ah Pathian fakin in zai ho i la, a nuam a, a tha bawk a.. chu aia nuam chu a awm dawn em ni le ? I hmang nuam em tih kan in zawh a, aih ka hmang tha e tih hian eng nge a kawh ber le, lan mawi kan tum lutuk a ni lo mo? 2.NGO ho hian ruitheih thil khawl phalna dan hi an reng em ni? A hria in awm chuan lo sawi i la. 3. Christian in ti ve si a, football U-18, U-19 vela kum dik lo deuh ah khelh hi a kristian chu ka ring lem lo ani.. sawi tur chu ka nei a, mahse a tul chu ka ti bik lo. A tuartu chu keimahni bawk kan ni tho si a. Kan kal dan hi a dik ber em?
4. Corruption chungchang ah hian tunge him ber ang? Time corruption nge money corruption hian min ti chhe zawk? 5. European lifestyle nge American lifestyle hian min ti chhia in, min ti that chhe zawk? 6. Population(mipui tam lam) wise ngaituah in cell phone hmang nasa ber hnam kan ni a ngem? 7.Kristian tamna ber inti chung si a, mi itsik, mi rel, mi huat, mi rel tamna ber hnam kan ni mai lo mo? Christmas truce of WW11914 Kristmas urlawk te a lo ni a, Ypres, Belgium a German sipai te chuan an tawmbuk (trench) te chu lungleng takin an chei vel a. Thingkung ah te chuan Mombati (candles) te chhiin Stille Nacht (Silent Night) te sain an chhunzawm ta zel a. Chumi hre pha reng tu British sipai, ral lehlam a an tawmbuk a biru te chuan an tawngin an lo zawm ve ta! Lehlam lehlam chuan Kristmas chibai inbuk na thu a in au tawnin aw an in chhawn zui ta zel a. Chumi hnu chuan an sawrkar in a tih tir pawh nilo chuan in tawk khawm in, whiskey, cigarette, jam te leh chocolate etc te chu in pe tawnin urlawk zan chu hlim takin an hmang tlang ta a ni, avan ropui tak em!
He urlawk zan inkahhai (truce) avang hian lehlam ve ve te chuan an sipai thi te ruang te la theiin, an in phum pui tawn ve ve a, an in vui liam pui ta hlawm nghe nghe a ni. Hemi urlawk zan inkahhai (truce) hi sector thenkhat ah chuan kum thar thleng an hmang ta nghe nghe a nih kha. Tin, French leh German ho pawn hetiang hi an lo nei ve ta zel a ni. He thawnthu tak tak hi rei tawh hle mahse, Kristmas ropui zia ti lang tu niin ka hria a ka han tar chhuak a ni e. Hetiang hi a ni Kristmas miracle chu, Kristmas miracle siam tu kan ni ve thei em?! Chhiar zawm theih: http://en.wikipedia.org….Christmas_truce Advent nge Advance Christmas?Krismas dawn hian Krismas urlawkna atan emaw, Krismas hmang ho thei lo turten emaw Krismas pualin hun kan hmang thin a, hei hi Advent Christmas tih tur nge Advance Christmas tih tur tih hi inhnial theih tak a ni a, rin thu ang rengin ngaihdan kan sawi ve teh ang. Advent Christmas: Advent tih chu Latin tawng adventus tih atanga lak niin 'lo thleng tur' tihna a ni a. Lal Isua lo kal hmasak emaw, lo kal lehna tur sawina atana hman thin a ni a. 'Advent Christmas' tih a nih chuan Kristian Calendar huang chhunga hun then pakhat a ni a. Hetiang hian Kohhran hlun deuh chu mumal nei taka kalin sermon pawh a hunbi-ah vek an sawi thin. Chutichuan 'Advent Christmas' chu Kristian calendar-a hun then pakhat, Isua pianna lam hawi hlira Pathian thu ngaihtuah hun a ni. Kan ramah chuan Kristian Calendar mumal taka zui thin Roman Catholic hian an sawi chiang thiam ber ang. Advance Christmas: Advance tih chu 'hma lam pan, hmasawn, a hun hmaa thil thleng' tihna a ni a; a kawh dangte chu kan sawi tum nen chuan a inkungkaih lem lo. A hma lama sawi tawh ang khan, zirna hmunah emaw, a bikin hostel-ah te hlim taka cheng ho, Krismas hmanho remchang si lo ten Krismas puala Krismas hmaa an hun hman hming atana 'Advance Christmas' hi an vuah a nih a rinawm. Saptawng mah ni sela sap ho chuan 'Advance Christmas' an hre kher lo mai thei. Hetianga sap ho hman dan pawh ni lova saptawng hmang ve tuten saptawng an phuahchawp hi tam tak sawi tur a awm. (Advance Christmas hi sap ramah an lo hmang ve mial a nih chuan thil hre zau zawk ten rawn sawi se). 'Advance Christmas' tih hi saptawng dik a ni kher lo thei a, a hnial duh tan hnial a nuam thei viau ang. Tin, Advent Christmas tih chu hun bi then pakhat hming a ni a, kan hman thin dan hi chu a kawk lo; hman ve hram hian Kristian Calendar tawngkam pawh a tichichawm thei ang. Chuvangin a dik zawk zawn hi inhnialna chawkchhuaktu mai a ni thei a; 'Krismas Urlawkna,' 'khualrual (mikhual theuh inlungrualte) Krismas' te pawh ti ila, kan lungrual zaw phianin a rinawm. What to do and not to do when computer hard disk has been corruptedData loss can put a computer user in the most complete embarrassment. Indeed, it is estimated that the majority of data losses are caused by human error, rather than by the malfunction of a software or computer. To counter the risk of loss, even the most complete malfunction of your computer, here are some tips you can act with complete peace of mind. Sometimes, when a disk is defective, the user prefers to buy another of equal quality in order to change the non-functional original disc. To his surprise, he finds himself with a double problem, since the new hard disk supplants the original with its own information and features.
Both discs are, in general, any compatible with each other. Thus, the user usually gets disastrous results, leading to a complete malfunction of the computer or the total loss of data. In such cases, it is strongly recommended to call data recovery company rather than develop its own medicine and that, in order to avoid any pitfalls likely to lose all data.
It is not uncommon for users to delete their entire hard drive in some cases loss of data. The latter then perform data recovery following a previous backup. Would result sometimes the most disappointing result: A partial or complete loss of definitive data. If the backup is not current, or worse, if she has simply not been made, the data will almost lost forever! To counteract this unpleasant experience, better do a restoration on an alternative media, to assess the relevance and proper operation.
Source: http://www.programmersheaven.com/ |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment