"mi(sual).com" - 3 new articles
Ka thil tawn zahthlak!!Company Executive pakhat Aizawla lo zin hian a thlenna Hotel ah dinner ei turin min sawm a, chutia chaw ei hmaa tui taka kan ti ti suah suah lai chuan a cell phone a lo ri a, an thil rawn sawi chu a mamawh loh thuin a chhang a. Kei lah pek chuan kan inngam bawk a, eng call nge tih kan zawt kher a. Ani chuan “Hmeichhia riahpui ka duh leh duh loh thu min zawt anih kha” a ti ta daih mai a. A thusawi chuan min deng dawt mai a, zahthlak ka ti angreng hle mai. Hetianga hnamdang mikhual hnena hmeichhia lo offer thrin hi an awm a ni tih a chiang hle mai. Zia lo tak a ni. India ram chhung leh pawnah pawh, Hotel class hrang hrang ka lo thleng ve nual tawh a, hetiang a hmeichhia min rawn zawrh ta hi ka la tawng ngai lo reng reng, ‘nge ka lo tawng fuh ve lo mai mai zawk ni. Keia damkawr inkhawm leh chhuak vak thei bawk si lovin ka thil tawn tlem misual thriante ka rawn share ve mai mai che u nih hi. Krismas Chibai
Bethlehem Arsi leh Khawchhak Mifingte.Chhiar tur : Mat. 2: 1-12 “Khawiah nge Judate lal lo piang chu? Khawchhak lamah a arsi kan hmu a, chibai buk turin kan lo kal a ni” tiin khaw chhak lam atangin mifingte Jerusalem khua an thleng rup mai a. Judate lal pian thu reng reng an hriat loh avangin Jerusalem khua a buai zo ta, lal Heroda pawh a mangang hle. Judai rama Bethlehem khua zawkah Judate lal chu a pian tur thu an hriat fiah hnu chuan mifingte chu Bethlehem lam panin an chhuak leh ta a, chu mi hmun pan chu an hreh lo a, an tlawmngai lo a ni. Bethlehem an panna kawngah hian khaw chhak lama arsi an hmuh ngei mai kha an hmu leh ta a, naute awmna chung zawn a thlena a din hma loh zawng an hmaah a kal ta zel a. Arsi an hmuh chuan mifingte chu an hlim nasa em em a, in chhungah an lut a, a nu Mari hnena naute chu an hmu a, an bawkkhup a, chibai an buk a, an ro bawmte an hawng a, a hnenah chuan lawmna – rangkachak te, beraw te, murra te an pe a. Khawpui Jerusalem ah lal thar lo piang chu hmu lo ta la, lal pian thu pawh tuman lo hre lo se, beidawngin i kir leh mai angem? Mifingte chu an ni hauh lo, beidawng lovin thingtlang khua Bethlehem lam panin an kal leh ta. Chu mi kawngah ngei chuan ani arsi an hmuh kha van sang taka ding mai lovin a rawn inlan leh ta a, an hma a hruai ta a nih kha, a va han hlimawm dawn em! Jerusalem a tawp mai lovin nausen chibai buk tur hian hmun khawhar lam i pan ve ang u, chutah chuan hruaitu arsi kan hmu ang. Milian in ni lo, lal in ni lo, ran inah nu tlawm tak malchunga nausen chu sit hauh loin bawkkhupin chibai an buk a, an ro hlu tak te chu an pe ta a ni. Khawiah nge nausen chibai kan buk ve dawn le? Hmun changkang lo leh hmun tlawm tak, beisei lohna deuhah nausen Isua chu hmu ta ila, kan ringhlel ang em? Chibai kan buk ang em? present kan pe tho ang em? Nge kan kal san anga, Isua dang kan zawng zawk ang? Mifingte hi chuan ringhlel hauh loin, sit hauh loin lung si takin chibai an buk ta anih kha. More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment