"mi(sual).com" - 9 new articles
Khua a la Var lo zel dawn! Part IIKan thalai/ thangtharte zingah tleirawl tha zat nei lo, tha za awmzia pawh a hriata hre bau lo, kaw nä ang mai kal zawi hnak hnak an va tam ta em! Enge a chhan? A bul ber chu chhungkua kan inenkawl dan leh inkaihhruai danah hian dik lo leh fuh lo a awm a ni. Hei hi a bul-thum atanga chhuichhuaha bul kan tan that a hun takzet ta. Tuna kan inkaihhruai dan leh inenkawl dan dim-dem ringawt hi chuan he hnam hian “khawvar hun” athleng ngai lo ang. Kan chhehvela hnamdangte aia kan induat uchuak em em ziate hi… fate pachan aiin pangchan kan zirtir zu ni hawt a! Aia upa-te zahthiam… chu sawi loh nu&pa-te ngei pawh zah nachang hre hlawm hek suh (min vauin min vin khur khur tawh). Thawh chhuah har zia hrilh hre loin an duh apiang kan tih saka, inren tul zia zirtir loin an ngen apiang kan lei sak bawk a. Taima tura zirtir a hnekin duh duh a an tirh theih tur awmpui kan la luta, an tih tur zawng zawng kan tih tir a, an underwear nenlam an suk sak a. Rilru puitling pu thei lo lèkin ‘naupang’ a la nih thu kan sawi chamchi a, chu chuan pangchanna a hring chhuak a. Ngaihzawng ringawt buaipui leh an eng eng emaw a hmul ve chhap thlengin “a ni hi chu kan nautè a nia…” te kan la ti ta dah a. Rual el nachuang hre lek loin kan neih bak leh puk chawp nenlam thil chhuakthar leh tunlai ber berin kan thuam a. Tlawmngaihna zirtir loin tlawm lohna kan zirtir daih a, thlan lai tura tirh(luih) ai chuan thlanlaih huna tui taka an muhil lai hmuhnawm kan ti hlauh thung. Zoram nu&pate hian fanau enkawl kawngah tih tur leh tih loh tur kan va ngah em, zir tur kan va la ngah em! Heng thute avang hian zoram hi harh lo mahse, keini mi(sual)te tal hi chu i harh mawlh teh ang u. Heti ringawt chuan “Zoram khawvar hun” kan tih fö hi kum sangkhat pawh vei leh mahse kan tawng hauh lo ang. Tuna kan tu leh fate kan enkawl dan leh kaihhruai dan hian zoram khawvar hun tur a hril si a. Mizoram Human Rights Report 2009
Thanks to Pupu Zou for the alert. Click here to download report in PDF format ( Or Right click on the link – choose “Save Link As” in Firefox, “Save Target As ” in Internet Explorer) Pupu Zou
TaTa Indicom wireless internet hiThla hnih thum vel atang khan Tata Indicom Wireless internet hi ka hmang ve tawh a, ka hman tirh chuan a chak tha in hman a nuam viau a, Rs. 249 man kan thun hian Rs.500 vel a lut a, reitak thingtlanga awm chung hian Internet kan hmang ve thin. Tunhnai te atang khan hetianga Rs.249-a kan lei thin kha Feb.22.2010 thleng an titawp ta thut mai a, Rs.100 chauha recharge theih anti a. Rs.100-a ka recharge chuan Rs.81 vel chauh a lut ta tlat mai a, mak ka ti. Hetiang hian an Customer te min hrem thut thut mai a ni. Hei mai ala nilo, hmanni deuh lawk thla hnih thum velah khan sms pack Rs.33(?) vela thunin thlakhatah sms vawi 500 vel a thawn theih a, (kan naute pawh ka thunsak) tunah chuan kha sms pack pawh kha an titawp leh tawh a ni awm e. Inbiakna min rawn buatsaihtuten Mizoram mipuite hetiang taka min sawisa hi chu kan sawrkar hian a inrawlhna chi a ni tih a hria engem aw ka ti ? Phailamah hetiang hian inbiak pawhna Company ho hian an rate an thlak zung zung ngai em ? I sawiho teh ang u.. Republic Day a Mizoram TableauA hlui tawh deuh a mahse post ve reng reng ange; Hmanni New Delhi a Republic Day lawmna Mizoram tableau hi lo thlir ve teh u. Naupanlai kha chuan Republic/Independence Day parade TV a an rawn tihchhuah hi chuan Mizoram tableau, Sipai tank leh Sipai ho “march past” hi hmuhnawm ka thin khawp mai.
- DIPR
Aizawl Thunder hovin tiang hi an thiam ve lo an ti more pics @ the source – http://www.sacbee.com/static/weblogs/photos/2010/01/indias-republic-day.html Hei le Agarbati chu!Thla hmasaa misual-a kan sawi ho lai khan Kg. 1 Rs. 10-12 velin Mizoramah an lei khawm thin thu kha kan sawi a, mahse hei tunah chuan Kg. 1 Rs. 35/- a lei turin an inrem daih mai!!! Tualchhung daily newspaper hrang hrangah leh cable TV news-ah te pawh an puang e. (click pic for larger size)
Define Trinity?I have another question: Can anyone explain the Trinity for me? Is Jesus and God and The Holy Spirit equal to each other in one being or is there a higher authority between them? ( To be honest I struggle the most describing Trinity ) Khua a la Var lo!Thil tha aia thil man to, thil hlu aia thil changkang, kan mamawh aia it zawng ringawt atchilhna zoram khawvelah hian gas bur put zak tawk vela changkang, tuboh leh ara hmang thiam lo tawk vela lehkhathiam kan va tam ta em! Zan lamah inkhel(EPL, UEFA, ect…) en leh Computer Games khela zinglam Dar 2 hmaa mut tum reng reng lo, Dar 10 vela chaw ei tura kaihthawh chawp ngai, lo la bak hlur zui, chhungkaw pawimawh leh tul/ thawh tur sawi apianga ‘keima’n’ tih tum lo, hlawhfa chhawr tur erawh hre thei fù si, Zu leh Drugs laka fihlim ve mial, (a ruka ti?) te kha tlangval fel tiin kan puang ta… Veng khata tlangval fel kan tihte hi an va nep ta em! Zu leh Drugs ti lo nia kan hriat dek dek tawh chu enganga thatchhe zawr-kawi leh thawhchhuah aia hmanral nuam ti mi pawh niraw sek sek tlangval fel, entawn tlak, makpa atan it rawn an ni ta zel mai si a le(h)! Nu leh Pa te lah bang bik hek suh. Hmanlai mizo nu&pa, chemtum leh èm bak hmachhuan tur dang nei lo ten fa 12 an chawm ngam laiin, 3 kan han nei dek dek a “duhtawk tawh ila, kan chawm zo lo palh ang e…” kan han ti nghal ngawt a. Nu berin nauawmtu tur Burma nula a’n zawng nghal ruai bawk a. Thatchhiat luatah khawvela a neih hlu ber kha a mah aia mawl leh bal trawp ve tak tak te kutah a seilen tir phal a. Inchhung sekrek khawih turin awmpui dang a la chhawr zui. Chhungkaw pa, Sorkar inthlak ang zela Hnam Rùn leh Bhavan vela thu nileng ta zak zak lah bo lo. Kuhva leh cigarette nena nui sen huam, zahna chang hre bawk silo, hotute kam liam changa hnadang engdang ngaihtuah tum lo, party office leh minister zing tho changa, contrac leh hna chhe tè beiseia then nileng ta mai mai “Patling” hi kan lo va tam ta em! Khua hi a la var mawlh lo! Malaria vaccine
Kan chhungte malaria vanga thi an awm nuala hei hian mi maktaduai tam tak kumtina tullo taka thosi seh vanga thi thin te a chhanhim beisei teh ang. Source News.com Kan mamawh hre turin ngaihtuahna kan hmang em?Kan mamawh hre turin ngaihtuahna kan hmang em? ~ LTP (He article hi a neitu phalna a lakchhawn a ni a, a thu a inzawm mar that em avangin part-ah then loin a vaiin ka rawn dah e. Muang changin chhiar teh khai!) Sumdawng mi i ni thei e, sumdawnna-ah i thil enkawl a lian ve thawkhat hle pawh a ni ang. I hnathawhna-ah hmasawnna kawng awm zel tura inhai kuak tumna rilru a awm em? Nge ni tuna i tih dan ang pangngai kha ngaiah neiin zing tin tui takin i ti ve zel zawk? Chhang siamna khawl pui tak bunin dawr lian tak i din ve a, a nih loh pawhin Printing Press lian tak i nei ve rup mai emaw, processing industry (food, cane, fruits, etc) i siam ve emaw pawh a ni ang. Order delivery a regular thei bawk si lova, rilru hah vangin dawr inlengte nen inhauh hrep a tam chang a awm pawh a ni thei e. Ina haw tlai viau phah nana hman khan rilru hah a tikiang chuang si lo. Chhungkua, nupui -fanau leh chhungte nen inkungkaihna a chhe tulh tulh mai bawk nen. Changkanna tur ngaihtuah lam ai mahin "Kan ram hi chu hnathawh vel a buaithlak a nih hi?" tih rikngawt chang pawh a tam a rinawm hle.
Management Concepts leh mi hlawhtlingte thawnthu te han hre ve zul thin mah ila, kan hman tangkai thiam leh bawk si loh chuan awmzia a awm bawk si lo. Commerce-ah te pawh question paper chu chawk ve zung zung thei mah ila, a practicality kan hrechiang leh tawh thin bawk si lo. Just In Time (JIT) leh Economic Order Quantity (EOQ) Concepts (heng hi Foreign Companies ho chuan an Quality Control nan an hmang uar ve hle) tih vel pawh han hre ve zul mah ila, enge a nih tak kan ngaihtuah zui leh chuang si loh chuan a hman tangkaina (application) chu kan la hlat viau ang. Mahni inenchiang mang si lova mi zinga kan ram that lohna chhan, kan changkang theih lohna chhan hahipa sawi thei leh si pawh hi kan tam tawh em em a ni lo maw? Mahse hetiang kan pawngpaw sawi vak vak ringawt hian kan changkan phah dawn chuang lo. Sawrkar khawngaihna azarah a tam zawkin eizawnna tur kan la hmu ve tawk tawk a, chutah a tam zawk chuan sawrkar bak sawi chhiat tur kan hre leh bawk si lova. Hmasawnna kawng rahbi tur hrang hranga ngaihtuahna a len vel laiin, a sira mi te bawkin, "Kawng tha chu nei ilang chuan", "power leh infrastructure tha chu nei ve ilang chuan chutiang khatiang kha chu kan ti ve thei ang mawle" an han ti vawng vawng a. Mahse hengte hi a kum sawm tel a ral hma loh chuan thawk leh khata rawn inbun rup thei a ni bawk si lo. Keimahni a hmasain kan inenchian a ngai ber a ni. Kan nitin eizawnnaah engte nge kan mamawh a, kan hlawhtlin theih loh thin tih han inenchiang ta zel ila. A hmasain, a hnuaia kan tarlan ang harsatna te hi kan nei em? Lo nei ta ila, engtin nge kan chhan ang? 1. Sumdawng mi tan: Enge ka business hi a nih? Enge ka tum ber? What is my ultimate goal? 2. Industry neite tan: Hei hian kan rama kan neih ve lar zual- Printing Industry/Printing Press, Newspaper Business, Carpentry, Food Processing Industry (thei tui siam, chawhmeh tin siam, chhang/cake siam etc etc) huamtir ta vek ila: b. Ka khawl hman thenkhatte phei hi chu a man sang ber ber an ni si a, engatinge ka production (ka siamchhuah theih zat) hi a hniam viau zel le? 3. "Harsatna tihrem (problem solve) tur chu sawi loh, harsatna leh buaina ka neihna lai ber hre chuang lovin kan nitin tihdan pangngaiin ka ti ve bawp bawp mai zel zawng a nih hi". 4. "Office ah te hian kan staff thenkhat te hi chu a thiam ber ber pawl leh a taima ber ber te an nia, mahse engatinge maw ni kan hnathawh hi kan zo mawh thei riau mai. Kan nau fel ho phei hi chu an thawhrim tehreng nen?" 5. "Thil thar hi chu ka hre belh ve zel asin mawle, engtin nge ka hman tangkaipui theih ang tih erawh hi ngaihtuahna tak tak seng chung chuan ka lo umzui vak lem hlei nem". Mahni sumdawnna theuhah chuan kan hlawkna tur kan um tlangpui. Nimahsela, kan business/sumdawnna leh kan nitin hnathawh dan hi OPERATIONAL MANAGEMENT point of view-in kan chhut ngai vak a rinawm loh hle mai. Kan hlawkna tur leh kan than chhoh zel theihna tur atan chuan a pawimawh ber si a. A mal malin i han then hrang ila, i han chhut chiang ang u hmiang le: Scene 1: Remi leh Diki te chu an desk ah thu in hna an thawk malh malh a. Remi hma ah chuan files leh office hna chi hrang hrang buaipui tur a tam hle mai a, Diki erawh hi chu nula taima tak a nih avangin a hna hi a hun tak ah a zo thlap thlap zel mai a. Chuvangin a dawhkan pawh a faiin a ruak thei hle. Department khat a thawk ho tih takah chuan an file vel khawih reng reng hi mi pakhat in enkawl vek lovin mahse chanpual theuh an insem zel a. Remi: "Diki chu a nuam awm bik, awi tih tur ka la ngah lutuk. Files ho pending a tam lutuk a, ka rilru a hah, min ti buai zo vek" Diki: "Nia, kei chu ka desk a lo kal apiang hi ka ti nghal char char zel a, Zohma-a te hovin files leh thil dang dang min rawn pek phei thin te hi chu ka ti zo nghal vat zel. Kei chu ka nghak khawl vel peih ve lo, tih zawh vat vat thin hi ka duh" Remi: "Awi, kei chu chutiang chu ka peih ve lo. Ti hian rawn dah khawl se, vawi khat ah hian ti leh tawk zel mai ila. A hun thlap thlap a tih nghal vel hi chu ka peih lo, a tul hun ah chuan kan ti zo ve leh mai zel". Chutia sawi pah chuan Remi chuan a piah a thu ho te chu a va au va, "Hna dang min rawn pek belh tawh suh u, hei a hma ami pawh a la tam lutuk. Ka khawih tur ang chi reng reng kha chu lo ti hrih lo mai rawh u. Min nghah pah deuh in tikhan a sir ah khan Dawl lo va in chuh mai rawh u, kan pu te pawh an awm chuan loh hi" Pi Rami: "Remi, i hna ho kha i tih zawh phawt loh chuan kei chu ka awl der mai a nia. Ka khawih ve theih ho tur chu i tih zawh phawt loh chuan engmah ka siam danglam thei bawk silova" Remi: "Ka thawh ve tawh chuan ka ti char char mai dawn alawm. Tikhan lo awm mai mai teh u, in tur vak vak chi pawh anih loh hi, tihsual a hlauhawm bawk si. Ti hian kan thawk vak vak anga, a chung lam hovin eng engemaw an lo thur kual ve leh anga, file kan khawih sak ho hi, ti zo vat vat mah ila, a tang leh tho ang" Chutih lai tak chuan an hotupa Pu Zuala hi a kid officers dang ho nen an rawn lut a, Pu Zuala chuan office a luh pah chuan a sira mi a kalpui officer pakhat hnen ah chuan "kan nula Diki hi chu a taima asin aw, kan department a ani a rawn thawk ve hi chu kan chhawr tangkai a nia, ani hi chu awm lo seng chuan a hna khawih hi mi chi hrang hrang in an buaipui a ngai ang" A chunga kan han tarlan ang khi sumdawnna (business ) chi hrang hrang ah emaw, kan industry leh kan hnathawhna hrang hrang environment ah a ngaihbel theih vek in a rinawm a, tin, khing te khi Shop Floor Activities, Assembly Line Process leh Process Chain Activities kal phung nen a in ang ah a ngaih theih bawk. Kan entirna kan han tarlan ah khian Operational Management lam atanga thlir chuan Remi khi kan BOTTLENECK a lo ni der a ni. A dawhkan ah file a in chhawp hnur thin khian a thiante hnathawh tur a ti bahlah in a ti sukuk zo vek thei bawk ani. A hnathawh leh tur a thawh theih loh vangin a thawhpui ten an chanpual ti zo tawh mahse, an rawn pe thei silova, a thawh lai a tih zawh loh avangin a hna khawih ho pek chhawn leh na tur te khan an dawn mai theih loh avangin an lo chawl mai mai bawk nen. A mimal tam zawk in tha deuh in hnathawk thin mahse, hemi BOTTLENECK vang hian FINISHED PRODUCT a chhuak tlem hle thin ani. Heng file tang khawm in chhek ur hi Operational term a INVENTORY kan tih nen hian a in ang reng ani. (Inventory: Raw materials atanga kan thil siam tur kan tih danglam mek, FINAL PRODUCT a kan la chan tir hma a, a kar laklawh a hman mai theih tur a lo tling khawm ho). Hetiang ang bawk hian kan hnathawhna dang ah tepawh eg. Thingzai na khawl, chhang siamna khawl, Printing Press, food processing etc), assembly-line a enge maw a in chhek khawl hnur tawh hi chuan enge ka bottleneck ni ang aw, tia in ngaihtuah that a tha hle ang. BOTTLENECK in a a thawh theih zat hi kan business (office, factory, manufacturing & processing plant) in a a thawh chhuah theih zat ani. BOTTLENECK ber in darkar khat a a siam chhuah theih hi, kan plant pum puiin a darkar khat a a thawh chhuah theih tur a lo ni der ani. Darkar khat BOTTLENECK avanga kan hlauh chuan darkar khat kan hna zawng zawng ah kan tlai phah tih na ani. Chain inzawmkhawm hi Sawrkar hnathawhna a Department hrang hrang ang ah ngai ta ila, chain pakhat a chhiat chuan a dang zawng zawng pawh an tangkai dan tur angin an tangkai thei dawn miah lo a ni. Hetiang ang bawk hian kan hnathawhnaah Department pakhat in lo ti tha viau ta sela, a dang khan an tih that ve lem chuang loh chuan FINISHED PRODUCT chu a awm thei dawn miah lo tih na ani bawk ani. Tunah Mizoram angah tepawh Agriculture lam leh Horticulture lam ah te pawn lam a thawn chhuah ve theih ngei turin sawrkar in tan a la nasa em em a, amaherawh chu hetiang ti ve thei tur dinhmun a ding tur a department thenkhat in nasa tak a an thawh laiin Department hrang hrang kan in complement thiam thin loh avangin BOTTLENECK tam tak a chhuak a, heng BOTTLENECK ho hi han chhui chiang thei se, eng te nge ni: Marketing, Sales, Operations. Tute ber hi nge ni kan BOTTLENECK tih zawng hian chhut ve chhin seng chuan kan changkang phah deuh chu a rinawm hle. Department thenkhat in an chanpual an tih zawh a hna thawk tha in tih viau ringawtna rilru hi chu kan bansan a hun tawh hle mai. More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment