"mi(sual).com" - 9 new articles
Vai zaithiam unau!Vai hla hi movie a mi a nih loh chuan han larpui em em an tam vaklo maithei a ni. Pakistani unau, Nazia Hassan leh Zoheb Hassan te hi an naupan tet atanga zai lama inhmang em em an ni. Nazia Hassan (April 3, 1965 – August 13, 2000) hi Kum 15 a nih chuan Bollywood film, “Kurbani” a an hla lar ber mai, “Aap Jaise Koi” tih chu a sa der tawh mai. 1981 chuan Nazia chuan a mega hit siam hmasak ber, “Disco Deewane” chu a release ta zui bawk. Nazia hi a lar lai khan BBC ah te pawn an lo interview tawh ngat kha niin, South Asian mi, EMI International music label dawng pha hmasa ber an unau in an ni ta nghe nghe a ni. Mak ve deuh mai chu Pakistan leh India heti khawp a in haw si hi India ramah an rawn lar thei em em mai kha a ni! Click here to view the embedded video. Alisha Chinai in a lar pui em em tak, “Made In India,” tih pawh kha Nazia hla hlui a chhawm ngat a nih kha. Tichuan, Nazia hi August 13, 2000 khan vanduai thlak tak maiin a Chuap cancer natna chuan London atangin mual aliampui ta a ni. Click here to view the embedded video. Zoheb Hassan (November 18, 1966) hi Nazia Hassan nau niin hla mawi tak tak a nei ve a, kan hriat a a larna ber chu an unau zaina album ah te an ni hlawm. Tunah hian Pakistan a media & entertainment companies lar ber pawl, “B&H International Pvt Limited [www.bh.com.pk]” ah CEO a nih bakah, Pakistan Real Estate lar ber pawl, “Hassan International” ah Director nihna a chelh mek bawk. Click here to view the embedded video. Vai cc ka post hi mak ti fe fe chu an tam ang mawle hairehai A der-a that/ fel (Thlirna tlangdang)Hawh u, a dera nun, a dera that, a dera fel kan chin zawng zawngte hi bansan ila, kan nihna ang ang hian i lang ngam tawh ang u… I lo ngaihtuah ve ngai em? Hetianga kan nihna ang anga lang ngam lo a, kan thil chin thalo leh kan ze tha lote thup tum a, a tha lam hawi zawnga a dera nun kan ching hi a thatna chen a awm ve tlat nia, (Sakhuana/ rinna kawngah erawh thuhran nise). Kan nihna ang ang hian lan tum ta vek ila, chutiang (kan nihna) ang tak chuan miten min hmu ta bawk sela, kan hnam, ram leh khawtlang hian thatpui aiin, kan that lohpui zawk mai law’ng maw? Mipangaia kan ngaih, mifel tak nia kan hriatte kha hur tak tak; zu heh tak tak; uire; tualthat; rukru te kan ni nawk si anga, a hnam pumpui mai nilo, keimahni mimal ngei pawh hian kan chhiatpui viau zawk law’ng maw? Tih èmah chuan a langa that/ fel kan tumna hian min phuarin, kan nun hi engemaw chen chu a vawng tha ve tlat a sin. Kan rilru ngaihtuahna tha lo leh ho tak tak te; khawvel ve tak tak te kha mite min hmuhdan turte dawnin, thenawm khawvengte mitmei veng reng rengin kan tih loh phah/ tim phah ve a, a dera lan mawi tum hi thatna chen a awm ve tlat a sin. Tlawmngaihna nei reng reng lo kha mite tanpuituah, lainatna nei miah lo kha mite khawngaihtuah… A nihna anga alan ai ngawt chuan a tha fè zawk lo maw? Chutiang zelin, uire chu a damchhungin inthup sela, call girl pawh inthup bawk sela, mangkawhurte pawh inthup tlat rawh se. Zu in mi pawh a theih hram chuan inthup sela, rilru kawi leh sual, thinchhe takte pawh…kan za-in ka ze tha lo leh kan chin tha lo zawng zawngte kan nihna anga lan kher tum loin, kan nih lohna anga lan mawi tum hlauh zawk ila, kan khua/ veng hian a nawm phah zawk ngei ang. Chuti lo a, Sap ho ang maia “ka nihna ka zahpui lo” ti a, mipa pangai taka kan ngaihten “mawngkawhur ka ni…” an tih a, hmeichhe fel taka kan ngaih ten “ka hmeichhiat pui ka it thin…ka kawp hreh lo…” ti a, mipui hmaa an puan dum dum chinah chuan aw…!!
SamtrawkMizo samtrawk niin ka hre lo deuh a, a neitute ka han zawt a, Sap samtrawk tiin an sawi a. Khawi atanga an lak nge tih ka han zawt thui dawn a. An lo hrechiang mang tlat lo. Samtrawk rawh, bawl hi tui ka ti ve mai mai thin. Ngo=Hmeltha?Mizo Nula Tlangval ten chhas/nupui/pasal an neihin an thian ten an zawh hmasak ber chu a tlangpuiin a Ngo em tih emaw a hmel hmang sawi nan Ngo deuh, hang deuh tih hi ani tlangpui awm e. Hmelchhe deuh pawh a Ngo tal a, ti in hmelchhe tan pawh ngona hian hope a neih tir ni awm tak ani. Mizorama vun ngo in ngaihsan ang tho hian Thailand ah pawh an ngaisang khawp mai a, Mizo nula (
Hei Thailand a 7-Eleven dawr a an zawrh atang pawh hian Thai ho pawh hian ngo ver vawr nih an chak hle tih a hriat theih . An skin cream, lotion zawng zawngah hian WHITENING tih a in ziak deuh vek. Kum engemaw zat liam ta khan Bangkok Don Muang Airport ah immigration officer hian ka passport ( Indian passport) a en vang vanga min zawh chu Indian i ang lo, ngatinge vun hang (Dark skin) i neih loh min ti. Bangkok Khua khaw hlui lampang (nonthaburi) Luiral lamah sawn tourist an tlem, thil pawh a tlawm. Thla ka la ve chhin a..Rawpuichhip dai atangin ni tla tur. Breaking news bawk khaKan breaking news hi a muhil rei tawh lutuk a.Kaihthawh dan i ngaihtuah teh ang u.Post pangai hian post ve mai ila. Category ah breaking news tih dahbelh mai ila. A harsa lem dawn ami? Sms kher ngailo hian. (Admin Note: Nia breaking news section hi chu kan siam tirh pawh khan a tihchhinna atan kan tih kha ania , a trul dan azira tihzawm/tihtawp theih reng ani e. Kan lo ngaihtuah tha leh ang.) Hinduism in Mizoram (Contribution of articles)HINDU MOVEMENT LO THAN CHHOH DAN Kum za emaw vel kal ta atang khan Hindu ho an harh thar a, Hindu nihna lamah an chiang thar nasa hle. Tunhma lam chuan Hinduism hi sakhaw zaidam leh dawhthei tak, sakhaw dang zuitute chungah pawh zahngai thei tak nia kan hriat thin a ni. India ram pumpui hi Hindu ram, Hindu-‘Rastra‘-a siam tumna a lian hle. India ram hi hnam khat, chi khat, tawng khat leh sakhaw pakhat nei ram kan ni tur a ni, an ti ta deuh ngut mai ! Heting rilru puthmang leh hmalakna hi ” Hindutva” kan tih chu a ni . Engvang nge ni ang le ? Hindu-ho rilruah raam neitu nia inngaihna lian tak a awm a. India ram history an han thlir a, ram neitu ni si a ram pawnlam atanga lolet te beihna an tawng fo chu tha an ti lo a. Kum zabi 9-na(AD) atang pawh khan Muslim-hovin an rawn run a,an pathian biakna hmunte an tih chhiat sak a, an awpbet bawk a an hausakna te an laksak thin a. Kum zabi 19 – naah British ho thuhnuaiah an han tlulut ve leh ta a. Ramdangmi leh sakhaw dang betuten an hnawt chep nia inhriatna leh him lo hle nia inhriatna neiin an lo harh chhuak ta a ni ber. Kristiante leh Muslim anga inzawmna fel tak neih ve a, inpumkhatna tha zawk nei tura tan la turin an lo tho chhuak ta a ni. Chu rilru chuan “Hindu-na” chawk thovin ram hmangaihna thinlung thar a pe a, Hindu Rastra din ngei tumna a lo chak chho ta tial tial a ni. Kum zabi 20- na atang phei kha chuan an thawm a na tan hle ; amaherawhchu harsatna tam tak an tawk a, chuti chungin an kal chho zel a, kum 1980 hnu lamah phei chuan politics lamah dinhmun tha an chang a, an thawm a na ta hle a ni. Hetianga an lo than chhoh zel dan hi ‘Independent hma’ tih leh‘independent hnu‘ tiin a thliar hran theih a ni.
INDEPENDENT HMA LAM : Kum zabi 19-na laihawl vel, British hovin an awp lai pawh khan Kristiante hmalakna ep let ni chung si, Hindu teh ngun si lo, inhawng tak chung si a hmalakna hmuh tur a awm tawh a. Chung zing a langsar zual deuhte chu Arya Samaj te, Brahmo Samaj te, Rama Krishna Mission te hi ann ni. Kum 1882 vel khan Bankim Chandra Chatterjee-an Hindu Nationalism thawng tho zawngin boruak a nei a.Tun anga sakhaw dang biate ngaimawh deuh rana hmalak bul in tanna hi kum 1906 Vinayak Damodar Savarkar-a (1883-1966) hova hmalakna kha ani. Ani hi ‘Hindutva’ tih tawngkam chhertu pawh a ni nghe nghe. Kum 1922-ah Hindu Mahasabha a lo piang a. Keshav Baliram Hedgewar (1889-1940) chuan Hindutva chu rawn chhawm nung leh in kum 1925 khan pawl pakhat, Rastriya Swayam Sevak(RSS) an tih hi a rawn din ta a ni. A din chhan ber chu sakhaw zalenna (secularism) awn tur zawnga thlemna lo kal lo do let tura thalaite buatsaih a, pi leh pute chena an lo vawn tawh Hindu sakhua leh zirtirna vawn nun ani. Kum engemawti chhung chu RSS te hi kar tin an inhmu khawm ziah a, nipuiah camp an nei thin. Chung hunah chuan hnam thil te, sakhaw thil a rilru puthmang tur te an in zirtir uluk hle thin a, hmelma laka inven dan tur chenin an infah uluk hle awm e. INDEPENDENT HNU LAM: Kum 1947-ah India ram chuan British awpna lak ata zalenna a lo nei ta a. Hetia mahnia ro inrel ram a nih takah hian sakhaw tin zalenna ram nih leh nih lovah duh dan a kai rual lo hle a. Indian National Congress chhungkua ah pawh ‘Hindu traditionalist’ leh ‘liberal secularist’ tiin lian takin a khi phuk a ni.RSS ho an kal vung tial tial a, kum 1948 khan Mahatma Gandhi thah a ni a. Sawrkar lamin a thattu kha RSS nen a inzawmna neia an hriat avangin RSS pawh an duh duh a chet an phalsak ta lova; mahse 1949 atang erawh chuan ‘cultur thil’ chauh va hma la tawh turin tihzalen an ni leh ta a ni.Tichuan politics lama a inhnamhnawih theih tak lovah chuan RSS bul tum in kum 1951 khan political party pakhat, Jan Sangh a lo piang ta a. Kum 1980 khan Bharatiya Janata Party (BJP) tia thlak a lo ni leh ta a. 1989 hnu lamah phei chuan BJP hi a lar ta hle a ni.BJP lo lar chak chhoh chhan hi Hindu te harh tharna rah chhuah a ni a, Hindu activist ten Hindu sakhua leh politic an suihzawm vang a ni thei ang. Hetiang boruak karah hian Hindutva movement chu a rawn sosang hle a. Mi chi hrang hrang lehkhathiam rual te, thu thar lakhawmtute, dan hre mite, scientists, professors, sumdawng leh sawrkar pisa-a hna hnuaihnung ber thawk thlengin Hindutva hian mi thlawp a hlawh hle ani. HINDUTVA TUIPUITE INTHLUNKHAWM DAN: Hindutva chu kan hriat angin ideology emaw, movement emaw a ni a, tuipuitu pawl hrang hrang sawmli chuang an awm a; chungho chu Sangh Parivar ( Family of the Order) tih an ni a. Heng pawl hrang hrangte hi fel takin an inthlung khawm a ni.RSS hian pa chan changin Hindutva tuipuite thlung khawmtu ber ani. Vishwa Hindu Parishad(VHP) hi hmun hrang hranga Hindu te inzawm khawmna a ni a; Bajrang Dal hi a tul apiang thawktu, kutke ber a ni.Zirlaiho zingah pawh pawl lar tak pakhat Akhil Bhartya Vidyarthi Parishad (ABVP) an tih pawh an awm bawk a; chutiang zelin Trade Union leh pawl hrang hrnagah pawh Hindutva hian thuk takin kua a hreuh a ni. Hindu sakhaw sawi ropuina leh sawi vulna a nasa chho zel a. India ram pawh a ropui thei ang ber a sawi a ni. Isua Krista ngei pawh Himalaya tlang pangah ni tam tak rawn khawsa ve in, Hindu puithiam Sadhu te leh Sanyasi-te hnen atanga finna zirchhuak anga sawi te pawh a ni tan mek a. Lehkhabu pakhat ‘Krishna leh Krista khaikhinna’ chu Aizawl veng pakhatah hmuh a ni nghe nghe in literature lamah pawh kan ram (Mizoram) an rawn thleng a ni. (MIZORAM CHHUNGAH ENGTIN NGE HMA AN LAK ? by: Mafaka). Hindu ho hian Mizoram pawn lam atangin Kristiante hi min bei nasa em em a.Kum 1997 vela Bru leh Mizo inkar a buaina awm pawh kha Hindu pawl thenkhat sulhnu niin a lang nghe nghe a ni. Mizorama a Kristiante hi Bru te tana hmelma anga tar langin Hindu chu anmahni hmangaihtu leh duhsaktu, sakhaw thilah pawh an bulpui zawk anga an lantir tlat avangin Bru te pawhin Hindu sakhua bia angah an lo inngai ta hial a ni.Mizorama Kristiante chu anmahni (Bru) chawk buaitu ang ah min ngai ta hial a nih chu. Bru National Union hminga Prime Minister hena April 29,1998-a Memorandum an thehluh ah phei chuan Mizorama Kristianten an temple te tihchhiatsak a, an hmeichhiate khawih chhia a, anmahni te pawh that ang hialin min sawi a ni.Hetiang buaina kan ram (Mizoram) chhung a a lo thlenna hi Hindu pawl thenkhat hmalakna vang a ni tih hi a chiang hle a ni. Mizorama Kristianten hnamdang zinga rawng kan bawl hian ‘Indirect Evangelism’ hmangin rawng kan bawl ang hian Hindu pawhin Mizoramah hian ‘Indirect Evangelism’ kal hmang ang tho in an sakhua chu an rawn thehdarh mek a. 750 A.D atang khan South India lamah chuan an puithiam Sankarya Chaya chuan hma a ala nasa em em a. Tun hma lam a Buddhist hmun ni thin Assam te chu Hindu lalna ramah an rawn let ta a, Nepa ram Buddist hmunpuite pawh chu Hindu lalna ramah an rawn hneh ta zel a. Hun a lo kal zel a, kan Missionary te rawngbawlna hmun ‘Barak Area’ te pawh Ram Krishna Mission hmangin Hindu hmunah an siam ta zel a ni. Ka thianpa in Serampur-a B.D a zir lai a thil thleng ti hian min hrilh a,”Calcutta ah Ram Krishna Museum kan tlawh a, chuta duty pakhat chuan Mizoram a cheng kan ni tih a hriat hnu chuan Ram Krishna Mission hnuaiah Mizo zirlai engemaw zat an neih thu min hrilh a, mak ka ti khawp mai,” tiin. Kum 2004 khan Bawngvah khua-a Presbyterian Pastor pakhat chuan, Assam Rifle ho in mizo thlai 20 rual chu lehkha ziritr turin Ram Krishna Mission hnuaiah an la niin a sawi a. Chung thalai te chuan an nu leh pa an kalsan a. An awmna hmunah chuan tawngtai, inkhawm,Bible chhiar a theih lohva, Hinduism hlir an zir niin an sawi a. Chutiang chu a nih avangin an zinga tlangval pakhat chu a rawn haw leh a ni awm e. Mizoramah hian a rukin hma an la mek zel a. Tunah hian Mandir pawh 30 chuang an nei tawh niin an sawi a, Temple erawh chu an la nei lo a ni awm e. 2005 December khan Vanapa Hall-ah Yoga chungchang sawihona ‘ Meditation Workshop’ neih tujmin hma an la a,rokhawlhna avangin an thulh leh a, March 2006 khan he worshop hi an nei ta chauh a ni. He workshop huaihawttu te hi Brahma Kumaris, tuna Tuikhuahtlang a inbun mekte khi an ni. Hman deuh khan ka thianpa in, “Hindu Sam bu ‘ Bhagavad Gita( Song of God) pawh tuten emaw an letling mek a nia aw ” tiin min hrilh a. Chumi hnu reilote ah an lehlin thu chanchinbu ah kan hmu ta mai reng a( Evening Post. dt-?). Heti hian a inziak a:- Hindu Pathian hla Mizo tawngin. ( Song of God, Bhagavad Gita -ah hian hla 700 vel a awm. The Gita tia koh Hindu lehkhabu hi Hindu thuziak zinga hlu ber pawl niin khawvelin classical philosophical lehkhabu a neih hlut ber zingah a tel nghe nghe, he hla dahkhawmna bu hi kum 5-2 BC vel a phuahkhawm a ni) He Hindu rinna lehkhabu pawimawh Mizo tawnga lehlin thuhmahruaiah hian a letlingtu chuan ” He lehkhabu-a thute hi lei leh van innghahna, chatuan minung thuchhuakte an nih avangin, a neitu chatuan minung hnenah lawm takin ka hlan e,” tiin a ziak nghe nghe. Nunna Lalhnam mi leh sa ten he lehkhabuah hian thuhma an ziak nual a, thuhma ziak zawng zawngte hi Nunna Lalhnam mi leh sate vek an nih thu kartin chanchinbu chuan a tarlang bawk. ” Lalpa (Khuavang) chu Lal a nih anga a inpuannate chunga a ropuina chu lang zel se. Hnam tinte a siam anga mahni nih dan theuhva a kohna hretute malsawmin awm rawh se…” tiin B.Lalthlengliana Vice Chairman, Nunna Lal hnam ( Saron Veng) chuan thuhma-ah hian a ziak. “Heng Mizo rama an thawpuite thu ken ber hi a chunga kan sawi tak ang hiaan hmanlai kan pi pute sakhua leh pathian ( khuanu, Pu Vana etc) biak leh hi a ni.Langsar takin Isua Krista leh Bible an sawichhe bawrh bawrh fo a, an thuziakah pawh Kristian sakhua an bei viau a ni” tiin thudawnna hian a tarlang ” “ MIZO RAMAH HINDUISM A HLAUAWM EM ? Hindu pa pasal a nei Mizo hmeichhia harsatna tawk pawh kan kawm fo ta mai. a tam zawk hi chu’ retheih peihloh vang’ an ni fur . India Policy pawimawh tak ‘Look East Policy’ implement a nih hunah hnamdang lo lut ta ruih ruih se, nupui pasal atan Hindu tlangval nei duh Mizo zingah an tam ang em?, tunah pawh kohhran leh pawl ang pawh a Hindu a inlet, sum leh pai leh ther hlo duh vang an awm mek a ni si a. Hindu pawl hrang thenkhat Arya Samaj te, Brahmo Samaj te leh Ram Krisahna Mission te hian zirna, medical leh sawrkar chakna an hmang thiam si a, Mizoram hi engtin nge an rawh beih dawn chhut a tul khawp mai.AYUSH te pawh Mizoramah Sawrkar Department pakhat hnuaiah a lo awm ta a. Kan tunhnu zel atan, Kristian zirtirna daltu a ni thei ang em le?. AYUSH chanchin chiang zawkin kan la rawn tarlang leh ang. A tawp ber ah chuan , ” Kan Ram ( Mizoram) Krista kan pe, Kan rilru pawh kan hlan;inthurualin” ti ila. Mitin in SAVE MIZORAM FOR CHRIST i ti ang u. (S0urce: India hmarchhak rama sakhaw dangte sulhnu by: Rev.L.H.Rawsea ). http://thehealingtministry.blogspot.com/2009/11/hinduism-in-mizoram-contribution-of_12.html Meizial zu puak!Meizial zuk ngheinan chuan a tha phian mai thei. Indonesian pa Andi Susanto a chu meizial a zuk lain a meizial zuk chu a rawn puak ta pup maia, a ha 6 a bal nghe nghe a ni awm e. He meizial siamtu company PT Nojorono Tobacco hianin Andi a chu cheng US $ 535 compensation an pe nghal bawk. Amah Andi-a chuan meizial zuk a lo nghei tum thu a sawia tunah chuan a nghei hlen tawh a rinawm! Burma cigarette tlawm te te pawh hi kan zu puak ang tih a hlauhawm khawp mai!
- http://news.bbc.co.uk/2/hi/asia-pacific/8493288.stm Aizawl-ah hmun hlauhawm zual 9
More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment