"mi(sual).com" - 8 new articles
Plastic Surgery Free inKa email dawn hi mi(sual)/hmelhriat kan(burn) vang emaw pianpui vanga Plastic Surgery ngai kan awm tak mialin tiin ka han tarlang mai ani. Aizawlah poh Durtlang Hospital-ah German Dr te an lokal fo. If you know anyone who has met with a fire accident or people who are born with problems / disabilities such as jointed ear, nose and mouth, please note they can avail free plastic surgery at Pasam Hospital, KODAIKANAL from March 23rd to 4th April 2010 by German Doctors. Every thing is free. Contact Nos. 04542 – 240668, 245732 Pitar Tuibur Zu laiKan awmna khawvel a danglam ta aniang, tunlai khawvelah zet zawng pitar tuibur zu lai hmuh tur te pawh an vang ta hle mai!. Hmanlai chuan thiantha induhsakna anih mai bakah hun tehna a ni ve tlat. Kawlthat ve hrim hrim atan ka duh khawp mai. Leitur awmse ka ti ngawt mai.
Pute u, min khawngaih lo em ni?Pute u, Ram hi in vei tak tak em? Min hruai rawh u… Computer parts chah ve ka duh a??He kan zoram atang te hian computer parts leh electronics tih vel hi India ram a tlawmna atang hian chah dan a awm em?? Debit card vel in, rintlak deuh tur mi bum ching lo, hetah hian thil to thei bawk si a?? multi-purpose AK 47Click here to view the embedded video. KAWLPHETHA intodelh nan rawtna mawl te teHeti taka kan mamawh, kan vei leh duhthu kan sampui tam ber KAWLPHETHA hi kan lo intodelh ve thuai theih nan rawtna mawlmang tak tak ka han thlasik mau puah pui ve phawng phawng teh ang! Heng rawtnate ka sawi hmain mahni ka han insawifiah hmasa ang e: (a) Hetiang Kawlphetha chungchangah hian Technical lam thil engmah ka hre lo, mi mawl ka ni e! Awle, rawtna mawl pasarih: 2. KAWLPHETHA siamchhuah nana Hydel Project emaw, Project dang reng reng ruahmanna a awm reng rengin a hnaivaiah TUMAN ram neih awih loh! Ram nei sate chu Compensation a awm tawk chhungah A TLEM THEI ANG BER pek ni se, a bak chu RAM TAN an thawh veah ngaih sak ni mai se, he kawlphetha hi a chhawrtu an la ni ve tho dawn si a. Project ruahman laia RULING lam hnaivai/ u leh nau/party mi emaw ten ram inpe chawpa Compensation an lo ngiat ve a nih chuan PEK MIAH LOH TUR an ni. Hengtianga tih chingte hi RAM HMELMA an ni e! NI LO pawh in ti se AN NI E !! 3.KAWLPHETHA siam chhuahna tur Project-a thawktu reng reng ten sum an tihchingpen avanga hna a sukuk phah a nih chuan an hna atanga ban nghal bakah, an ina Electric connection zawng zawng tihtawp sak ni se la, Chapcharkut niah AR Lammual lai takah banah phuar betin an lu meh kawlh sak ni rawh se! 4. Ram tana tha tur sawrkar hmasain a duan reng reng, Party dang hma lakna a nih avanga chhunzawm duh lo chuan RAM aiin PARTY an hmangaih zawk tih a chiang a, mipuiten paih thlak nghal zel tur!. 5. KAWLPHETHA hi heti tak hian kan mamawh a, ram pum mipui kan phun mur mur chung leh, kum 30 dawn lai STATE puitling kan nih ve tawh lai hian he ti em em maia kan han intodelh thei mawlh lo mai hi a ZAHTHLAK bakah a TLAWMNGAIHTHLAK em em a, engemaw DIK LO chu a awm tih a hriat! Tunah hian Mizoram Power & Electricity Board website-a a lan danin Mizoram hian Mini Hydel project 16 leh Diesel khawl neuh neuh 22 atangin MW 29.335 a tichhuak ve a, kan mamawh erawh chu MW60 vel. Chutih lai chuan Tuirial HP MW 60 siam chhuak tur te, Tuivai HP MW 210 tichhuak tur te, Bairabi HP MW 75 tichhuak tur te, Bairabi Thermal P MW 20 tichhuak tura lang, a vaiin MW 265 tichhuak tura ruahmanna awm te hi enge an dinhmun chiah?? Engatinge a thawm chauh kan hre thin a, A TAK hmuh tur a awm theih ngang si loh?? Heng Project zinga pahnih khat pawh hi tipuitling thei sawrkar chu awm se kan intodelh ni mai tur! Kan ram hnar kaitute ho khan IN VEI TAWK LO a ni lo maw?? Chuvangin, TUN atang hian heng project zinga pakhat tal tihlawhtling turin Pu Hawla hruai Congress sawrkar hian HMA LA ringawt lovin, A HLAWHTLIN thlengin bawhzui rawh se!! Tichuan, Zoram mipui zawng zawngin lawmthu kan sawi ang a, Pu Hawla pawh Jyoti Basu lal chen zet a CM mai thei a sin! Rawtna pasarih ka siam hmain ka insawh thinur dawn tlat mai! Khawvela Phone tha ber iPhone ka nei ve
Ka awhna a rei ta bawk a ka lei ve ta nge nge e. Lo khaikhin duh in awm takin $ 350 (Rs 14,000) ka pe anga, $30 contract in thla 24 chhung ka sign a, hei hian $30 man call+sms etc a keng tel nghal. $ 30 ka exceed loh chuan avaiin $ 710 (Rs 28,000 vel) ka chawi dawn tihna anih chu. A tih theih leh applications chi hrang hrang GPS, Email, Compass leh application tangkai tak tak 100,000 chuang lei theih chungchang chu in hre hne hleihlui tawh anga sawi buai lo mai ang. Ka sawi duh erawh chu a hman nawm zia hi. Nokia phone Symbian OS hmang ho hi 2 star out of 5 ka pe a, iPhone hi 4.5 Star out of 5 ka pe. Ka tana a tangkaina leh ka neihna chhan bulpui ber chu khawvel ram hrang hrang zinnah Wifi a awm vek tho sia, computer Kg 2 dawn laia rit ah lung lung ngai tawh lovin iPhone atangin ka tih duh zawng zawng ka tih theih vek tho vang te, ka hnathawhna software leh application felfai taka a run theih vang te, Skype a local call rate deuh thaw a Sydney a client te ka call theih bakah, Aizawl emaw, London emaw a tang pawn Sydney a office ang thova hna ka thawh theih dawn vanga lei ka nia, Aizawl mi thatchhe ho Nu leh pa thawhchhuah ring a bike a tlan vung vak vak ringawt ho khan lo awt ve reng reng suh ang che u. A thlalakna hian duhthu a sam loh deuh na chu flash a awm lo hi ani deuh mai, 4X6 inch print quality in a lak theih bakah tunlaiah thlalak tam tak kan print tak loh vang hian 3 megapixel lek pawh hi a hmantlak tho mai. A hnuaia mi hi ka Uite iPhone a thla ka lak sak anih hi. World Record atan CherawWorld Record atan Cheraw -B. Lalthangliana Kumin (2010) Chapchar Kutah a tam thei ang berin Cheraw kan a World Record siam tum a ni a. Hemi kawnga mawhphurhna laho Central YMA, Art & Culture Department leh sawrkar te hi an fakawm hle mai. Ngaihtuahna zau deuh hlekin i lo zir chiang teh ang. Hmanlai atangin Cheraw hi pi leh puten an lo kan thin tawh a. Lai lam chuan 'Rawkhathlak' vuahin raicheha thi te thlarau thlah nan leh hmun thenkhatah chuan buh za aih nan te an kan thin a. Mara-te chuan lal emaw, mi khawsa thei deuh emaw te an thihna sial emaw, vawk emaw an talhin an kan thung a, 'Rahkha tla' an ti. Titi phungleng tak pakhatah chuan, Baptist Missionary Pi Zirtiri (Miss Chapman) chu a naupangte nen Phawngpui bial an fan laiin Sangau khaw kiang Cheural khuaah he lam hi a hmu a. Serkawn an thlen leh hnuin an kan ve ta a, 'Cheural' tih chu an lam thiam loh avangin 'Cheraw' an ti ta mai atanga 'Cheraw' hi intan anga sawi a ni a. Hei hi kum 1932 vel a ni a. Engpawh ni se, a pawmawm lo hle a ni. Lusei zingah chuan hman lai atangin zan thla engah naupangten intih hlim nan an kan thin a, suk te leh thingfak te an khawng thin a. A chang chuan tleirawl leh nulate pawh an tel ve thin. Tichuan, a tlanglawn deuh deuh a, Mizo hnam lam zinga lar leh hmingthang ber, hnam dang pawhin hmuhnawm an tih ber a lo tling ta hial mai. Culture hi a tobul hriat a pawimawh hle rualin nunna nei ang deuh a ni a, a che reng a, hma a sawn ve zel tur a ni a. A bul thut bo chuang loin a danglam hret hret zel hi pawm thiam a pawimawh hle. Entir nan, tunlaia nulaten Cheraw an kan a, an b^n, an l< leh an taksa te an lam nen inrem tura an han tiche vel te hi a tha thlawt a, an Cheraw kan lai a tinung lehzual sarh a ni. Mi thenkhat ngaihdan fuh tawk lo deuh te sawi lang zawk ila. Mizoramah thil mak danglam deuh eng emaw a awmin hnam dang sulhnuah puh kan ching a. Entir nan, Biate leh Lungdar inkarah 'Lung vando' a awm a. Tualcheng khaw bulah chher ni awm tak lung lian pui pui a awm a, 'Lungphunlian' an tih mai lung lian tak phun a ding bawk a. Tin, Aiduzawl tlang chhipah lung phun a awm bawk a. Heng lo pawh hi hmun dangah a la awm mai thei. Hengte hi hnam dang sulhnuah dahin Meitei emaw, Mirawng emaw tihah sawi a ni thin. A nih dan sawi chiang thei emaw, finfiah thei emaw kan awm lawi si lo. Hnam dang sulhnu tih kan chian leh kan fiah, anmahni ngei pawhin an sulhnu nia an hauh hi kan rama mi pawh ni se kan chuh tur a ni lo a, a ni lo na na na chu neih tuma beih beih tur pawh a ni lo. Thu dikah kan ding ngam tur a ni a, chu chu a tlo ber bawk. Amaherawhchu kan pi leh puten tithei lo emaw, tithiam lo emaw ang ziazanga ngai leh sawia Mizorama thil mak leh danglam deuh apiang hnam dang sulhnua bel ngawt chin hi chu a fuh chiah lo, sim atan a tha khawp mai. Chutiang zel chuan Darkhuang te, Darbu te leh Darmang te pawh vawiin thleng hian Mizote zingah chhung thiam leh chher thei an awm lo tih chu kan hre theuh a. Mahse kan hnam ro, kan musical instrument pawimawh takah i-he loin kan pawm thlap a, kan thanlenpui a, kan hla nen kan rem a, kan lung a tileng a, kan lunglenpui bawk. Hei hian hnam dang ta kan seng luh chawp mai mai a ni lo tih a hril chiang hle. Chuvangin Kawlphaia pi pute an khawsak laiin Kawlho nen emaw, hnam dang te nen emaw an chhung ho a, an chher ho a, thlang an tlakpui a, vawiin thleng hian kan la roh em em lo thei lo. Kan chenna leilung leh chhehvel (enviroment)-in a zil loh avangin kan chher lo emaw, kan chhung lo emaw ni maiin a lang zawk. Kut themthiamna s^ng tak nih ngai hmui te, her-^wt te, tuibur (hmeichhiain an zuk thin) te leh hnahchawi thahnem tak tul hmar-^m kutchhuak an neih atang te hian, tun hmaa an lo thiam tawh, an chenna ram leh hmun (enviroment)-in a zir phawt chuan an tih theih zel atang hian a chiang hle a ni. Cheraw pawh hi a kan dan inang chiah lo mah se hnam leh ram hrang hrangin an kan tih kan hre hlawm a. Burma rama Keren te, China rama Li hnam te, Thailand-ah 'Ram gratop mai' an ti a, Cambodia-ah 'Robam kon araek' an ti a, Malaysia-ah 'Magunatip' an ti a, Vietnam-ah 'Mua sap' an ti a, Phillipines-ah 'Tinikling' an ti tih kan hre hlawm awm e. Hnam dangte pawh an la awm mai thei. Engpawh ni se, hengte hian an lo neih ve avang hian an ta kan lak emaw, kan copy emaw, kan zir ve emaw tizawngin kan ngaihtuah tur a ni lo. Hengho te nen hian Tlangmi hnam hrang hrangte hmanlai atanga an lo awm khawmna, China ram chhim thlang Yunna Province-ah an chenho lai hian an lo chingho tawh a ni mahna! Kan rilru chhungril berah pawh Cheraw hi hmanlai atangin kan pi puten an lo kan tawh thin a, thlang an rawn tlakpui zel a, kan hnam ro, kan hnam lam dik tak a ni, tiin nghet takin kan pawm thlap tur a ni ngei mai. Tin, 'Cheraw' ti mai loa 'Bamboo dance' tia dah hi duhthu a sam chiah lo na a, khawvel hriat kan hlawna tur a nih dawn chuan a pawm theih hram hram a. Amaherawhchu kan ziak leh sawi apiangin, 'Bamboo dance (Cheraw)' ti zel ila a fuh ber ngei ang. Khawvel hriata Mizoram leh Mizo hnam kan inpho chhuahna tur zawnga kan hotuten hmalaa theihtawp an chhuah hi a ropui a. Mipui pawhin kan theihna lai apiangah tha thawhin phur takin i tanpui theuh ang u. Hnam dangte hi chuan an kan ve chauh zawk ni sela. Cheraw hi Mizo cultural dance, kan ta liau liau a ni a, kan ta hliah hliah tur a ni a, kan neitu vang tur a ni. Source: Vanglaini.org More Recent Articles |
(A rum lu deuh em? )
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment