"mi(sual).com" - 8 new articles
Web site/blogTun thla ni 23-25 a Tuipuiral group YMA conference,Khuanglenga awm tur leh August thla a Champhai sub-headquarter conference,Khawbunga neih tur ah information leh news thehdarh kawnga awlsam zawkna a nih beisei in web site/blog www.samtea.wordpress.com buatsaih a ni a.Khawbung khawtlang chanchin hrang hrang ni tin a update a awm bawk.Lo tlawh ve chhin teh u. Zalen ka ni ta– Mickey Hlondo Zalên ka ni ta ka tih hmain kan zalen loh zia kan târlang phawt ang. Zalenna hi eng chiah nge a nih a? Eng chiah nge a huam? Zalenna hi amah ringawt chuan a awm thei lova, neitu / changtu / hmangtu an awm a ngai a ni. A neitu chu thil tam tak a ni thei âwm e, hetiangin sikul zalên, ram zalên kan tih reng reng hian sikul, ram etc. te hi chu anmahni hian tih zalen chawp an ngai chuang tawh lo a. Keini tih zalen leh len loh theih a ni hek lo. Amaherawhchu, ram chhunga cheng mihring, sikul chhunga awm mihringte hi kan zalên thin lo zawk a ni lo maw? Zalenna kan tih chuan mahni chhungrila kan châk leh kan duh zâwng ram dânin a phal chin si dâltu leh tibuaitu awm miah lova kan hman, kan nun chhuahpui theih hi a ni ber awm e. Chhungkaw inrelbawl dan chhunga zalen taka awm thiamna hi a ni bawk thei ang. Midang tana hnawksak khawpa kan zalenna kan hman erawh chu a dik lo tawp ang. Sâp hoin "Be yourself" an tih fo, keimahnia keimahni, mahni nihphung diktak, inthup leh inzep, insum kârna awm miah lova mahni nih ang anga lanchhuah tawp mai chu keini mizote ah chuan beisei lo ta ila. Kan ei châk pawh "Ka châk love" kan duh zâwng pawh "Ka duh love" titlat thin mahni chhungrila châk leh duh pawh a nih ang anga tilang ngam lo, hnam dawi zep, hnam zalên lo tak kan ni. Chhiatni thatni sakhuana lamah pawh "Miin min dem lutuk ang" tih vâng ringawtin kan han ti ve hram hram a, ka peih lo anih chuan ka taksa a nia duh leh kal malek ang hmiang. Tuma sawisel theih pawh va ni suh. Kan Society chuan kar khatah zan thum leh chawlhni nileng inkhawm turin min beisei ang a, chumi tithalo te chu rual pawllo chhuahin min chhuah a, Mitthi lumen, khawhar in kal, thlanlaih nikhua chuan Mizo,Kristian,tlangval ve si tiin min phût ang. Zirlai nge ka nih zilhlai, mihring nge ka nih mithing tih pawh ngaihtuah miah lovin kan society chuan min phut ang. Dân leh dûn lama kan zalenna lam chu thu hran ni se, rilru lama kan zalen loh zia hi in târlang leh teh ang. Pulpit tlângah ngei pawh hian mahni rilru a awm Pathian min pâwlna ngeite pawh hi kan sawichhuak ngam loa, Upate leh mipuite tâna ngaihthlak nuam tur hi sawichhuah kan duh zawk a ni. Khawtlâng leh kohhran lamah pawh hian mi min ngaihdan tur kan thlir peih em em a. Tha leh dik nia kan hriat ang ah pawh kan ding ngam thin lo, Pawl hruaitu tur thlan leh hun ngaihtuah chung rengin midang pawisawi hlau takin kan awm thin. Zalenna tak tak kan hriat hunah chuan 'a zalenna alâwm, duh leh rui ang hmiang, a duh duhin a awm thiang alawm' kan ti tawh ang. Tlangvalin duh duh a rim tawh ang a, duh leh vengchhak, vengthlang, hmeithai zuzuar fa pawh a rim tawh mai ang. Duh leh a sam a ti phir anga, achang leh a ti buang ang a, kekawr ngum lang pawh a ha tawh mai ang. Ka rilru a awm, ka châk zâwng ang takin ka nun chu a che vel tawh ang. Chutah Learning by doing tih chu kan theme pawimawh tak a ni tawh ang a, tuman ti rawh! ti suh! min ti tawh lo anga, aduh an insual anga, aduh an rui anga, aduh an inkhawm anga, aduh in sex an hmang anga, chutiang chuan it’s my life tiin kan phe nuaih nuaih tawh mai dâwn a ni. Hmâna Gandhi-a te, Nehru-a ten harsa taka an beih, nunna tamtak châna an hlawhchhuah zalenna chu kei ber emaw intiin kan chil phuan bawrh bawrh tawh mai dawn a ni. Zalenna hi apuma kan neih ngam hunah leh kan hman ngam hunah kan nih ang takin kan khawtlâng nun hi a lang chhuak tawh ang a. Zu khap duhlo em em te pawh khan tute hmaizah vâng nilovin khap loh langsar takin kan duh ngam tawh ang. Thildik leh tha a zalên loa inhre tlat, thil dikloa huaisen taka zalên leh ngam si te pawn kan zalenna chu dik takin kan hmang tawh ang. A zalenna alâwm, ama taksa alâwm, keini buaipui leh zilh a ngai love tiin mizo hnam anga kan mualpho anih paw'n keini kan fihlim chuan a tawk kan ti tawh mai ang. Chutih hunah chuan ka ka-ah lut thiang loa awm tawh lo anga, keimah avangin midang buai a ngai tawh hek lovang. Chu zalenna chuan min eichhia anih paw'n zalennain a eichhiat chuan amahin a tuar tlawk tlawk tawh mai ang. Nu leh pa rilru a hah anga, khum manto in mut a ti tui chuang hek lo ang. Tlangvâlte hnapui ber pakhat tur chu thlanlaih a ni tawh mai ang chu! Chutih hunah chuan mi min ngaihdan tur te, thenawm khawvengte min ngaihdan tur pawh dâwn tawh lovin keimah chu keimah ka ni tawh ang a. Zalên ka ni ta ka ti ve thei tawh ang a, he hringnun hi zalen takin kan hmachhawn tawh mai dâwn a ni. Zalen ka ni ta ka tih avangin he leia ka chenpui te tana hnawksaka ka awm kher chu thil tul ber a ni lovang. Zalen ka tum lutuk avâng erawh chuan nun beidawnna, engmah lo maiah ka chhuak leh lawi si anga, ngui takin he khawvel ah hian ka khawsa ve ta zâwk mai ang em le?
Lei hi verh thla ta ilaMi thiam te chuan kan awmna lei/khawvel hi a mum an ti a. A mum a nih chuan kan letliama awm te chu kan hnuaiah an awm dan tihna a ni a. Chutia nih chuan kan hnuai zawn takah hian verh tlang ta pawp ila. Zuang thla ta ila engtin nge kan awm ang le? Kan tla tlang ang nge kan tawp chawt ang? An ni pawhin an hnuaia awm angah mi ngai ve tho sia. A zatve vel atangin vah chhoh leh a ngai dawn tihna em ni? Kan tla thla vang vang anga, kan vak chho leh ngar ngar dawn tihna em ni ta ang? Evermore – Isu Nang chauhClick here to view the embedded video. Mizo Band Evermore hla ‘Isu Nang chuah‘ lo en ve rawh u. Virus “Ahsan Manan Khan Bhutta”“Ahsan Manan Khan Bhutta” virus an tih mai chu ka computer ah hian a rawn lut a. Home Video avi tih hi drive tinah hian a awm a, ninawmfu. Ka system hming a lo change thul, control panel access a harsa Google a remover ka zawn lahin explorer min khar sak leh khap thin a. Chimawm reuh khawp mai. Min han pui teh u lem! In/Inhmun Lei Duh tana Hriat Chi!Mizoram Real Estate chungchang, Zawlbuk nen hriat pawlh chi loh. Anni business run dan nen chuan ka soi tum a dang daih!. Khawvel hi ka ramhlun tur anilo, nakinah chatuan in (vanram) ka la chang mai dawn ani tih vanga Inhmun neilo ni chuanglo, rosum vanga la neilo hian Inhmun lei chungchang kan sawi daih ange. Mizoram-a inhmun kan lei dan thin leh kan la lei dan tur ni zela ngaih theih, ‘an thenawm te pawn chute zat chuan an hralh’, ‘an chhungkaw in rochun zel anih sia, a to viau mai thei’ etc. a chhan a tam thin map map khawp mai. A chhut dan fair tak, dik leh ril em chu nilo mahse innghah nana hman tlak takin chhut chhin ang. A chhut danah hian 2 a awm: 1. Capitalization Method: He method hi chu mahni luah atan liau liau-a lei nilo, inluah man beisei vanga lei (Investment chi khat) a ni. Mizoram-ah a flat khat emaw flat 2 emaw chauha in lei a awm meuh loh avangin applicable chiah lo mai thei, mahse kan la hmang ve don chiangkuang. Inluah man atrangin kumtin/thlatin engzat nge a ron deh chhuah ang, kan in lei atrang khan ? Inluah man hi thlatin kaw (Flat) khatah Rs.2000 ni ta se, kaw thum alo a awm ta bawka, thlatin Rs.6000 a ron lut ta a ni. Chuan a kum khat ang zawng chuan Rs.72,000/- a ron return. He In (flat 3 nei, flat khatah Rs.2000 zel thlatin luah man) hi I lei ngamna zat tur chu (72,000/8%) ; Rs.9,00,000/- Anih Rs.9,00,000/- hian he in hi lei an phal angem? Phal ka ring chiah lo (Aizawl bik-ah chuan) Engtin nge I tih tak ang? Kal la tisual leh tawh suh tih ang deuh khan Dawn duh toh suh, kal la Bankah va dah hmak mai rawh. A hlawk fee zok. (A chhut dan kim ah phei chuan repair man, Insurance lakna man, Inluah tu awm loh changa luah man kan loss theih etc. an deduct leh vek thin) 2.Discounted Cash Flow Method: He method hi a harsat hmel angreng, a hming atrang hi chuan. A harsa hranlo, chhiar rawh. Hemi method hmang hi chuan a luah man ringot kha chhut toh lovin, amah in leh a hmun hlut-na pung tur nen an chhut tel toh. Anih chuan I in lei kha tun atranga kum 10 hnu ah a let khat velin I hralh theih toh mai thei, anih loh pawh a let chanve talin…. In luah man a ron deh chhuah tur hi chu awlsam takin kan hre thei mai, mahse In leh a hmun hlut-na pung tur zat hi a buaithlak deuh. A chunga ka sawi tak a trang khian teh chhin ila (Kum 10 hnu-ah a let in). Bank ho interest pek thin atrang bawk khan kan teh leh ang. In luahman atrang khian kumtin Rs. 72,000 a ron dek chhuak a. Hemi luahman pe thei dawnna/leina zat tur kan chhut phot ang. Ka sawi toh kha sem mai tur; 72,000/8% = 9,00,000/-. Chuan amah inhmun ngei hlutna(Value) kha a lo sang tel ta bawk a, ahma a kan sawi kum 10 hnu-ah a let-in a lo pung ta se (miz. Insurance agents hovin kum 3-ah a let-a pung an tih kha chu hnai lo nasa mai). Tun atranga kum 10 hnu-ah I In lei tum, thlatin kawkhat luah man Rs.2000 pe thei, kaw thum awm bawk kha Rs.20,00,000 velin hralh theih I inring ta a. kum 10-ah a leta a pun miau chuan tunah I pekzat tur/ dawnna zat tur chu Rs.10,00,000/- Chuan a hlut-na hrim hrim khi Rs. 10,00,000/- ani, mahse amah in atrang khan income dang (luah man) a lo dek chhuak bawka, chuti anih chuan a pahnih belhkhawm khi I leina/dawnna zat tur. (10,00,000 + 9,00,000) = 19,00,000/- Hei hian dawn I tum ta a, anla phallo cheu em hemi zat hian? Lei lul suh, bank-ah dah keuh zok la, chuan nakin kum 10 hnu ah chuan a aia thra poh I lei thei zok mai thei a sin. Anih loh pawn rent mai la, lei kher lovin, (rent I pe chung hian ila hlawk zok thei hle) sum tamtak I khawlkhawm thei zok don si a. Mahni hminga in neih ve hrim hrim hi ka lungkham ber ani I tih chuan I thu ber, tu sawiphak mah va ni suh. Hemi a chunga ka chhut dan khi a local ang reng! Kum 10 a aleta pung tih tawp poh I ti mai thei, or In kan lei loh chuan luahman kan pe reng tho sia…) kumtin thil man pun chak dan (Inflation basis) pawn a chhut theih. Tin, luahman lo pe pawh ni la, I pek ang zat chiah kha I lei hnu-ah pawh I beisei theih ani, midang I luah tir atrangin. Inluah man lo lut leh amah inhmun hlutna lo sang ta te kha bank ho pek aiin ala hniam zok thei hle a ni. In/inhmun I lei tum, a luah man leh amah in ngei an hralh phal na zat poh I hriat, I lei dawn em, don lo em? Bank Interest atrang tho khian compare zel tur, Awlsam taka kan pan mai theih, a hlut-na poh pung ve tho bank hi hman mawlh mawlh tur. Ziak vek lo mai ang, a thui emai nakin-a chhiar ah de de dei inti leh awm si Ka lawm e! Vangchhia-ah i zin ang hmiang…Tun tum chu Vangchhia-ah, (Khuangleng leh Leithum inkar chhuah lamah a khua hi a awm) ka va zin a. Ka zin chu ka inchhir lo hle mai. A chhan chu, Mizo history, tunhma a kan pipute sulhnu leh an chanchin, he hmun hi a lo kuh tul mai a. Mi(sual)-ho lo hriat ve atana ka it em avangin ka rawn pho chhuak ang e. A khaw mipui te chuan an sawi tha duh vaklo na in, bung kung pakhat phei chu, tunah pawh, a bul hnaiah mahni chauh chuan zanah pawh an la tlawh tha duh vak lo…. Vangchhia hi khaw upa tak niin, Mizote khawchhak lam atanga thlang an rawn tlak hian an khaw hmasa te zinga tel ni awm tak a ni. Burma lam atanga an khaw khawtchhuah, (tunah chuan an khaw hmun hluiah) hetiang lungphun hi a tam em em mai. Heihi an khaw Lal lungphun a nih loh pawh in, Thangchhuahpa lungphun chu a ni ngei ang. Hmanlai ro chi hrang hrang te, sa-lu chi hrang hrang te, rallu tam tak te, lungah hian ker chuai a ni. Hawrawp mumal a la awmlo a ni ngei ang a, an lungphun hi milem hmangin an ker a ni.
Click pic for larger size He hmun hi ‘Kawtchhuah Ropui’ ti a sawi a ni. He Kawtchhuah hian Burma rama ‘Len Tlang’ a pawh a. He Kawtchhuah rawn lut tur hian a kalkawng hi lung a inphah vek a, heng kalkawng chhuat lung inphah te hi tunah chuan leiin chhilh tawh mahse, laihlan theih vekin a la awm a ni awm e. Tunhma chuan Mizote hi in-run mi kan nih avangin hetia an khaw rawn run tur lo channan, ‘Ral-ven-puk’, hemi ‘Kawtchhuah Ropui’ chung lawkah hian a awm a. Heng puk te hi, lungpheka in hung chhuak vek anni. Mahse tunah chuan heng lungphek te hi an bo thlau zo tawh a ni. Ral nena indo/inbeih dawn chuan hriamhrei hi thil pawimawh hmasa ber te zing ami a ni a. Hriamhlei chherna ‘Pum’ hmun chu helai hi a ni a. Hrangchala (Phawthira nunaupa) Pum hmun a ni. Mahse tunah chuan leiin a lo chhilh deuh tawh a, feet hnih khat zuk hai chuan, meihawl pawh a la awm teuh niin a khaw mi te chuan an sawi… Liandova leh Tuaisiala chanchin kan hre theuh anga. Helai hmunah hian, Tuaisiala, a rawn Thlangtla chu, Vangchhia khaw tlangval ten an lo Buan hlum, an ti. Vangchhia-ah hian tlangval hmeltha leh lar em em mai, ‘Laituma’ a awm a. An khaw nula te chu a thei deuh vek a sawi a ni. Hemi puk hi a RV ni a sawi a ni a, a luhna hi chu a kua a te deuh na in, a chhungah hi chuan patling 10 rual a mut theih a ni.. An khaw Lal-in Laituma luck dan fiah a duh a, Laituma chu an khaw feh kawng, kawngbula Bung zar du maiah chuan paikawng a fangra nen a thut tir a, feh lokal, hmeichhia te em-ah chuan fangra chu lo thlak zel turin a ti a. An Lalnu emah pawh fangra chu a lo tla ve a ni awm e. Hei vang hian an Lalpa chuan, Sangha tlang vuaknaah Laituma chu lungin a den hlum tir. Hemi li hi an khaw hnuai, Tiau luiah a awm. Laituma’n feh ho a lo channa Bung chu hei hi ni a sawi a ni. Vangchhia hian Reserved Forest an nei tha a, hetiang thingkung, Chhura rual niawm tak tak hi a la awm teuh a ni. Vangchhia a kan kalna hmun tur te min kawhhmuhtu a nih hi.. Bajaj Pulsar 200 Help!!!Bajaj Pulsar 200 hi ka nei a, nimin khan bank ah kal nan ka hmang a, nidangah pawh awm ngai lo leh ka kal lam pawh a awm miah lo, ka haw lam chuan a miss ta sulh sulh mai, Car 1 ka overtake a ka overtake fel chiah tih vel ah a rawn miss leh rauh sia, zahtlak bak ah hlauhawm khawp mai. Ti chuan miss sulh sulh chung chuan in chu ka thleng thei hram. Kan nu nen chawhnu ah chhuah lawk na tur a awm a,kal kan tum chu, a THI zel ta mai, Start chu a Start tha ltk, slow running pawh a tha khawp mai, mahse accelerator kan pump khan 200/300 rpm pawh a thlen hma in thih a tum zel ta mai si, helmet pawm trun in Auto ah kan chuan phah!!! Misual ho hi Bikers in awm ve ka ring tlat, khawngaih in min han tranpui teh u! |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment