mi(sual).com - 6 new articles

 

Here are the latest updates for khovelthuthang.khovelthuthang@blogger.com "mi(sual).com" - 6 new articles Ka thenawm te!! Web Phek Siamna Hringnun zirlai Valentines' Countdown-ah V-King leh V-Queen iPhone Just another M-book on the Wall… More Recent Articles Search mi(sual).com Ka thenawm te!! He mi te inhau hian tukin chu mi ti harh hlawl mai a,  misual thiante ka han share ve teh ang che u Click here to view the embedded video. • Email to a friend • Article Search • Related • View comments • Track comments • • Web Phek Siamna A tre a trening lo tan leh kut hlei ve hrim hrim tan he Web Phek Siamna hi — te bawk si, mawlmang bawk si, awlsam bawk si, nalh ve reuh bawk si, file support ngah bawk si’ a lawmawm tlat! Keini ang mimawl eng Computer tawng mah thiam ve lo tan pawh a ti ve zut zut theih. Extension File a support ho chu — (.asp)Active Server Pages, (.bat)Batch Files, (.c)C Language file format, (.cfm)ColdFusion Markup File, (.cgi)Common Gateway Interface Script, (.cpp)C++ (File format), (.css)Cascading Style Sheets, (.dhtml)Dynamic Hypertext Markup Language,(.diz)Description in zip file,(.h) Header(Usually C Compiler file format, (.htm)Hypertext Markup, (.html)Hypertext Markup Language, (.ini)Initialization/Configuration file,(.js)JavaScript, (.mak)Make file/Visual C++ project file, (.nfo) Folio infobase/Novell Netware Folio help format, (.pas)Delphi unit source file/Delphi Pascal backup file, (.php) Hypertext Preprocessor, (.php3)Hypertext Preprocessor3, (.pl)Interleaf printerleaf (or WorldView) format/Perl script language source code file, (.sfv)Simple File Verification file, (.shtm)Server-side HTM, (.shtml)Server-side HTML, (.tcl)Tool Command Language, (.txt)Text file. • Email to a friend • Article Search • Related • View comments • Track comments • • Hringnun zirlai Hringnun hi zirchian hman lohin a liam vut vut mai a, hriatchian hman loh khawpin nundan a danglam chak a, vawiin hi nimin a lo ni a, nimin hi hmanni a lo ni a, hmanni hi hmanlai a chang zung zung mai zawng a nih hi mawle! He hringnunah hian zir tur hi a va tam em? Zirtawpni thleng hman loin Thawhlehna beiseiin thlan khurah kan invui liam mek zel bawk a!He hringnun chhukchho, buaina leh harsatna ten a bawm khahah hian hringnuna pawimawh nia ka hriat hi tuma’n an hre ve lo ang chu ka ti ngam lo! Anmahni ni ve ta ila : Mi reng reng kan sawisel hma hian anmahni ni ve ta ila tih hi ngaihtuah hmasa phawt thin ila. I tan chuan zuin loh hi a har lo mai thei, i hmaah eng anga tam pawh inchhawp se i chil a ti put lo mai thei. Mahse, YMA, KTP hruaitu thenkhat tan pawh do har tak a ni ve thei tho! Mi tuin emaw ruk a ru a, tual a that a, mi a pawngsual a, a eiru a…. i dem em em, i haw ngawih ngawih, mihring pangai i ni, i rulru puthmang kha a dik chiah. Mahse, heti zawng hian aw… Anmahni ni ve ta la, engtin nge i tih ang? Engvangin nge i ruk, Engvangin nge tual i thah, engvanginnge i eiruk. A chhan leh vang ngaihtuah rawh? I ngaihdan hmasa kha i thlak daih mai thei a nia! A small leak will sink a great ship : “Thil pawp tereuhte hian lawng ropui tak pawh a ti pil thei” tih hi theihnghilh ngai suh. Thil tereuhte i tih hian i nun pumpui a ti chhe thei tih hi hre reng la, i thil tih leh sawi reng rengah ngaihtuah chiang hmasa lo chuan engmah ti ngai suh ang che. Inlak pa nan emaw inlak changkan nana zu no khat i lem ve puat hian zu ngawlveiah a chhuah thei che tih hi theihnghilh ngai suh ang che. Engtin emawa i awm lai phone camera-a i thla i lak zeuh hian i nun zawng zawnga tichhe thei! Mihring ve tho an ni : Famkimlo Mihring kan nih avangin kan mihringpuite tlinlohnaah ngaihdam kan inpeih reng tur a ni. Sunday School zirtirtu zuin i hria, Kohhran hruaitu vantlang ram nek pawh i hria. I sawisel hmain heihi ngaihtuah phawt teh. Mihring ve tho an ni a, tisual ve thei tho an ni tih hi ngaihtuah phawt thin ang che. I u leh nau, i nu leh pa, i thawhpui, i ngaihzawngte pawh mihring ve tho an nih avangin hringnuna an tlinlohna lai lo lang awm thinah hian ‘mihring ve tho an ni’ tih hi theihnghilh ngai suh ang che. Vawikhat chiah piang dawn : Mitthi tholeh emaw Hindu sakhua betute kan nih ngawt loh chuan vawikhat chiah kan piang ang a, vawi khat chiah kan thi ang. Khawvel hian engtin nge min hre reng se kan duh? A tha lam zawngin nge a chhe lam zawngin? Chu chhanna chu i thu thu a ni e. Chhehvel hnehtu nge i nih dawn chhel velin a hneh? Living well is the best revenge : Hmeithai fa i ni mai thei, khawsak harsa tak leh chhungkaw ropui lo tak atanga rawn piangchhuak pawh niin, Mi hmuhsitna leh tawngkam dengkhawng tak takte pawh i lo dawng tawh pawh ni teh se. Tin, duhsakna leh vanneihnate pawh hi i tan vana rah ang te pawh a ni mahna! Chung zawng zawng hmaa hnehna hlado i chham theihna chu “Living well is the best revenge” hi a ni. Mihring zah rawh : Khawvel mihring hei zat zingah hian inang hi tumah zuk han awm miah loa, mak ve tak chu a ni. Ama anpuia siamte kha kan ni miau alawm! Chuti khawpa pawimawh leh hlu i mihringpuite hi zahna chang hria ang che. Mihring reng reng hi a reithei emaw a zir sang lo emaw a fel emaw a sual emaw pawh nise Pathian-in a duhtaka a siam mihring a nih miau avangin “ZAHNA” kan pe tur a ni. Rannung leh ransa mai mai kan ni lo. Mihring pakhat avangin ram a dingchhuak thei a, a tluchhe thei asin! Midangte tan : He hringnun zirlaia pawimawh tak pakhat chu “Midangte tana tangkaina” neih ve hi a ni. Chhehvela awmte tana hnawksak nge kan nih thlamuanpuiawm tih kan inngaihtuah fo pawh hi a fuh hle ang! Hringnun hian mahni tana tangkai thei ang bera hun hmang turin min ti a, chutih lai mek chuan ‘midangte tana tangkaina‘ neih ve theih hi a va hlu lawi si em! • Email to a friend • Article Search • Related • View comments • Track comments • • Valentines' Countdown-ah V-King leh V-Queen Valentines' Day tun kum chu Sunday a nih thu kan sawi fo tawh. Mahse Event Solutions chuan intihhlimna kutpui a hma zan 13th February ah a buatsaih dawn tih pawh kan hre tawh. Khawiah maw? Valley View, Phungchawngah. Zan dar 8 atanga tan a ni dawn a. Kum danga kan neih ngai loh angin Valentines' Countdown kan nei dawn a nih chu. Kumhlui thalh zan ang chiahin kan hmang anga, a tuka Valentines' Day lo theng tur kan ur ang. ..3..2..1 V-Day kan ti rual dawn a nih chu. Valentines' Day vawi khat i urlawkna tur a ni ngei ang. Valentines' King leh Valentines' Queen thlan tur a ni dawn, criteria vak a awm lo, laichhuat chhir rei peih leh a zei ber a ni mai. Simon Cowell leh Randy a te zawng endik turin an thu lovang. Lawmman te pawh a awm ve ang chu. DJ lam sep ang. DJ Andrue hi DJ Factory, Defence Colony, Delhi a zirchhuak a ni a, Mizo-ah chuan professional DJ awmchhun a ni. Kum 10 dawn lai Delhi tlangah club hran hranah a play tawh a, Aizawl lamah rawn chhoin tunah hian Ritz Hotel ah Resident DJ in a awm mek a ni. Music pawh 80' atanga tunlai ber thlengin a khawih thei vek. Mipui kan fing tawh DJ chuan bungrua a neih that a ngai. DJ tam zawk chuan computer software an hmang tlangpui a, DJ Andrue hian high end professional DJ console ngat a hmang thin a, console nei tha ber a ni nghe nghe. Ticket man hi Stag Rs 300 a ni anga, Couple tan Rs 500 a ni bawk ang. Valley View hi resort dang aiin Aizawl atangin a hnai a, ke pali nei lo tan pawh bike a tlan phak lek a ni a thlen zung zung theih a ni a, a hnai na chungin a hmun a fianrial phian si a ni. Engtin nge ni ta ang le……. • Email to a friend • Article Search • Related • View comments • Track comments • • iPhone iPhone 3GS hi apple.com (US Website) ah hian $199 chauh mai ani a, india pawisa a chantir chuan Rs.10,000 a tlinglo deuh chauh mai a ni a. India ah Rs. 50,000 chuang daih a ni mai si a. US ami hi India ah hian a hman ve mai theih ang em le? Nge thil enge maw siam that angai bik? Nge website man leh a taka man a in ang lo? Hria in awm mial em le? • Email to a friend • Article Search • Related • View comments • Track comments • • Just another M-book on the Wall… M-Book hi kan han edit leh mai mai a, kan khawihlohna a rei leh tawh bawka… A sir ah PDF version chu in en thei reng a nia. Chuan a hnuaiah slideshare hmangin kan embed bawk e. Commenting leh Posting guidelines te kan dah a, bakah admin hna vacancy chung chang te. The M Book Slideshare hi a lo tangkai riau maia, hemi platform hmang hian thil dang tih theih te pawh kan ngaihtuah mek e. A chunga mi khi a font in hmuh chiang vak theihloh chuan “screen maximize” mai ru. A in load chhung pawh a reilo khawp mai. • Email to a friend • Article Search • Related • View comments • Track comments • • More Recent Articles Pawisa lo sem ve rawh u. Ka Pi hi Ka Ngaisang a nia! TIHIAN KA NGAIHTUAH

---

Click here to safely unsubscribe now from "mi(sual).com" or change your subscription or subscribe

---

 

---

Unsubscribe from all current and future newsletters powered by FeedBlitz

---

Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498