"mi(sual).com" - 10 new articles
Tunlai Aizawl
“Tunlai Aizawl” ti loin, “Tunlai Zoram” tih tur a ni zawk mah. Sawi tur a tam, ziakin a sei dawn si… A lem-in ka rawn dah tawp. Zarzokima thattu 2 man belhNikum November ni 13-a Bungthuam tlangval Zarzokima kaphlumtu ni ngeia hriat Tuikuk 6 chu Mizoram Special Investigation Team chuan an man ta a, midangte pawh zawn zui mek zel an ni. Zarzokima thattute hi man turin Mizoram sorkar chuan Special Investigation Team (SIT) dinin, mi 6 an man tawh zinga an man hnuhnung pahnihte zinga pakhat Barsila (23) s/o Talmawi, Khakchang, Tripura chu Damchera leh Kanhmun inrina bulah man a ni a. Zirtawpni khan Tripura Police ten Dharmanagar (Tripura)-ah midang pakhat an man leh bawk. Special Investigation Team hriat dan chuan Zarzokima thattute kha mi 8 an ni a, a meizang hlaptu ber (kingpin) chu Zirtawpni khan man ngei an inbeisei laiin, Kanchanpur (Tripura)-ah an man thelh hlauh nia hriat a ni. He pa hi SIT te hian an hrechiang thawkhat tawh a, man thuai theih beiseina a lian hle tih thudawnna chuan a sawi. Hemi bakah hian midang pakhat man tul an la awm bawk. Zarzokima thattute man kawngah hian a thattu nia hriat Tuikukte chettlatna hmun hi state pawn lam a nih avangin duh angin Mizoram Police te tan chet zung zung a harsa deuha sawi a ni a. Ningani-a an mi man Barsila hi Aizawl thlenpui tawh a ni a, Aizawl Police Thana-ah thu zawhfiah tura kawl a ni a, Central Jail lamah thawnliam thuai a nih a rinawm, thudawnna chuan a ti. Tripura Police ten Zirtawpni-a an lo man chu Mizoram Police ten Zoram lamah lak tumin Production Warrant nen an thang mek nia hriat a ni. Zarzokima thattu nia hriat SIT-in an man tawhte chu 1.Vanlalfela (36) s/o Taitea (L), Tuirum 2.Chusarai @ Lalrinfela (32) s/oBonarai, Tuipuibari 3.Lalthazuala @ Yakcho/Orno (28) 4. R.Laldawngliana s/o Ranguna (L), Meidum 5. Barsila (23) s/o Talmawi, Khakchang 6. Tripura Police te man, SIT-in an lam mek
Millennium Babel Insang piah lam ramah..!(Khaw pahnih inang lo tak chanchin ka hrilh tur che hi suangtuahna mitthla thil mai a ni a. A tak tak ang hi a lo awm palh hlauh a nih pawhin ngaihbel kher tur a ni lovang.!) Ram pakhat chuan Pathian zawnchhuah ram tiin an in chhal thin a. Mahse, chu ramah chuan hri tinreng vei – rinawm lohna hrite, corruption hrite leh duhamna hri veite hi an kat nawk thung si a. Chu ram chhungah chuan ram pahnih inkhuanrual lo zet mai an awm a. Chu chu Millenium khawpui ropui em em mai leh a piahlam ram te an ni. A ram pum atanga chhut chuan Millenium khawpuia chengte chu mi tlemte an ni, a piahlam ram te chuan za-a –sawmsarih zet an awh thung a ni. He ram pahnih a chengte hi hnam khat, sakhaw thuhmun vuan an ni nain, an tawngkam hman duh zawng chang a hrang lova, kutdawh ram cheng theuh theuh an dinhmun leh khawsak phung hrang a hrang a. A thu chuan, an ram rorelna kalphung chu mipui tam zawk duhdan hmanga kal a ni. Mahse, mipui tam zawkte dinhmun hi engtik lai mahin a tha ngai thei si lo hi a mak ber zawk chu a ni. Millenium khawpuiah hian engkim a awm a, awm lo reng reng a awm lo. Roreltute, sumdawng, mi hausa leh thil ti thei tawh phawtte awmkhawmna hmun a ni. An rama ziaktu lar, khawtlang pawl lian ber berte leh sakhaw lian ber vuantute pawh he hmunah bawk hian an awm a. An ram roreltute tihlohah chuan thu nei ber ber an ni. Hetianga mi an tawmkhawm tam em avang hian millenium khua chu a tawt tak zet tawh a. Heti chung hian engkim an ek beng reng a, beng luh belh tur an la melh reng tho va. He khua ami te hi eizawnna bakah hausakna leh hlawk zel duhin, in peipung reng rengin an buai nitin a. Mimal Inte pawh chu London kawtthler a awm a tan pawh zahpuiawm lo tak tak thiau a ni hlawm a. Chung in ropui tak tak sa tur chuan, Nu leh pa te'n theihtawp chhuahin an talent hmangin a remchanna hmun apiang atangin sum an hailut a. Chu khawvelah chuan sum thianghlim leh thianghlim lo a awm lova, a tawpah chuan sum vek tho a ni. Thenkhat chuan an Inchhung te chu, phairam atang a chahchhuah, a tha ber ber chi hlirin an thuam mawi a. He khaw kawtthler kawngkam tinah chuan show room, clinic, cyber café leh restaurant etc a ding tlar fur a. Chung hmun te chu silh leh fen tha ber ber inbel ho ten an luahlum nitin thin a ni. An khaw thalaite chuan TV mai ni lo, Internet, cyber tih tawngkam an sawi ri ve sek tawh a. Thenkhat inti fing var zual deuh phei chuan globalization tih tawngkamte pawh an hmang ve hial tawh nghe nghe a. Zirna in-school tha tak tak leh hospital hmanraw changkang tinreng a awm a. An naupang te chuan ramchhung leh ram pawnah zirna tha ber ber an dawng thei a. An dam loh nikhuaah pawh inenkawlna tur damdawi In tha an nei a. Ram pawn thlengin boruakah an thlawk chhuak zung zung thei thin a ni. He millenium khawpuia chengte zingah hian an piah lam ramte dinhmun hrethiam phak chu mi tlemte an ni. Hrethiam chhunte pawhin ngawih an chuh mai thin. Millenium khawpuia mite chuan an piahlam ram chanchin ai chuan khawmual pui dang a mi, Brat Pitt-a te, Angelina Jolie-te, Jenifer Lopez-te hun hman dan hi an bengkhawn ber zawk a. He khaw nu ho tawngkamah chuan rangkachak leh Bangkok tih a ri zing tial tial a. Rangkachak thi lian pui pui awrh thin te hmelah chuan nui hmel hmuh tur erawh a khat tial tial si a ni. He khawpuia khawsate hian duh tawk tih reng an nei ngai lova. Lungawi aiin lungawi lo an tam a. Dil an taima a, pekchhuah erawh an uar si lo, an tihtur leh mawhphurna ai chuan an dikna an hre bel hle a. An dikna leh chanvo humhalh hmachhuanin pawl tinreng an in din siak a. Chaw nghei meuhin sorkar hnathawk leh pawl hrang hrang an nuar tlut tlut a. Sorkar Pisa-ah te chuan therhlo ilo beiseiin patling piantha pui pui hi an kal ni tin a. Pangpar ching tak tak lem lo te, vawk vulh lem lo te, sangha dil nei lem lo te paw'n heng ho tanpuina tur pawisa it hian an lo tlan khalh duai duai thin a. A thlawn a hmuh tur a awm dah lawm ni tiin an hmanhlel em em vek a. Thenkhat phei chuan pawisa hmuhtheihna a nih dawn a vangin, an sakhaw vawn lai meuh hnawlin Hindu Sakhaw-ah inthawina an lo hlan mek bawk. He khuaah hian sakhaw temple ropui tak tak a ding fur hlawm a. A cheimawi lamah inelna a nasat em avangin chung temple-te chu mawi theihpatawpa cheimawi vek an ni. A chhuatphah atan pawh sailungvar manto chi hman a ni a. A thutna turdah te chuan thil dup dah vek a ni. Mipui thutna hmalama dawhsanah te chu ropui leh mawi taka chei vek a ni. He inah hian he khawpuia hri tha lo tak tak veite chuan an thawmhnaw tha ber ber nen an sual tlengfai turin chawlhni tin an rawn kalkhawm thin a ni. Kawng hrang hrang hmanga an sum lakluhte chu he temple- thawmlawm bawmah chuan an rawn chhunglut thin a ni. He ram hausakna, hmang tangkai ber tu chu heng temple-te hi an ni tih chu I hre tawh mai awm e. He khawpui lai takah hian "Duham run" an tih mai chu a ding vun bawk a. Hetiang run hi he rama roreltu ho ten an neih ngei ngei thin chu a ni. Chu run chuan thil tih theihna nasa em em mai a nei a. He run mawina leh thil tihtheihna tarlang tur hian pindan pawn lamah te chuan thenkhat chu lo zaikhawm hial thin bawk. Ram lalte leh an thuihruaite chuan he hmun atang hian duhsak zawngte hnenah thil an semchhuak chur chur thin a ni. Chu thil thlawn pek chang tur chuan ram lal chhungkhat leh laina hnai nih erawh a ngai thin. He Millenium khawpuiah hian chatuan rorel hun nghak thleng turin Millenium Babel insang ropui tak sak a ni a. Chu in sang chu a ropui em em a, he ramah hian a tluka in ropui reng ala awm ngai hauh lo. Chu in chhung chu sumdawnna hmun pui, sumdawng mi ten an sum an peipunna hmun tur chu a ni. A hmingthan em avang chuan a chhehvel khua atangin a tlawh turin mipui an rawn kal hial thin a ni. Hetiang reng reng a Millenium khawpuia mi te'n hun an hman ral lai hian a piah lam ramah ve thung chuan awm reng reng hi a awm ve lova. Millenium khawpui nen an inkalpawhna khaw kar kawngte chu register buah chauh lo chuan "Metal road" ala ni ve lova. Vanneihthlak takin an khaw dawrkai hlun chuan SUMO hlui tawh lam hi a lei ve ta mial a. Chu sumo hmang chuan an khua leh millenium khawpui inkar inkalpawhna chu a awm ve theih phah ta a ni. Ticket an han siam ve taknain, thenkhat chuan chuanman an nei ngai reng lova, a then chuan an ba a, thenkhat chuan tha in an rul ve leh mai thin a ni. An khaw dawrkai pa hi a inhawng zau ve teh a sin. He sumo-ah hian seat hran a awm chuang lova, tar deuh thutna nuamah an thu a, tlangval deuh remchang apiangah an thu mai thin a ni. An khaw tana 'tam tanpuina' tur pawh a lo kalna a hlat em avangin millenium khawpui bul velah hian kawng a bo hnu phei chuan an harsa leh zual a. He khuaah hian chanchinbu reng a awm lova, an khaw Lalin Millenium khawpui a zin tuma chanchinbu a rawn hum hawn bak kha hmuh tur reng a awm lo. Chu chanchinbuah chuan Millenium khawpuia "Thlam ropui tak chanchin" in ziakte chu zawrh hnap khawpin an khaw pa ho ten an chhiar tawh a. An ni chuan chenna tur tha pawh an neih loh laia, chenna tur pawh ni hauh lo, an ram Lalte leh an chhungkua te nuam tawlna tur thlam ropui sak a nih chhan chu an hrethiam pha chuang lo. Lungawi takin thlam ropui tak chanchin chu an thiante an hrilh chhawng ve leh dawn a ni. An khua a school awm chhunah hian 'a thu' chuan zirtirtu tha tak tak an awm a. Mahse, heng millenium khawpui leh khawpui dang (Saikuti khawpui, Kawla Chief khuate, Ariopaki khua, Sial Ha khua, etc) atanga zirtirtu te hian zirlai naupang hnenah thlakhat home work an pe a. An haw san leh mai thin a ni. An khaw naupang thiam thei zual tan pawh 3rd class hi an phak tawk a ni ta mai reng a ni. An khaw sumdawng hausa pa anga, mahni fate Millenium khawpui Schoola thawnliam vek theih lah a ni si lo. Dam loh nikhua inghahna tlak hospital an la nei mumal hi a buaithlak ber chu a ni. He ram roreltu zinga khawnbawl Upa, Pu Thingtlanghmangaiha chuan kum 10 vel kaltaah khan pek a lo tiam daih tawh a. Mahse, tunthleng hian dawhtheih takin an la nghak ta zel rih a ni. Vanneihthlak takin kar hmasa lawk khan sub-centre ang hi an rawn hawng ve ta mial a. An khaw enkawltu "thingtlang roreltu" in theihtawpa tak meuha 'duham run' kaltlanga a sawi chhuah ve a ni. A lawm nan vantlang ruai pawh an siam nghe nghe tawh a ni. A enkawl tur hian an khaw lehkhathiam chhuanvawr health woker training zo hlim chuan a dil nghal ta vat a. Mahse, he pa hian Duham run atangin NET certificate alo neih loh avangin millenium khawpui atangin mi pakhat an rawn dah a. he khua hi a rawn awm chilh chiah lo nain, a rawn tlawh ve zeuh thin a vangin dam loh/hritlan nikhuah pawhin a ziaawm ta deuh a. He sub-centre- tangkaina em em chu; 'tinreng damdawi'- paracetamol an semchhuak thin hi a ni. Damdawi dang a awm miau loh avangin an dam pui ve leh mai thin bawk. Thenkhat phei chuan an ngeih leh lutuk a, mu chunga millenium khawpui lam an pan a tul hial thin. An khaw sumo a awm a chin chu, hmanlai anga inzawn luk luk em chu a ngai tawh bik lo avangin an thawven phah hle a ni. Millenium doctor-te thiam bak, Kansar vei an lo awm palh hlauh chuan phai rampur lam pan an lo ngai a. Mahse, cheng nuai tam senga ram pawn kal chu an tan a theih ngang lova. Mahni inlumah thih hun nghak turin an kir leh mai thin a ni. He khuaah hian tui In tur tha PHE pipe kaltlang hmuh tur ala awm lova, amaherawhchu Khuannu in tui thianghlim tak tak a pek chuan an mamawh khawp a phuhruk ve hram thin. Mahse, an khaw naupang hnarah bawng hlit a lo luh palh hi chuan a buaithlak thei khawp mai. An khaw pitar, zutdam thiam leh ramhmul damdawi hre zet mai – Pi Dawktari chuan chaicheh nen chu sai hlit puar lian zet chu a chehchhuah sak fo a ngai thin a ni. An khuah hian electric light en zan leh enloh zan hi a inzat tawk vel chiah a. An khaw sumdawng hausa leh an khaw Lal hian an vaihlo tharchhuah atangin Imbaltal an lei a. Hemi te chiah hi eng nei tha deuh awm chhun chu a ni. Hemi hnu lawk hian an khaw Roreltu hian tuikhur a siamna atanga a hlepchhuah ngatin Baalma sumdawng ho zawrh VCD leh TV a lei a. An khaw sumo driver hian a thiante hnen atangin Millenium khawpuia Local Cable Network pakhat Zawngnep ho siamchhuah CD Kaset hi ava hawh chhuak ve thei mial thin a. An khaw sumo driver rawn hawn zan hi chuan a khaw nawtin enturin an rawn pung khawm thin a ni. Millenium khawpui atanga siamchhuah, khawthlang lam rimnan thiau – Mal zai leh chham zuah zuah zaite chu mittla lo chauhin an lo thlir ve thin a ni. An khaw pitar thenkhat chuan, anuraka leh preena te tan pawh an lo tawngtai hial thin reng a ni. He khaw dai fem deuhah chuan Dap in, a chung di hi a lo ding awn ve bai a. Dik tak chuan, he In tlawmte hi Millenium khawpuia chengte ranvulh dahna ai maha dawrawm tawh zawk tur hi a ni. Millenium khawpuia atanga va kal ve zeuhte pawhin mihring chenna a ni lo emaw an ti hial thin reng a ni. In ropui tak ni lo mahse, a chhungah hian chhungkaw pakhat, mahni neih ang tawk chiaha khawsa, mahni thawhchhuah dik tak la thin an khawsa ve a. Isua kha rawn piang nawn leh dawn sela chuan Millenium khawpuia concrete building chhungah te, thenkhat thlam ropui tak tak chhungah te ni lovin, he in tlawm tak chhungah hian a ni mahna! Millenium khawpuia khawsa mi thenkhatte ang chu nise, concrete building chhungah remote control an hmet ve zeih zeih mai tur hi a ni. Mahse, an tan chuan hei hi vana rah ang a ni. He in a khawsa mek nu leh pa ber chuan an chhungkaw chawmna tur atan a sur-a-sa hnuaiah nitin loah an feh thin a. An feh loh ni deuh chuan inhlawhna tur an dap kual reng bawk a. Sorkar lakah an nuar ve hman lova, nikhat pawh an tan chuan a uihawm lua a ni. An fate pahnih la naupang tak tak te chu an khaw school-ah chuan an kal tir ve thin a. An ni nupa lo lamah an feh hlan chuan an fate chu an mahni awm awm a, an lo awm mai a ngai thin. An fa U zawk chu la naupang hle mahse, chawchhum a lo thiam reuh a. A nu leh pa tan chuan phurchhawktu tha tak a ni. An nu leh pa fate hian an fate hi lehkhathiam ni ve ngei se an duh a. Zan mutnaah pawh vawi duai lo an lo sawi dun thin tawh a ni. Mahse, he khawvel atang hian eng dimhmunah nge an thlen dawn tih tuma hriat a ni lo. Mahse, khawvel mi ropui tak tak leh he rama mi chhuanvawrte ngei zingah pawh tunhma chuan pheikhawk pawh bun pha lo an tam em mai. Chung mi ten hlawhtlinna an chan theih chuan he naupangte tan pawh Khuannu hian kawng a ruat lo bik dawn em ni? Zanriah ei hun a ni leh tawh a. Dawhkan hman tur an nei lova, chhuatah chuan an chawhmeh neichhun chu a chawhmeh bel chawpin an han chhawp a. Pa ber chuan uluk takin tawngtaina a han nei phawt a, an chhungkaw dinhmun anga ding chung pawhin tih takzetin lawmthu a han sawi a. Chaw chu an han bar tan ta a. Fa U zawk chuan, zan danga a zawhna ngai bawk "ka pa Millenium khawpuiah chuan engtik nge ka zin ang" a han ti leh a. A pa chuan, "tunah chuan kan rethei rih em mai…"taima takin lehkha zir ula, engtikah emaw chuan millenium Babel insang chu ila hmu dawn nia" tiin a han chhang a. "A pa…Millenium khawpuia mite chuan khawi atangin pawisa an nei bik le!" Ka hre bik lo….Nu zawk chuan "tha takin lehkha an zir a..pawisa an hlawhchhuak mai alawm.." "Ka thian ten Babel Insang chhungah chuan inchung lama chuanna thil tawlh thei a awm an ti..ka chuang ve chak eeee" …Fa te zawk chuan, 'a paaa…i zin leh hunah min hruai ve rawh aw…mate, chaw kha ei phawt mai rawh…!! Ka pa zaninah hian kan khaw Lal inah TV kan en thei angem? "Kan khaw sumo driver zin hawngin Zawngnep cassette CD alo hawn thar an ti." Miramchhani leh Vanlalhnaisailova lem chang thiam deuh deuh an awm an ti…! Ni lo ve, in kal zing lutuk…Lal nupui sawn a ning tawh ang che u…! A teuh lo em mai….midang pawh an awm tho a lawm..!! Nu ber chuan, 'zanin chu kal lo mai rawh u….i pa kha millenium babel insang chanchin zawt leh zawk mai rawh u…!' An ti ti nek nek a, chaw chu an eikham ve ta mai a. Fa u zawk chuan a thiam ang tawkin thleng chu a han sil thuak thuak a. Tapchhak bulah chuan, fa u zawk pa mal chungah..fa nau zawk nu malchungah…Millenium Babel insang chanchin chu an sawi chhun zawm leh ta a. Millenium Babel insang, a dung..hlam…chuti zat.. a vang lam…hlam..(chuti zat)…! A pa ka'n len hunah chuan kan la kal ve ang ti raw? Tehreng mai..! Thuawih takin in awm anga, tin, lehkha tha takin in zir bawk anga..millenium khawpuiah chuan i nu nen hian min la hruai ve zawk dawn alawm…! Ka pa kan kal ve thei tak tak ang maw..? A pa chuan "Ka hre lo…in awm dan tur chu Pathian chauhin a hria…!!a ti chuai ta raih a. An mut a chhuak ta riai riai a, a pa thusawi reng lai chuan millenium babel insang ropui tur zia leh an kal theih hun tur ngaihtuah chung chuan an muhil ta siai siai a. He naupang pahnihte hian Millenium Babel insang chauh ni lovin, London Brides-te, Eifel Tower-te, St.Peterburg, Rome khawpuite an hmuh theih ngei hi ka tawngtaina a ni. I thei hram anih chuan i lo tawngtai pui ve thin dawn nia! Computer Virus ka kai ve a!
Thenkhatin eizawn nan te kan hmanga, hnathawh nan te kan hmanga, thenkhatin games khelh nan te, music ngaihthlak nan te, movies en nan te, Internet browse nan te leh kan duhzawng download nan te kan lo hmang ta thliah thliah hlawm mai… Thian tha te hnen atang te, Office atang te leh hmun dang dang atangin kan duhzawng te kan copy chhawnga, kan khawlah te kan han thun ve a, Antivirus neih that loh phei chuan Virus, Trojan, Worms, Spyware, Malware, Adware, etc. te kan khawlah alo kai phah a, kan buai thin hle anih kha. Chutianga kan khawl a lo buai tak chuan tih that leh tumin kawng hrang hrang kan dap a, kan rilru nasa takin kan senga, sum leh pai thlengin kan seng thin a. Kan vanneih hlauh phei chuan kan thil pawimawh leh ui em em te kan recover leh thei hram thin. Vanduai erawh chuan chuti hlauh!! Keipawh Computer hi mi te angin thiam tak nilo mah ila eizawn nan taka ka hman ber alo ni ta! Zing thawh hlim atanga, zan mut dawn thleng hian computer hmaah kumtluan deuhthaw in ka thu chu a ni ta ber e! Hetianga Physical Fitness lampang ngaihtuah lek lova computer hmaa ka thut thinna chuan khua reiah ka taksaah insawiselna neuh neuh a lo siam tan ta a. Mit (Eye) na te, mit thip te, mittui tla vak vak te, lu na, luhai, ban (hands) na te, kawng na te, nghawng na, etc. te kalo nei ta nual maia… Doctor te rawn kualin ka in entir ve zak zak thina. ka mit leh lu natna bikah chuan Doctor chuan Computer Vision Syndrome anih hi minlo tih saka. Ka kawng na te, ka nghawng na te ah chuan Spondylosis te Osteophytes te min lo tih sak ta zela. Chutiang zelin a dang dang pawh medical term hming mak pui pui an sawi ta zela… Chutianga ka awm lai chuan tumkhat chu tihian ka ngaihtuah ta a… “COMPUTER VIRUS HI KA KHAWLAH CHAUH NILOVIN KEIMAH PAWH HIAN KALO KAI RENG MAI”, tih hi!! mi(sual) thiante u, nangni eng virus rus nge in kai ve le? Kei anga virus kai ve lo turin fimkhur turin ka han chah ve duh che u a ni e. Hei le, OT Huang Reloaded!Ha ha ha…(nghal ngawt a!). Ni e, thu khun leh tak pui pui khel reng pawh hi nun a ti pik a, hah a ti dam lo a, ninawm chang a awm thin. Kar tluanin thahnem ngai takin hna kan thawk a, a bikin Mizorama chengte ngat phei chuan Weekend-a han inkawmhlimna tur leh rilru thawveng taka intihhlimna hmunte kan nei lo hulhual a ni. Hringnunah hian hlim ni a awm a, lungngaih ni a awm. Nuih ni a awm a, tah ni a awm. Thutak hun a awm a, fiamthu hun a awm. Amah erawh chu, miin rilru leh ngaihtuahna tamtak senga an Post, fiamthu post ni silo angte a englai mai pawh a fiamthu thawh reng tum erawh a chhangchhiat thlak a, Cheng khat kha duli-ah kan inchhuah thei tih i hre reng ang u. Chutiang zelin In tih mi tak hun a awma, ho(h) hun a awm. Tunah i lo “Ho” ang u le…A ho thiam berin Pu Chawnghilh hnenah $1000, Comment 1st in Bawng lu, 2nd in Kel lu, 3rd in Ar lu Pu Shailendra hnenah 24 hrs. chhungin a lam theih anga, huntiam pelh hnuah sawibuai theih a ni lo. Lawngtlai DTO leh a behbawmLawngtlai hmuna District Tranport Officer Office hi misual ho hmuh atan ka han pho lang ve reng reng teh ang. DTO Lawngtlai hi kum 2007, Dec thla khan Lalbiaktluanga Khiangte IAS chuan a hawng a, an office hmun hma hi a la chang tlung lo em em a, a thawktu te tan pawh a hrehawm khawp in hmunhma leh office bungrua an nei chhia a, an hnathawh pawimawh zia mipui ten kan hriat ka ring. Lawngtlai ah chuan Transport Department(office) leh Taxation deuh chauh hi a tak tak a revenue chhunglut/ la lut awm chhun an nih ka ring a, chutiang ni si a, hetiang em em a sorkar in a ngaihsak lo hi chu an khawngaihthlak khawp mai. District Vigilance Committee lam te pawh hian sorkar in tlem tal a ngaihsak ve deuh theih nan hmala se a tha ngawt ang. DTO ah hian Server room , staff room leh mipui ten an dawr a, motor registration leh driving license etc. vel an pek chhuahna counter te awm ve mahse an room a tein a thawk te tan pawh ding chunga hnathawh te a ngai hial thin. District dang Serchhip te khi Lawngtlai mipui te hian kan el a, hma kan lak a hun tawh takzet ani. DTO Lawngtlai hi full time DTO an nei lo a, hei pawh hi nei tur a hmalak a tha khawp mai.
**** Kan ram siam that nan leh hmasawn zel duhna avanga post ani ***** Mizo band Stacy’s Penitence Channel V ah review an dawngStacy's Penitence – taking hardcore to another level! Posted by okakifreak 2nd February 2010 Just a couple of weeks back, my friend brought up this video by Stacy's Penitence on Youtube, insisting that I see it. The song's name is Veronica, and it can be quite deceiving at first. It started out all 'emo' and mellow, but around a minute into the song, it turned around and became this hardcore/screamo song that just took me by surprise! The production for the song is pretty neat; the guitar tones and vocals cut through really nicely, although I suspect they've programmed the drums using Fruity Loops. Still, it's an awesome attempt at making something professional, especially when you've got limited resources. The video appears to have been done on a pretty tight budget, but has been executed and edited really well. The room (probably a bedroom or jam room) they've shot the song in has everything from mosaic tiles and ceiling fans to skulls on the wall with glowing red eyes (at 2 mins 26 secs)! It's KVLT to the max!! Whoever has edited this video has clearly taken a lot of time and paid attention to detail, especially with the effects. All in all, this is some really killer s**t. I have to admit that it sounds a lot like the hundreds of other hardcore/screamo bands all over the world, but it's awesome for Indian standards. But don't take my word for it; check out the video for yourself. And if you want some more music, check out their Myspace page. Keep it up guys!! Skilled Work ForceIndia ram Economy thrang zel leh Construction Industry hmasawnna hi an kalkawp rial rial ani. Ram changkang Developed Countries kan tih ho-ah phei hi chuan an Economy thran zelna inghahna bulpui ber chu Infrastructure (hmasawnna ruhrel?) ropui tak an neihsa te hi an ni. Construction Industry hian nasa takin employement unskilled, semi-skilled leh skilled workers te tan a siam thrin. Hei hian lo-neih lama eizawn ringawt bakah hnathawh tur tamtakin a tipung ani. Construction Industry hi a Boom dawn chauh, a zuanin a zuang dawn ti ila kan sawisual tam lo ang. Tun dinhmunah hian heng construction kan ram chhunga awm mek-ah te hian keini Mizoram mi te hi kan tel tlem em em. Heng zarzo nasa leh zual tur hian road map kan siam a ngai, chak taka hmalak chhunzawm a trul bawk ang. Hmalakna tur tlem han tarlang ila – 1. ITI mumal tak trade chi hrang hrang zir theih na din vat a trul hle, chung zirna hmuna kan train chhuah te chuan Practical work an tih nan Mizoram chhunga Construction Industry zarzo tu te hnenah training neihpui nise. Heng ITI dinthar-ah hian ram-hmangaihna rilru nen tuna Govt of Mizoram hnuaia mithiam kan neih tamtak te hi Visiting Lecture pe turin ruahmanna siam ni bawk sela. 2. ITI level kal ve phak lo ho te tuai hriamnan Semi-skilled leh unskilled workers a threnin Vocational training centre mumal tak hawn thluah ni bawk sela. 3. A chunga kan sawi te’n an thawh tur hna an thiama an chhawrtlak ngei ani tih Certificate pek te chu Mizoram chhunga Construction Industry-a thawk mek te’n hnathawktu tur an lak thrin ah pawh duhsak bik dan ruahman ni bawk sela. Chumi piah lamah chuan Foreign leh India ram chhung hmun hrang hranga an thawh ve theihna tur kawng dap ni bawk sela. Naupang enkawl chungchangNikum lamah khan Aizawla school lar ve taka zirtirtu pakhat chawei ah kan sawm a, naupang admission chungchang te kan zawt a. Naupang hi kum li tling chin kan admit thin a, amaherawhchu vai naupang hi chu kum thum leh a chanve te pawh hi an fel viau zel a tih a sawi kher a. Ka ngaihtuahna a kal thuitir angreng khawp mai a. Zirtirtu kum engemaw zat tang tawh ania ka ai chuan a hre turah ka ngai si a. A thusawi hi dik ta sela enge a chhan ni ang tih ka ngaihtuah nasa mai a. Naupang hi kan chhawnchhaihin kan bawl nasa deuh em ni aw ka ti. An tawngfiah loh leh kan tawngfiahlo ve a, zeldin thu deuh an sawi leh a ai uar a sawipui kan chak a, naute ang mai a duat kan ching a. Kan thianpa pakhat in ‘ka fapa kumhnih mi la tawngfiah vaklo nen kan han inbe tak tak hi chu, ka fapa zawk hian, apa eng maw i sawi? min ti fo mai’ a tih te kha min ti hrechhuak rum rum mai. Naupang hi felfai takin bia ila, zawhna an neih te hrilhfiah peih ila, puitling deuh enkawlin enkawl ta ila anmahni tan a tha zawk anga ka ti deuh ani. School kal tan hma hauha Vai naupang tlukloh ringawt chu ka la na deuh tlat mai. Computer Remote Controller
He thil hi thla 5 ka hmang tawh. Computer a film en in a tangkai khawp mai. Driver a ngai lova, wireless keyboard, mouse ang deuh hian a thawk. Tun mai khan review ka chhiar leh a, Media Keyboard 2 Media Player(MK2MP) install chuan Play, Pause, Stop, Prev, Next button te hi chu ka hmang thei ta! Winamp pawh in control thei ang. DealExtreme ah cheng 500 man a ni. Thanks to Chhanga. Buaina Ka nei hran lo. A kal lo zeuh zeuh. A signal receiver USB port a connect tur a awm a, ka disconnect/connect chuan a tha mai. AAA battery a hmang, a heh lek lo. A tir a mi ka la hmang reng. |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment