"mi(sual).com" - 9 new articles
Khawmu chawi/ramhuai hruaiboDt.12/1/2010 thawhlehni chawhnu lam khan Thingsai naupang pahnih Mesak Laltlanchhuaha 16 s/o B.Lalsangpuia leh Zakapliana s/o Zahuaia te chu khua atanga km 3 vela hla khamhnuaia an thangthleng kam sut tura an kal chu palianpui chem seipui keng nia sawi chuan “kal rawh u,in kal loh chuan ka that ang che u”tiin ahruai ta a. Hemi zan hian luidung tiauphoah an riak a, nilaini ah Tuipui dung zawhthla in tlailamah Hnahthial Chanmari veng luiriak pu Rinsanga leh pu Thanzuala te an zuk fin a.Chaw te eiin an riak a, zankhuain an buk bul velah chuan a hruaitu chuan thawm anei a, atukzing dar 6-7 inkar velah pu Rinsanga te lenkhang en hlanin pa lianpui chuan kal turin ati leh a. Athur tlang lamah kalpui lehin chawhnu lamah a kalsan ta a.anni chuan pu Rinsanga te buk lam chu pan lehin dt 14 khan Hnahthial an rawn panpui ta ani.Hnahthial police ten damdawiinah a hri$elna an endik tir a,Thingsai atanga anmahni lo zawngtu ten an hruaichho ta ani. Calathea palaiin a kawm naah hemite hian Palianpui hian kekawr dum leh kawrvar hlui tawhlam a ha a.pheikhawk a bunlo. A samsei tak chuan a hmel ahliah tlat a,a changin an bulah a awma,achangin an hmu theilo.Tin Zakapliana hi ala te deuh a,a changin he palianpui hian a pawm thin niin an sawi.Khawmu chawi te hi a awm tak tak nge ni ang han sawiho teh ang u. Solar Eclipse from AizawlAizawl atanga Solar Eclipse thlalak ka rawn post e. Ka Nikon D80-a Sigma 18-200 OS HSM lens hma ah unexposed Xray film dah a ka lak a ni e. (click pics for larger size)
Hmui keu tu an…Reminder: Vawiin Solar EclipsePrevious related topics: > Khat Raih Raih Thleng Tur 15 January 2010 ah by mzvision Vawiin Solar Eclipse chu Mizoram chhim lam emaw Burma lam a misualdotcommers te kan awm hlauh chuan a thlalak in rawn post dawn nia auh
Happy Solar Eclipsing Mizote leh ‘Communal Feeling’Khawnge a vawikhat nan tiin ka rawn post ve e! Mizote hi kan ram pawnah kan inlungrual viau na’ngin, mahni ram chhungah ngei hi chuan kan va han inngeih tlang lo tak em! Hnam dang (a bikin ‘vai’ kan tihte) hi kan han hmusit ve ngawt a, mahse eng teh vak nge kan nih bik le? Tun hnaiah kan hriat theuh angin Taxi Driver Chawnghmingthanga tual thih chungchangah Bungkawn mipui lungawilo chuan a mawhphurtu Laltanpuia an hren mekna Central Jail chu an pan a, midang an rinhlelh te man turin Police an ngen a. A hmun an thlen hmain kan Police lam hruaitu te chuan lo dangin, buaina thleng lovin an haw darh leh thei ta a. Zawhna lo awm ta chu – lo dang lo ta se enge thleng ang? Hman deuhah Saiha-ah chuan tualthat pakhat tang mek tawh chu mipui thinrim kawng zawh chuan tan-in an pan a, vengtu Police leh Homeguard te an lo indaih lo nen lungin an denhlum tak ngawt kha! An la nui vur vur lehnghal! Tunah te pawh hian KTP hruaitu te an tel leh awm tho si a – kan Kristianna nen a va inhmeh lo em! Heng mai piahlamah pawh hnam dangin kan Mizo nula lo pawngsual emaw lo that hial ta se, Silchar lam panin kan inphur thla vak leh ngei ang le! A nih loh paw’n Tuikuk miin emaw, Burma lam miin emaw kan pawi khawih ta se – chutiang tho chuan kan ti leh huai pek ang. Mizo kan ni, kan hnam kan chhuang… mahse – a pawikhawihtu dan anga man leh hrem an nih tawh chuan – ‘rik huk policy’ hi a tulin a tha ber em aw? Kan sawi tawh angin henga tel tam tak te chu Kohhran leh khawtlanga inhmang tak an ni si a! Tum khat chu Upa-a thlan thlin thar pakhat chuan veng pakhat thalai inkhawmah YMA anga Rangvamual an zu fan chungchang a sawi a – “Zu zuar pakhat chuan zu a zuar ngai lo tiin dawt a sawi tlat a, vuak a tuar phah ta a…” tih chu zak miah lovin Biak Inah zu han sawi a! An zingah chuan a tel ve reng tih a chiang reng si a; sual tih a thatlohzia sawi a tum a ni maithei, mahse Isua’n mi ngaihdam leh tharum thawh lova zaidam min zirtir laiin ‘misual’ kan tih chu vuak a pawi lem lo tihlam hawi zawnga thu han sawi chu! Hetiang hi sawi tur kan nei tam tawh lutuk lo maw? Mizo te hi hnam anga kan tet tawh tehreng nen, kan veng chuti khati te kan la ti mai mai – heng hian ‘communal feeling’ a hring a, buaina lian zawk a thlen phah thin. A pawisawi tute hi chu i dem mawlh ang u – mahse a veng/khua emaw, hnam ang zawng hi chuan huatah i la lutuk lovang u. Chutilozawng ‘global village’-ah hian kan hnam ‘preserve’ kan tum luatah, kan ‘method’ a dik loh avangin kan hmingchhe zawk dah ang e! In ti ve lo maw…?
Power Supply Mumal Lo Lutuk Hi !!Tunlai Mizoram Power Supply mumal lo lutuk hi a va han hrehawmin hna a va han sawt lo em em mai ve maw le ! P & E Department lam han zawh lah hian, "Phai lam atangin Power kan dawng tlem a", tih ringawt hi chhanna kan dawn a ni zel mai si. A chhan mumal deuh, 'Engvanga dawng tlem nge kan nih?' 'Dawng tam tura hmalakna a awm em?' 'Kan Sawrkar hian harsatna enge a neih?' tih velte hi chhan dan hria kan awm mial em? Heti reng reng chuan Pu Hawla Sawrkar hi 'Mombati Sawrkar' tiin kan iak kan iak leh palh ang tih a hlauhawm alawm le. A chhan bulpui tak, Hydro Electricity lam kan hlamchhiah vang tih lamah chuan kan chiang tlang a. Tun hnai te a, kan harsatna leh a sut kian dan tur lam pang thil han share dawn teh ang u. Enga ti zia nge ni ta aw?A dera nun hi a ninawm a, a hahthlak a, chu mai bakah a pawi em em bawk a ni. Mizote hi chhungril nun nghet aia pawnlam nun ngai pawimawh zawk kan ang hle. Kan nih loh dan ang puia lan kan tum a, in thup mawi tum reng rengin kan phe kan phe thin. Kan nihna ang tak miin an hmuh a, an sawiin kan haw leh lawi si! Kan nihna ni miah lovah midangin min fakder ta ang se chuan kan nui khi leh vur vur si thin. Lemchanna dawhsanah mahni nihna ang lo pui kan chet chhuahpui a, kan nitin khawsak phungah erawh kan nihna ang taka lan kan hreh leh viau lawi si! Hei hian kan khawtlang nun chu sawi loh kan rawngbawlna kawng ngeiah pawh kua a hreuh thuk ta hle.
Kan tunlai nun leh kan hun tawn mek hi ngun taka kan ngaihtuah a ngai ta. Mimal, chhungkua leh khawtlang, Kohhran thleng hian kan tih tur dik tak kan ti lova, thil engkimah a phawvuakah hian kan then vel mai mai niin a lang thin. Kan nun chhungril ah takna tak tak kan tlachham a, tih tak zetna kan nei lova, engmah hi kan ti tha peih tak tak tawh tlat lo. NUN NGHET tak tak nei si lovin a der in Pathian rawng kan bawl a, Kohhran inkhawm pangngai chu sawi loh rawngbawltute hian Sunday School tak ngial pawh kan kal tha peih meuh ta lo. Sualna a nasa kan ti a, tunlai thangthar ho nun hi a dik lo kan ti, mahse hei hi ngun taka kan chhut chuan tunlai thangthar ho nun hian entir leh lo lanchhuahna chhan bulpui tak chu a nei ngei ngei ang. Tunlai thalai te hian entawn tur kan khawtlangah an zawng a, an hmu lova, kan ram hruaitute nunah an hmu lem lo bawk a, chutiang bawkin kohhran ah pawh an zawng, mahse an mahni nun hrethiam a, entawn tlak leh entawn tur nia an hriat hi an hmu lem lo niin a lang. An nu leh pate nunah nun tak an hmu lem lo niin a lang bawk. Thusawi tha ringawt avangin kan in siamtha thei lem tawh lova, chumi a nih avang chuan tunlai thalai nunah hian thusawi tha hian awmzia a nei tawh lo niin a hriat. Biakin chhungah chauh Pathian thu hian kan nun a khawih a, Biakin pawn lam leh chhungkaw nun ho naah kan Pathian thu hian awmzia a nei thin tlat lo. Miten min chhiar a, min thlir reng a, rawngbawltu hnung lam atanga miten an nuihzat viau hi kan awm mai palh ang tih a hlauhawm hle mai. Kan rawngbawl sakah hian kan chiang tawk lo nge maw ni a hming mai mai a rawngbawltu kan kat ta nuk mai. Kan Pathian chuan thinlung leh tih tak zeta A rawngbawltu a duh a, a der a nun a ngaisang lova, a hnawl a, a paih thlak hun a la awm ngei ang. Mizoram Boundary Trekking.Silver Hawk Youth Advenrure Club(SHYAC) Republic Veng te chuan Mizoram boundary trekking nei turin ni 14.2010, zing dar 7 khan bialtu M.L.A in a flag off a ni. Bialtu M.L.A, Pu Liantlinga hian he expedition team te hi Rs 10000/- in a tanpui a an lawm hle a ni. Club member pariat David Zohmangaiha(Expedition Leader), Ramnienga, Lalthafamkima, F.Vanlalhriata, Zosangpuia, Lalremtluanga, C.Lalliankima leh R.Malsawmtluanga te an kal a ni. An ni club hian Mizoram map hi hmun li(4) ah thenin phase 1 leh 2 chu an kal zo tawh a, tun tum hian phase 3 leh 4 kal zawh an tum a ni. 2006 khan phase 1 chu Mimbung atanga Khuangthing (234 km approx) chu an kal a chuan 2007 khan phase 2 chu Khuangthing atang a Phura (234km approx) chu an lo kal zo tawh bawk a ni. Tun tum a an kal tur hi 350km vel a ni a, Tuipuibari atanga Phura thleng an kal dawn a ni. Silver Hawk-te hi Kolasib District a Kham Ropui lawn chhuak hmasa ber team an ni bawk. He ram, He Hnam hi…He ram hi…
He hnam hi… |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment