"mi(sual).com" - 8 new articles
I have a DreamKa mumangah chuan…. … Ka kal zela, hmana midum kawnglai ho ka hmuh thinnaahte khan mizo thalai, sek pui pui, in fit tih hriat tak takten bianga thlantui fim far kauh kauhin bawngtu, suahdur leh thirtiang lekin lei an lo lai mawlh mawlh a. An hmelah phurna/ hlimna a lang tel tlat bawk si a, ka mitvai emaw tiin ka mit ka nuai hial a! … Ka kal leh zel a, hmana silchar leh a chhehvel vai che te te ho hlir ka hmuh thinnaahte khan mizo thalai, hmeltha tak tak, mawng zang tak tak ten thawmhnaw tret hniang-hnuang nen thatho tak leh hlim takin cement, balu, brick-te an lo thiar suau suau a. An hmel leh che velah lungawina a lang tlat bawk si a, mak tiin ka kä hau ringawt a! … Bus station ka thleng ta a, hmana burma lam mizo hlir ka hmu thinnaahte khan mizoram thalai rual hlir ka hmu leh ta a. Phai lam leh thingtlang atanga bungrua leh thlai rawn thleng apiang chu rang tak leh phur em em mai hian an lo thiar mawlh mawlh bawk a. An hmelah tumruhna leh chhelna a lang tel tlat bawk si a, awi harsa ka ti hial zawk a! .. Khawpui chhung lunlai ka thlelng ta a, hmana nula/tlangval inchei maksak leh sexy tak tak, hman em em leh zawi zet, lei rahchim hlau niawmtaka kal dim-dem thin ho hlir ka hmun thinnaahte chuan mi zawng zawng hi an lo tul em em tawh mai a, nula/tlangval smart tak tak, fai väng mai leh nelawm hmel tak takte chu office file niawmtak zakzehin hmanhmawh em em hian an pen hlawk hlawk mai a. An hmelah rinawmna, hawihhawmna a lang tel tlat bawk si a, mak tiin ka thlir liam zut zut ringawt a! … Biak In ka thleng ta a, hmana takna awmlo, lanmawi nan leh sual thup nana a der maia inkhawm thin ho zawng zawngte kha ka hmu ta miah lo. An Biak In chu pathian thlarau-in a awp/ chenchilh tih hriat em em hian ka en thuak ringawt pawhin ka hre mai a, en maia èng phùtin lang lo mahse ka chhung atang hian a enna chuan min rawn kap a, min hip bawka, ka hmabakte dahtha a han lawiluh ve hialte ka chak a. Kohhran mite pawh a hming maia kohhran mi inti nilo, he khawvel mite laka ta (eiruk/hlemhletna, hurna, itna, ruihna leh thiltha lo zawng zawng) laka ta Lalpa kohhran-te an ni tih alang chiang em em a, an nun chu lawmin a khata, an hmel chu hlimnain a khat bawk a, sualna leh tahna-ten hmun a chang lo. He lei hi van emaw anti niberin ka hria! He hi em ni “Zoram Khawvar Hun” antih fo chu? Aw…..a va nuam dawn em! An bula chen ve ka va chak em! An zinga tel ve ka va duh em! Ka thalaipuite u, harh teh u; harh mawlh ang u. Kum 2010 meuh kan chuangkai ta! Kan vela hnamte an lian zela an sang zel si. Thu maia taimak a hun ta lo, a der maia fel a hun tawh hek lo. Hna tha nghaka kut kuangkuaha thu mai mai hman kan ni tawh lo. Chutilozawngin ILP thuah sarih pawhin inhungbcng mah ila, kan inhum zo chuang lo ang. Kan pi&pu, kan nu&paten hman atanga an thlir, mi thianghlim lawr aimaha an nghakfak, “Zoram khawvar hun” an tih fo kha, nang leh kei hian tun Generation-ah ngei hian mumang ram mai nilo, a tak ngeia tem tir i tum tak tak ang u hmiang. Zarzokima thattute man chungchanga Home Minister Pu Zira press releaseDt. 13.11.09 a Bungthuam khua Zarzokima s/o Lalngilneia thah chhuina kal zelah he thil thlenga inhnamhnawih nia rinhlelh Bru hel 2 te chu Special Investigation Team ten Dt. 17.1.10 zingkarah an man. Mi man te hming chu:- 1. S/S Lt. Vanlalfela 35 years @ Rengkhauhrai @ Gongwai @ Eli s/o Taitea (L) of Tuirum 2. S/S Cpl. Chusarai (32 years) @ Lalrinfela s/o Bonorai of Tuipuibari Centre. SIT te hian heng mite hnen atang hian United Liberation Army (ULA) seal leh pawisa khawn nan a hman tur receipt bu an man a.Receipt bu ah erawh hi chuan an pawl hming Bru Re-unification Union (BRU) tih ani thung a. Heng mi man ten an sawi danin fumfe taka pawl an la indin fel loh avangin heng a chunga tarlan tak pawl hming te hi pawisa khawn na atana hman tura an siam chawp ani. Mizoram ri hrula Tripura leh Assam vela Bru chenna khua ah te hian pawl hrang hrang awmin mi pawisa te chhuhsakin an dil thin a. A chang chuan vai sumdawng te pawh kidnap in a tlanna tura pawisa phut in an che bawk thin. Heng pawl hrang hrang te hi inzawmkhawm a pawl lian tak pakhat din an turn mek thu Police te hnenah hian a sawi. Zarzokima thahna tura an phiarruk dan kimchang hi ngawrh taka thu zawhfiah mek zel ani a, he tualthahna ah hian an inhnamhnawih ngei a ni tih leh Zarzokima an thah chhan hi Bru Refugee te an lo kirna tura sawrkarin ruahmanna a kalpui mek tih thuanawp nana an tih ani tih Police hnenah an puang.Vanlalfela hi BNLF ten hel pawl din tirh atanga telve leh pawikhawihna liantham tamtakah alo inhnamhnawih nual tawh a, chung te chu:- 1. Murder of Lalzawmliana, Forest Dept. Wildlife Game Watcher. -21.9.1997: Lalzawmliana an thah hi BNLF te an hel tantirh a an pawi khawih hmasak ber a ni. He tualthahna a inhnamhnawih mi 10 te zingah hian Vanlalfela hi a telve. 2. Arson of MST Bus at Chikha-1998: Chikha a MST Bus halna ah khan amah hi commander niin BNLF mi 15 an inhnamhnawih a ni. 3. Firing on civilian near Tumpanglui – dt.31.10.1999: Naga hel NSCN (I/M) mi 20 leh BNLF mi 4 te inkawp te Mizoram chhung lo lut in Tumpanglui bulah civil mi ramvak te tih thaih in silai an pawng kah chiam a, thi leh hliam erawh an awm lo. 4.Kidnapping of Bengali Bamboo Cutters at Langkaih valley-December, 1999 khan Langkaih a vai Mau la te kidnap in pawisa Rs. 2 lakhs an phut a, Rs. 20,000/- laksakin an chhuah leh. Hei hi Tripura lam case a ni. 5.Kidnapping of Bengli Mahout near Medili – 2005 khan Karimganj District chhunga Medali khua Bengali sai pu pakhat kidnap in tlan nan Rs. 10 lakhs an phut a, hemi turn hian Tripura Police ten amah hi man in jail ah thla ruk chhung a tang. Vanlalfela hi BNLF in surrender (2005) hma khan an hotu te nen inti thiamlo in BLFM a zawm a. Amah hi Hardcore niin BLFM te 2006 a an in surrender pawh khan telve lovin midang 20 vel te nen Dimasa Hel (DHD) te belin an khawsa a. DHD te nen a silai tawlhrukna ah pawh inhnamhnawih na a nei nual bawk. Heng bakah hian Manipur a hel pawl dangte, UNLF leh ZRA te nen inlaichinna neiin heng Manipura hel pawl lakah pawh hian a tlangnel hle. 2.Chusarai @ Lalrinfela hi 2006 khan Vanlalfela hi zui ve in BLFM a zawm a. DHD te designated camp, Harangajau, NC Hills chu bihruk nan an hmang thin a, he hmunah hian Bru hel mi 13 tunah hian an la biru mek tih a sawi a. Interrogation ngawrh taka tih mek a ni. - http://www.dipr.mizoram.gov.in/
RBI pawmpui loh Bank 14 a awm; Mizoram sorkarah report pek a niMizoramah Reserve Bank of India (RBI) pawmpui loh bank 14 a awm mek tih chhui chhuah a ni. Heng bank-te dinhmun hi Mizoram sorkar hriattir a ni tawh. RTI Act hmanga Vanglaini zawhna Superintendent of Police CID(SB)-in ziaka a chhannaah, Reserve Bank of India Act 1934-in a phut anga registration nei lo Mizorama private bank-te chhui chian hna hi 2008 September atang khan Mizoram Police CID-ten an lo thawk tawh a, an hmuhchhuah dan hi kimchang taka report ziakin Mizoram sorkarah a thehlut tawh tih tarlan a ni. Heng Bank zinga a tam ber hi Karimganj leh Silchar vela hmunpui nei, a neitu pawh henglai vela mi tho niin chhui chiangtute chuan an hria a, Guwahati, Kolakata leh Delhi-a hmunpui neia insawi pawh an awm bawk. Heng bank zinga thenkhat chuan an hnena pung awma pawisa dahtute hnenah pung tlem zawkin pawisa an puktir a, thenkhat chuan sorkar hnathawk hnenah chauh loan an pe a, thenkhat chuan sorkar hnathawk pawh ni lo, an hnena pawisa dahtu pawh ni chuang lote hnenah loan an pe tho. Pawisa dahtu (depositor) tur zawn, loan puk duh zawn leh loan an pek chhuahte rulhna khawn khawm chu an hna thawh deuh ber a ni a, agent 20 vel nei leh 300 lai nei pawh an awm. Bank thenkhat chuan an hnenah thla tin 3% punga pawisa dahtirin, thla tin 7% pungin loan an pe thung a; thenkhat ve thung chuan thla tin 6% punga an hnena pawisa dahtute hnenah thla tin 2% pungin loan an puktir thung. Heng bank dawrtute hi mi sing thum aia tam an awma ngaih a ni. Report atanga a lan danin harsatna tawk tawh an awma a lan laiin, an harsatna tawh chinfelsak tura Police emaw Court emaw hnena zualko erawh an la awm lova hriat a ni. RBI pawmpui loh bank nia an hriat, CID-ten Mizoram sorkara report an thehluha a lan dan chu hetiang hi a ni. 1. Corona Projects & Developers Ltd 2. Relation Socio-Economic Culture and Organisation 3. Fourth Corner Business: 4. Barak Agency & Services Pvt. Ltd 5. Legacy Finance Company Ltd. 6. Green Valley Consultancy Services Pvt. Ltd. 7. Desire Agro, Resorts Development Pvt.Ltd. 8. Tower Infotech Pvt. Ltd. 9. Daffodils Company 10. M/S Swarna Jayanti Agro Tech Ltd. 11. Zawlbuk Real Estate: 12. Vanso Technocraft. 13. Ananya Project and Construction Limited: 14. Mizo Land Travels & Cargo Service Heng Private Bank/Agency-te hian Reserve Bank of India Act 1934 hnuaia registration an nei lo vek tih report-ah chuan tarlan a ni a, a tam zawk hi chuan Central Govt. Incorporation-ah emaw, Company Act No. 1 of 1956 hnuaiah emaw, ROC (?) hnuaiah emaw registration an nei thung. Hetihlai hian heng a hnuaia tarlante hi chuan eng registration mah an nei lo ni awmin report chuan a tarlang. Inneih hun nghak thleng zo lo!Full story @ AIZAWL POST AYUSH damdawi hi tur emaw kan ti aA hmaa ka rawn ziah tawh ang khan tluang takin Pathian hruaina zarah AYUSHCON chu January 12 khan kan zo fel thei a. A lawmawm hle. He AYUSHCON kan hmanna-ah hian hunserh hmang turin Rev. Dr. R. Lalbiakmawia kan sawm a. Hunserh a hmannaa thu tam tak a sawi zingah, ‘AYUSH damdawite hi tur emaw kan lo ti thin a’, a tih chuan ngaihtuah a tithui hle mai a. Mizote zingah AYUSH department hi taksa damna thlentu a nihna aia thlarau lam thila lo dawnsawn tum zawk kan tam hle niin a lang a. Inzirtir kan la ngai nasa hle niin a hriat a ni. Christian Yoga Hemi nia Rev. Dr. Biakmawia sawi pakhat chu Christian Yoga chungchang hi a ni. Miin Yoga hi damnaa tan an hmang a, an dampui a nih mek si lai a, Hindu sakhua nena kan inzawmtir reng hi a dik bik lo ang a, chuvangin Christian Yoga hi kan hmuchhuak ve ngei tur a ni, a ti a. Eng nge i ngaih ve dan le?
Haiti leh Mizoram?Kan hriat theuh angin Haiti chuan lirnghing avangin chhiatna rapthlak tak a tuar meka. Khawvel ram hrang hrnag atangin tanpuina tam tak lut ruih ruih mah se, chhawmdawlna/tanpuina hnathawh chung changah Haiti sawrkar chu a puitute mit a tling lo viau tih pawh news atangin a hriat theih a ni. Mizoramah hetiang chhiatna hi lo thleng ve palh ta se eng tin tin tak kan hmachhawn ve ang mo? Kan ropui vaiu chu ka ring hran lo; kan ram administration han en hian. YMA kan nei hian mi chu la la hnem viau mah se, hetiang chhiatna turu lutukah hi chuan kan buai ve fu chuan ka ring. He chhiatna phenah hian Haiti ram retheih zia leh an inrelbawldan chauhrau ve zia te pawh kan hriat phah a. Ramchangkang zawk ten Dollar maktaduai telin pui reng thin mah se hmasawnna lam an pan loh zia vel han chhiar hian Mizoram nen kan dinhmun in ang renga hriatna ka nei tlat mai. Expert Economists thenkhat hmuh danah chuan a sum fai in tanpui vak vak hian hma min lo sawntir a hnekin short term goal, immediate gain mai maiah min lo tawp tir a ni ti zawngin an sawi tlat mai. Dik riauin ka hre tlat. Eng e in ngaih ve dan? Haiti tanpui nan hian sum tam tak lo lut tawh mah se long term poilicy nei lovin phung zing a piring vawrh ang maiin in chuh ve nuai nuai a nih ber mai. NGO pawh pawh a ram mipui tam lama chhut chuan an tam ber an tih hial. Ramdang puihna sum lut chuh tur lo chuan heng NGO zawng zawng te hi an function theih a rinawm loh. Kan Mizoram pawh hi han en ve ila. Foreign atang chuan tanpuina sawitham kan dawn awm sawi tur ka hre lo. Kan hmuhsit em em vaiho chawmhlawm mai kan ni. Central Sawrkar atanga sum kan dawn loh chuan mahni ei tur tak ngial pawh kan thawk chhuak zo si lo. A hnam anga kut dawh kan nihna chen te awmin ka hria. Kum 15 State kan tawh nih hnu pawh hian Mizoram hmasawnna han thlir hian kan ropui hnai lo viau a ni. Cental sum kan hmuh zawng zawng chhut hian hetiang ui hum lek tan chuan hmasawnna dawr tham chu a ni ve si a. Long term planning leh vision kan neih loh vang hian thangtharten kan tuar kan tuar mai dawn chu a nih hi. Mitdel pawh mitdelin a hruai chuan khuarkhurumah an tla nge nge thin. India vai ho lah hian tham taka an huanga min hnuklut lovin an huangah min hnuklut nghet tawlh tawlh zel dawn a nih hi. Engvanga Mizoram hi hetiang em ema kan le loh tak hi a chhan nia kan hriat? Awlsawmtea India Sawrkara sum kan hmuh hian min ti a zo ta a ni lo mo. Mahni thawhchhuah ngata in enkawl thin kan pi leh pute kha rawn tho leh se hawi ngaihna an hre tawh dawn em ni? Thawk lova sum hmuh kan duh dan em em ti eng kan ti ta nge? Eng e in ngaih ve dan? Kan ram siamthat ngai tak siamthat nan misaul.commer ho, mi fing tak tak, idea tha tak te cho chhuah nan kan han post ve a ni e. Hming ThlaknaHei hi 17/01/2010 a Aizawl Post a chhuak a nia, intih mualphona lam ni lovin a mak ka ti a ka hrethiam lo nge mi han hrilhfiah te u hetuang a ziak tur hi ami hming thlak hian. (click pic for larger size) Please HelpBsnl data one 256kbps ka book a, a muang viau mi? Tunah TATA Photon Wisz ka hmang thin a, a muang lutuk a thil ka download pawn a chak berah 30kbps bakin a kal thei lo. ka download speed tlangpui chu 10kbps atang a 20kbps vel bak a ni ngai lo. Tuna ka hman photon wisz hi nge data one 256kbps rs.750/- plan hi tha zawk. Photon wisz hi thlakhatah rs780/- rental a nia. Khawi hi nge ka thlan zawk ang..min lo pui teh u… More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment