"mi(sual).com" - 7 new articles
Heti zawk hian kan tih hun a la thleng ang?Mizo nih hi a va nuam tak em! Mizo te hi kan vannei a, kan society hian a huam zauvin kawng engkimah inhriatthiamna leh inngaihhnathiamna kan ngah a, hei hi hnamdangte laka kan danglamna leh kan bikna riau a ni a, a nuam hle reng a ni. Mahse khawvel thang chho zelah hian changkanna leh tunlaina ten kan nunphung leh tihdan engkimah inrawlh an rawn tum a, hei hian kan hnam nun leh tihdan phungah harsatna tenau min siam ta zeuh zeuh fo niin a lang. Tunlai khawvel a changkang chho zel a, chu changkanna chuan kan Mizo nun ngei pawh a rawn nghawng lo thei bik si lova, thangthar te khawvelah kan cheng a, thangthar te duh dan leh ngaihdan chu rual u zawk te leh kum lam upa deuh te ngaihdan leh pawmdan nen a insaikalh ta fo mai a. Hei vang hian kan hnam culture leh chindan chenin a a nghawng a, tunlai mila kan culture her danglam duh pawl leh hmanlai tihdan anga a ngaia kal reng duhtute kan inchai buai mek zawng anih hi. Kan hnam nun leh culture humhalh chungchangah pawh inhnialna leh sawi neuh neuh kan tawng ta fo mai.
Hemi chungchangah hian rual u zawk te leh thangthar te thu a inhmulo deuh zeuh zeuh ta thin niin a lang a. Kan pipu pute atanga kan lo tihdan leh chin thin dan chhawmnun zel mai kha nge tha ang tunlai khawvel danglam chho zel mila in siamrem hret hret tih thuah hian thu tlukna siam mai harsa khawpin lamtang kan insiam mek a ni. Thildang chu lo dahtha ta ila a bik takin Mizo tena chhiatni thatni a kan insawngbawl danah pawh hian tlemlai deuh atang khan ngaihdan a phir tan ta hle mai a, hemi chungchang leh a chhehvel te hi chiang zawka ngaihtuahna fim tak nena thangthar te leh rual u zawk te hian kan ngaihtuah chian a tul hle a ni. Chhiatni thatni a kan in sawngbawl danah hian tunlai khawvelah hian thangtharte duhdanin kan kal dawn nge, hmana kan mizo pi leh pute tihdan ang chiah kha kan chhawmnung chho zel ang tih pawh hi zawhna awm thei tak a nita in alang. Hemi chungchangah hian rual u zawkte leh thangthar te kan inhnial mek anih hi, engtin tak ni zel ang maw? Hman deuhah khan Aizawla veng pakhat YMA te chuan khawhar in riah hi tul tawhlo an tih thu thuchhuah an rawn siam a, khawhar in riah chungchangah an veng chhungah eng engemaw harsatna te an tawh thin avangin an vengchhung bikah chuan khawrhar in riah an titawp anih kha. Kha thil khan a tirah chuan inhnialna nasa tak a chawk chhuak anih kha, thenkhatin awm an tih em em laiin thenkhat thung chuan Mizo society palzamna leh Mizo culture paih bo na ang lek lekah ngaiin an rawn hnial chiam anih kha. A hlimchhawnah kha chuan mi a nghawng na in kan sel rawn luam luam anih kha, mahse hun a lokal zela khawvel nunphung a danglam chho zel a, hmana tha kan tih kha tunah chuan kan sit tan a, hmana tha lo ti a kan dodal em em thin kha tunah chuan kan belchiang tan mek a ni. Khawhar in riah tihtawp thu kha a hlimchhawnah khan kan han hnial vak takna a tunah hian a hnialtu zinga thenkhat te kha han zawt leh ta ila, 'tih awm tak an ti a lo ni' ti a min chhang an awm nual tawh mai thei. Chu chu kan tunlai khawvel a ni, chuvang chuan hemi chungchang hi ngunthluk taka ngaihtuah peih ten kan ngaihtuah a hun ta hle a ni. Kum 2009 Krismas leh kumthar vuak vetah khan Serchhip Hmar Vengah chuan ni 3 chhung lekin mitthi 4 an vuiliam a, kha thilthleng khan YMA hruaitute lu a tihai khawp mai. Khawhar in kal dan pawh a kal tur list siamin an inthen phah hial a ni. Veng khatah khawhar in 4 lai a awm avangin khawrhar in riak tur tlangval nei mumal lo pawh an awm! Chutih laiin khawhar in dangah chuan inriak an khat tlat lawi si. Hetiang hun hi kan la tawk chho deuh deuh dawn niin a lang. Khawpui lamah pawh tuna mi ang tho hi kan problem a ni. YMA hruaitu ten khawhar in a riak tura member tlawmngai kan insawm lawm lawm tum te pawh a awm ta fo mai. Thlan laih chungchangah tunah hian Aizawl khawpui chhunga YMA Branch hrang hrangah te hian survey nei ta ila, branch tam zawk te chuan hlawhfa rawiha thlan laih hi kan pawm mai lo maw tih theih a ni. Titi naah pawh sawi hlawh pawl tak a ni tawh. Aizawl khawpui chauh a ni lo thiltlang khaw lian deuhah te pawh he thu hi kan sawi ri zeuh zeuh tawh, a rawt chhuaktuah kan tang ngam lo mai mai a ni. Aizawl ang khawpuiah chuan thlanmual awmna te a lo hla tham tawha ke a kal mai remchan lohna tam tak a awm, motor hmanga thlan lai tura kal ngaihna pawh a awm nual. Tin tunlaiin mahni hnaah mi kan tul tawh em em a, private company leh firm te tam tak kan ramah an rawn lut a, chungah chuan kan thalai mi tak tak an thawk mek a ni a, sawrkar hnathawk ina awlsam taka leave an lak mai theih ang kha private firm angah te chuan a theih ve loh. Chuvang chuan chhiatni/thatniah kan tlawmngaih loh vang ni miah lovin thalai tam tak te hi chu kan tel hleithei tawh lo. Aizawl a YMA Branch thenkhat chuan thlan hi laihlawk mai te pawh an sawi ri viai viai tawh a ni awm e. An demawm hauh loh mai. Heng kan tarlan tak tlemte a tang ringawt pawha han thlir hian tuna chhiatni thatni a kan inenkawl mek dan hi kan tan phurrit a chang tan ta lek lek niin a lang a, mualpho kan hlauh vangin tlawmngai turin mi kan intahawh chhuah tan ta mek niin a lang. Chuvang chuan mitin kan thattlan na anih zawk dawn chuan kan insiamrem deuh a heti zawk hian kan tih hun pawh a la thleng ngei dawn niin a lang. Mi tam tak chuan thenkhatin a khawhar in riah leh thlan laih chungchanga rawtna thar an siam hian Mizo tlawmngaihna thlauhthla ta ang leh Mizo society pawlhdal zawnga hmala ang hrimah kan chhuah mai thin a, hei hi ngaihdan leh puhna thalo tak a ni. Hetianga ngaihtuahna thar rawn rawtchhuaktute hi dem ngawt tur an ni lo. Chuvang chuan pawngpaw hnawl ngawt lova heng ngaihdan thar te hi kan zirchian a tul hle zawk a ni. Tunlai khawvel a changkang chho zel a, kan hnam nun pawh hemi rual hian kan hriatlohvin a inher hruk hruk zel a ni tih hi kan hriat a tha. Chuvang chuan dan mumal awm miah lova, khawvel hmasawnna hnuaia kan hnam nun kan inrelbawl anih chuan nakinah kan la buai tho tho ang. Kan thenawm te aia khawdanga kan chhungte leh thiante kan biak ngun tawh zawkna khawvela cheng kan nih avang hian kan society hian kawngtharah min hruailut mek a ni tih hi kan hriat ngam a pawimawh. 'Tunlai khawvel changkanna hian kan hnam kalphung engtikawng mahin a su buai tur a ni lo, Mizo chu Mizo kan ni a, tunhmaa kan kaldan kha a la tha ber, kan hnam inrelbawlna hi tunlai khawvel mila kan thlak danglam kher a tullo' kan ti anih chuan huaisen takin ding ngam ila. Thangtharte hnenah kan hnam tihdan phung leh chindan te hrilhfiahin zirtirna tha tawk pe ila. Chuti ni lova, 'tuna kan kaldan mek hian tunlai khawvel ah min zo tawh love, chhiatni a kan inrelbawl dan hi tunlai khawvel mil deuhva kan her rem a tul ta a ni' kan ti anih pawhin huaisen takin siamtha ngam ilachu kan hnam zahawm zia leh inlungrualzia a tilang ang. Mihring kan pung chakin tunlai khawvelah natna te a tam si a, mitthi hi kan la nei chho zel dawn niin a lang. Nakin lawkah chuan mitthi kuang tur thingzai lei tur pawh a van viau hun a la awm ang, khawhar in kal tur kan inhmuh zawhloh hun te, thlanlai tura hlawhfa kan rawih hial hun te pawh a la thleng loving tih a sawi theih loh. Chutih hunah chuan nula/tlangval khawhar in kallo chu nikhua talo riauva kan hmuh a, thlan lai ve hman lo tlangval chu hnunglam atanga kan hmuhsit mai chuan kan tlawmngaihna chu Mizo tlawmngaihna dik a ni lo tihna a ni ang. Kan nunzia leh chetphung kan changkang chho zel anga tuna chhiatni thatni a a nawlpui huapa kan in relbawl dan hian min zawhloh hret hret hun a la thleng ang. YMA hruaitute an inngaihtuah buai rum rum chang a la thleng ang. Chung hunah pawh buai miah lova kan hmachhawn zel theih nan tuna kan kaldan bak hi ruahmanna felfai tak kan lo neihruk hi a hun tawh lo maw? Puja laia halpuah hal lo turin Assam Rifles hrilhSerchhip DC, Pu H.Darzika chuan Assam Rifles te chu Puja an hman hunah halpuah leh halmawi lam chi hâl lo turin a hrilh. DC Meeting Hall-a Republic Day lawm dan tur chungchang ngaihtuahnaah DC chuan Krismas leh Kumthar lawmnaa halpuah leh halmawi hal a ni lo chu lawmawm a tih thu a sawi a, hetihrual hian he huna Assam Rifles aiawha rawn tel, Captain hnenah Halpuah leh halmawi chi chu Hindu sakhua nen inzawmna a nei lova, hei vang hian Puja an lawm hun lai pawha halpuah leh halmawi lam chi hâl lo ve turin a hrilh a, Assam Rifles Captain pawh hian DC duhdan ang lo tihhlawhtlinsak a tum thu a hrilh ve bawk a ni.
Haiti ah lirnghing rapthlak!Cuba thliarkar khawchhak (South East) lam, Dominican Republic nen a thliarkkar intawm Haiti ah chuan ni 12 Thawhlehni, 2010, dar 4:35 local time ah chuan rapthlak takin 7.0 magnitude laia chak lir a nghing. He lirnghing hi an khawpui, Port-Au-Prince atanga thlanglam (South West) mel 10 vel atangin a in tan a ni. He lirnghing ah hian in (building) tam tak te chim in a chim zingah hian hospital te leh presidential palace chhung a mi te pawh a tel a ni. Thawhlehni, ni 12, 2010 a haiti lirnghing nasat zawng: Kawtthler ah te chuan in chim avanga thi an let pheng phung mai tih an sawi laiin, an thlalak te erawh chu a rapthlak em avangin chanchinthar ah chuan an ti lan tam loh thu an puang. Haiti a an in sak chim ta te hi concrete a sak an nih hlawm avangin vaivut khu nasa tak a siam bakah , a chim chuan mi a ti hlumin a hliam nasa hle niin an puang. Click here to view the embedded video. Thlalak thenkhat slideshow in: http://www.examiner.com/examinerslideshow.html?entryid=917058 NB: Mizoram hi lirnghing kalkawng kan nih kan hria, mahse in hi kan sa huai hlawm khawp mai. Haiti hi chu phai dar tha a la ni mah mah. Chhiar zawm atan: http://online.wsj.com/article/SB126333470907826737.html?mod=rss_Today’s_Most_Popular
Sonia Gandhi to visit Mizoram in FebruarySource: Press Trust of India
American Idol 2010American Idol season 9 chu Boston ah Thawhlehni ni 12, January 2009 hian Paula Abdul tel lova audition hmasa ber tan a ni ta. Idol judge te zing ami Paula Abdul chuan chhuahsan tawhin, a aiah Ellen DeGeneres Show host tu Allen chu a awm dawn a ni. Mahse, Thawhlehni hi chuan Victoria Beckham a thu thung. Mi an nihna dik hmu thiam leh sawi chhuak hrehlo Simon Cowell pawn season 9 hi American Idol a tel hnuhnung ber turah a puang nangin, thil dang tha tak rawn vawrh chhuah leh a tum thu a sawi thung. http://www.associatedcontent.com/article/2584265/simon_cowell_leaving_american_idol.html?cat=2 Season 9 hi Idol nih tum an tam ber kum a la ni a,he audition a tel tum hi kawtthler ah ruah sur mek chu do hreh lovin an tling khat hmur mai a ni. Number 52461 bel tunu Janet chuan hma hruaiin a tlinglo hmasa ta ber a, Hollywood kal tur thlan hmasak ber chu Ms. Maddy Curtis, kum 16 mi, Virginia state atanga thawk chhuak chu a ni ta. Amah hi naupang te e tilo chuan Naupang Autism nei buaipui reng reng a khawsa a ni! Click here to view the embedded video. Chhiar zawm theih: http://www.buddytv.com/articles/american-idol/american-idol-season-9-premier-33683.aspx SMS Delete palh hmuh kir leh dan (Nokia s60 hmang ho tan)
A tawp nan
Khati zawng kha kumin a kan rawn tih chhuah theih chu a ni e. Ka lawm e. National Trekking Expedition Goa tih ni mahse, a trekking tak tak chu Goa-Karnataka border ah a ni. Karnataka ramhnuaiah ni 3 dawn kan awm. Lehpek ah chuan Sailing Expedition emaw Biking expedition hi chakawm khawp mai. National Trekking Expedition Goa 2009 Day 6-8 (20 Photos) More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment