mi(sual).com - 6 new articles

 

Here are the latest updates for khovelthuthang.khovelthuthang@blogger.com "mi(sual).com" - 6 new articles Nungchate khawvel Hmuifang ka kal ve a Homosexuality hi Bible-in engtin nge min zirtir? Chhaktiang Zoawi Final Zofel Kohhran chu kohhran… In nei tawh thum mai thei la neilo kan awm tak in More Recent Articles Search mi(sual).com Nungchate khawvel Mizoramah nungchaten hmun an nei chau em em. Sap ho hunlai khan, Sakei/savawm kah lawmman te an lo siam sak thin a. Min chhuahsan hnu meuh chuan nungchate sawi tham kan nei meuh tawh lo. Forest department ringawt hi chuan an veng him zo dawn lova, mimal leh khawtlang pawl kan tanrual a tul ta hle. Mizoram chhungah hian nungchate thlalak tur pawh hi avang hle tawh awm e. Hetih lai hian Mizoram pawn hmun tamtakah chuan, hmuh tur an la awm nawk thin a. Kumhnih/khat kalta atang ka lakkhawm thenkhat chauh ka han post ve ange. Ka post tawh hnu a awm palh a nih chuan, admin-te hriatthiamna ka ngen e. 1) Ram parva 2) Hei hi eng rul ber nge ka hre lo. Cobra chu ni meuh lovin ka hria. An lo CK ve deuh a ni e. 3) Rul indi lai 4) Hei hi chu parva pangai a ni. 5) Thehlei 6)Arawn tui 7) Mute Tui lama chetla chi Sava tih top mai ang. • Email to a friend • Article Search • Related • View comments • Track comments • • Hmuifang ka kal ve a Rilruin a chakna a rei tawh a; ka tum thrin a; a thlawn zing tawh. Hlau leh khur chung kan nu kan dil dek dek a, ka chhan na dawnte chu: Zan khatna:” I nupui fanaute ai a i thlakhlelhna lam ah chuan kal rawh” tih ani. Kal ngamna chi anilo. Zan hnihna chu: Vau ti tih thlem titihin ka chhimbu dawi kual vel….. ” I Hmuifang kal chak pawh anilo Amanda-i Aizawlah a awm tih i hria a kal i chak anih kha” tih chu Answer ani!!!! Rilru Hmuifang a awm tlut tlut mai tawh si; a Zan thumna: Tactic thlak a trul tih ka hria, Tiger Balm, leh Moove ka lei haw. Pic 1: Chhunah Buh a thlei tih kha ka hrereng mai si a; Hnungzang leh Dar kham zut a tranla chung in.” I pa te Buh kan thartem tur hi phur chho ila;an in sakte pawh awllai hian puih thra kati ani; Dawr hi kan khar anga, kan han kal dun lawk dawn ami? Mate-i pi te tar chaklo lam anni a a tlawh pawh kan tlawh khat lutuk reng reng mai” Tah chuan ka ti fuhta…. “Kan pahnih chuan kan kal theilo ang Dawr hi ka enkawl angai, Buhphurh chhoh pah chuan, i han kal dawn ami? Puih kher pawh an ngai nang, engmah iti thiam awm chuang silova; i duh leh Hmuifang i sawi zing bawk a va kal nghal la” chuan ka duh ka hmuta Kan nu hian Hnathawh phalna te Hmunphiah phalna te,Tuichawi; naupuak leh rawngbawl phalna te minlo pe tawh thin; tun trum zawng Hmuifang kal kal phalna ani min pek ni. Nupui hi kava lo neifel tak em!. Tichuan Gypsy khat trun a puzawnte Buh thartem tur phur chung in ka in khalh chhuak ta anih kha. Sakhaw mite Ramthianghlim zin tur ang mai a rilru zangkhaiin; engber nge ka tih dawn tih pawh hre lovin ram tiam chu ka pan ta ani. Zan thimhlim ah Hmuifang chu ka thlengphei ta ngei a Lodge nuam fai fel tak maiah khualchhawn Hawihhawm takin minlo dawngsawng a; hah a dam sawng sawng mai, sawi tur atam mai thlalak lam hian chhunzawm mai ang. (click pics for larger size) Pic 2 Pic 3 Pic 4 Pic 5 Pic 6 A hmunhma a mawiin a boruak zang hle mai; mahse a mawi tur ang erawh chuan kala mawive thiam lo, Pu shailendra te Pu XaiA te ho an ngaih awm khawp mai. • Email to a friend • Article Search • Related • View comments • Track comments • • Homosexuality hi Bible-in engtin nge min zirtir? Mahni anpui kawp chin hi hmakhawsang ata lo awm tawh a ni. Mipa leh mipa inkawp sawi nan "homosexual" hi an hmang a, hmeichia leh hmeichhia inkawp chu "lesbian" an ti thung. He thil hi tun hnaiah a punlun hle a. Sapram leh khawvel ram dang chauhva theng tura kan ngaih thin kha India ram ngei a lo thleng a, kan buaipui ta chu a nih hi. India ramah hian hetianga tha lo taka mahni anpui kawp ching hi an lo tam hle a, chung mite chuan tlawmngai pawl thenkhatte phungbawmin, an dikna chanvo nia an hriat pe turin sawrkar an nawr an nawr thin a. Kum 2009 kum laihawl atang khan rorelna sang (court) pawhin mahni anpui inkawpna hi sual a ni lo tih thu a chhuah ta hial a. Mizoramah ngei pawh homosexuality hi a hluar ve ta hle niin a lang. Heti lama thil a kal chak em avang hian he thil hi kan ngawih bopui reng thei dawn ta lo a ang hle. Chuvang hian Bible zirtirna eng atanga kan ngaihtuah a tul hle. Sakhaw dang zirtirnain a ngaihnathiam hle a nih pawhin Bible chuan a hnawl niin a lang: Pakhatna: Sodom leh Gommora mite khan vantirhkoh (mipa) pahnihte kha Lota mikhualte kha pawl an tum a; Pathianin a haw hle, rapthlak takin a hrem a ni (Gen. 19: 1-25). Read more @ mizotheologicalforum.com • Email to a friend • Article Search • Related • View comments • Track comments • • Chhaktiang Zoawi Final Zofel Chhaktiang Zoawi chu zanin khan final zawh fel a ni ta a. Final ah hian mi pathum – Zaithanchhungi, Khawbung, Lalneihsangi Khiangte,Khawbung leh C.Zosawikunga,Lianpui ten intihsiakna an nei a. Karleh thawhtan zanah ropui takin result puan a ni ang. Mi tam takin ve leh zela tiin an sawisel.Mahse organising committee chuan tha kan ti in zai mi te tan a hlawkna kan hmu nghal. Tun hma a zaia sawm ten “A lawmawm hle mai. I zai tha hle mai” tih chauh hlawh thin khan Chhaktiang zoawi avang hian sawm tu an hmuh hnem phah a. Hlawh te pawh pek ve an ni ta. Hei hi hria in Champhai lama kan mi lian te, zai lama tui mi Love Photo te chuan Chhaktiang Zoawi a pakhatna hi a free in music video an siamsak dawn a. Thawhtan hian Champhaia Idol leh Icon a tel te nen ropui takin Chhaktiang Zoawi Final Result puan hun hmang turin rawn tel phei an tum bawk. Chhaktiang Zoawi hi kumin favang awllen laiin Tuichangral huapa siam leh tum a ni a. Tel tum an thahnem tawh hle… • Email to a friend • Article Search • Related • View comments • Track comments • • Kohhran chu kohhran… “Kohhran hi Politic leh ram inrelbawlnaah a inrawlh tur ani em?” tihah hian Mizote zingah ngaihdan hlawm hnih, inthen phawk a awm a; “Politic bawlhhlawh zel tur ven nan a inrawlh ngei tur ani” ti pawl leh “A inrawlh tur ani lo, Kohhran chu kohhran…, Sorkar chu sorkar” ti tlat pawl kan awma, ngaihdan nghet leh bulfuk nei lo, ti ti puite a zira “inrawlh tur/ rawlh lo tur” ti a ngaihdan thlak zutte pawh kan tam viau awm e. Inrawlh ngei rawh se… Kohhran chuan kan rinna leh thlarau lam nun ringawt niloin, Politic pawh hi a vei tel ngei tur ani. A vei satliah mai niloin, chumi atan chuan theihtawp a chhuah anga, thuk taka inrawlh a tum ngei tur ani. Ram hruaitute hi Politician annih miau avangin Politic hi a hlamchhiah ngawt thiang lo a, a beng a chhungawng tlat tur lah ani hek lo. Ram inrelbawlna athat loh chuan khawtlang nun a chhia a, khawtlang nun a chhiat chuan kan thlarau lam nun thlengin a nghawnga, kohhran a hul/ ro a, sualna apunga…chuvangin kohhran hi ram leh mipui tan Politic ah a inrawlh ngei ngei tur a ni. Chu chu kan Pathian duh zawng leh lawm zawng tak pawh a ni. Kohhran chu kohhran… Kan velah pawl kal sual, nunkawng dai sual, zu leh drugs ngawlvei, KS, ringlo mi leh tlarau bo zawn tur tamtak an awmlaia politic leh sorkar inrelbawlnaa lo inrawlh ve phet tum hi a tul lo. Sorkar-in ram a kaihruai anga, kohhran chuan kohhran mipuite thlarau lam nun leh ringtu tha siam, beramte nunkawng dik kawhhmuh bak enghelh dang a nei tur a ni lo. Kohhran chu athianghlima, Politic erawh kan thurin nena inkalh tlat, dawt leh sual tinrenga inpuh/ sawichhiatna, “an ni chhia se, keini tha ila” tih rilru pute awmkhawmna a ni a, engvangmahin Politic tuinù-ah kohhran thianghlimna hi kan chiah bal tur a nilo. Sawi ho a tan… 1/ Ngaihdan hmasa ang khian inrawh ngei rawh se. Tuna pangin a rah kan seng tawha, Zu khap anih avanga kan khawlai a nuam tak ziate; State dangte mak tih khawpa kan inthlan boruak muanawm leh athianghlim tak ziate; heng zawng zawngte hi a rah chhuah ani si a. Amaherawh chu, inrawlhdan chintawk erawh neih a tha e. 2/ Ngaihdan hnuhnung zawk ang khian inrawlh kher a ngai lo. Politic-a kohhran a inrawlh hian kohhran-ah thuhla ati tamin ngaihdan phir a siama, chu chuan kohhran inlungrualna hial a nghawng theih bakah pawldang (NGO hrang hrang)ten thikin inrawlh ve phet an tum anga, sorkar-ah ngenna leh rawtna an thlen chamchi ang. Anni’n nawrna(Pressure) anilo ti ringawt mahse,(MLTP act. ang hian) sorkar chuan nawrna angah a ngai lo thei thin silo a. Sorkar ti chaktu nilo, ti luhaitu pawl an pung hluai thei. • Email to a friend • Article Search • Related • View comments • Track comments • • In nei tawh thum mai thei la neilo kan awm tak in Mission Veng kawng chhukthla Click pics for larger size PC Girls Kawng Sikulpuikawnah Pu Nehru-a mipuiin an nghak McDonald Hill Multipurpose Centre Thakthing Bazar Varak tuikhuah tuna Tennis Court awmna hi. • Email to a friend • Article Search • Related • View comments • Track comments • • More Recent Articles See you in Heaven Chhaktiang Zoawi Do you believe in "Ancient Aliens"? Vai Fim (Film)

---

Click here to safely unsubscribe now from "mi(sual).com" or change your subscription or subscribe

---

 

---

Unsubscribe from all current and future newsletters powered by FeedBlitz

---

Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498