mi(sual).com - 6 new articles

 

Here are the latest updates for khovelthuthang.khovelthuthang@blogger.com "mi(sual).com" - 6 new articles Beckham-a Thingtlang a tan? Rs. 350 man Gutkha – Zoram hmelma CCN Promotional basketball Tournament Vanram fan thu leh Thih thlamuanna Hi-Tech Toys More Recent Articles Search mi(sual).com Beckham-a A thlenna Hotel a chhuahsan hnuin a mutna khum ngeia mut tumin Japan nula, no nalh tak tak an in nekbuai anti. A chanchin an sawi ka hre fo a, a kip a kawi chuan ka hre lo. Bawlpet thiam, Bekham-a (David Beckham) a ni tih te; Khawvela futbawlar lar ber tih te; Hausa ber/ Sum hailut hnem ber tih te; A hausak piah lamah a hmel a thatna leh pian nalhna hian a larna a belh chhah tih te; Khawvela nula nalh ber berte pawh a zùnah an uai, a sam a tih phir avanga khawvelin sam kan tih phir tak thute leh a dang neuh neuh ka hre ve a. Chhel takin a bei hram hram a… He pa hi Kristian tha tak chu a ni lo maithei. Mahse, a nun a uluk a, nupui a thlak ve zut lo a, mipat hmeichhiatna lamah hming hliauna em em a nei ve lo. A damchhunga nuamsa leh hautak thei ang ber pawha a chena chen zawh rual loh ro/ sum leh pai a neih laiin, an ram(England) tana futbawl khel hnem ber nih ngei tumin a bei fan fan a. A changa hnawl, a changa pawm/lakluh a nih pawhin tlawmah la mai loin, thangthar chak leh thiam tak takte el pha turin a insang-mar at renga, tun thlengin a tel ve tawhnaah chuan mipui mitfukna leh thlir rawn ber a la ni. Infiam mi leh mi lem lo tan pawh a beih hram hramna leh tumruhna hi a entawntlak em a, hre chipchiar lo tak chungin ka han post ve tawp. • Email to a friend • Article Search • Related • View comments • Track comments • • Thingtlang a tan? Rs. 350 man IdeaForge, Mumbai based startup has launched Roto Charger, a 'hand powered' mobile charger that works by simply rotating a handle on the charger. via pluggd.in Current awm lohna, awm regular lohna hmun atan a tha viau ang a? Bike Charger pawh hi that hmel khawp mai. http://www.ideaforge.co.in/web/products/poweralternatives • Email to a friend • Article Search • Related • View comments • Track comments • • Gutkha – Zoram hmelma Kei aia hre ril tak tak leh mithiam tak takte cho chhuahna atan leh ram leh hnam in a kan mamawh ni a hriain mahni insit tak chungin GUTKHA- ZORAM HMELMA tih Article kan ziak ve rawih mai a. Kum sawm kalta kum 2000 bawr chho vel kha ni ta in ka hria Mizoramah Tiranga(GUTKHA) hi a rawn lar chho tan a, thangtharte zingah bu khuar chak hle in, tihhmuh pawh kan in tihhmuh nasa hle bawk a ni. Tunah phei chuan nu leh pa mai ni lovin Zoram mipuiten kan buaipui ber pawl a lo tling chho ta reng mai. Gutkha kan tih hi ram hran hranah a hming a in ang lo nasa hle a, kan hriat zauna a tan Gutkha product hming chi hrang hrang han tarlang ila, kan tarlan hi a langsar zual te an ni a, adang tam tak pawh a la awm bawk a ni: 1. Tiranga 2. Talab 3. Chandragupt 4. Manali 1000 5. Sheetal 6. Soni 1000 etc. Gutkha hi thil chi hrang hrang betel nut, tobacco, cardamom, lime, sweet leh flavor colour in chawhpawlh atang a siam a ni tlangpui a. India ram hmun hrang hrangah a chunga kan sawi tak hming chi hrang hrang pu khian hralh chhuah thin a ni. Cheng khat atanga cheng ruk, cheng sawm man thleng in a awm. Zorama kan buaipui ber chu TIRANGA hi a ni a, a dang pawh awm ve tho mahse kan hriat tlang lawn ber chu a ni. Kan sawi tak angin Tobacco (Vaihlo) kan tih hi a tel tam hle mai a, chu chuan natna tam tak a thlen thei a ni. Natna a thlen theih langsar zual ah chuan Oral Cancer(Ka chhung Cancer) hi a ni a, ram tam takin an buaipui mek a ni, tin taksa tana thalo natna dang tam tak pawh a thlen thei bawk. India ram damdawiin lian Tata Memorial Hospitalah pawh Gutkha kaihhnawih avanga mouth cancer an tam phah hle thu an sawi bawk. Gutkha(Tiranga) kan tih hi Vaihlo nen in ang renga ngaih a ni a, a nicotine content avang hian a addict theih a, tin a carcinogen content avangin cancer chi hrang hrang a thlen thei a – pumpui cancer, pumpui lawng, chaw dawt cancer,heart attack, sub mucous fibrosis (ka bawr vel ah pan ang deuh, an that theih loh, a rei hnu chuan cancer ah a chang thei) te pawh a thlen thei a ni. Mizoramah ngei pawh Tiranga ei nasat avanga ka chhung cancer case hi kan nei nual a ni. Gutkha hmuam/ei nasa chuan mut hun mumal an nei thei lova, concentration te nasa takin an hloh thin a ni.Tin ka chhung leh hahni te a tidum in a tibal a, a tenawm duh hle bawk. Tiranga hi han hmuam hian reilote ah a zawp mai a, chu chu a senduk khuk thei a ni. Chu chuan a Tobacco(Vaihlo) content a tam zia chiang takin a tarlang thei awm e. Tin thil dang tam tak pawh a that lohna sawi tur a la tam ang a, heti lam hi chu han duh tawk phawt ila, kan mithiam zawk ten an tawnhriat atangte leh an damlo neih tawh atangte in min hrilh hre zau thei zawkin a rinawm. A thatlohna tlangpuite kan tarlang tawh a, engtin nge a dona kawngah hian tan kan lak ang tih lampang hi ngaihtuah zui a ngai hle awm e. Hmanni chu kan thianpa pakhat High School teacher a ni a, Tiranga avanga an school an buai zia thu te min hrilh a,a bik takin hmeichhia in mipa aia an hmuam nasat zawk thute min hrilh bawk a ni. Chutiang taka kan zirlai ten thil tha lo an buaipui ta mai hi a lungchhiat thlak hle in ka hria a, a dona tur kawngah pawh hian tan lak nasat a ngai hle a ni. Ram thenkhatah chuan chhiah an la sang hle a, tin Goa ah phei chuan Food and Adulteration Prevention Act 1945 behchhanin an bandh hial bawk. He Act hnuai ah hian Poisonous Food a nihna anga bandh a ni a, a chhan chu Gutkha ah hian Magnesium Carbonate a awm ngei tih hmuh chhuah vang a ni. Mizoramah NGO hrang hrangte pawhin hma an la chho nasa hle a, zawrh han khap ve thin bawk mahse a lakluhna lamah duh thala kan lakluh theih bawk si avangin khap hleih theih a ni lo va, chuvang chuan kan Sorkar chak tak hian hma la se, Mizorama lakluh hi khap thei hial se a tha hle in a rinawm. Tin nu leh pa te kan pawimawh hle bawk in ka hria a, kan fate hetiang ei ching an lo awm anih chuan an khawsa zia ah te chik ila, an thisen (dawl dang leh dawldang lohah) te chik ila, ti lo tura kan fuih thar pawh a pawimawh hle bawk a ni. Mizote hi chu a dik a dik chuan in tihhmuh ching tak kan ni a, ei loh ngam te pawh kan in tih hmuh chhoh zel te pawh a pawimawh bawk a ni. A tawp ber atan chuan kan ram hmelma nakin lawka kan thalai te nun suat mai tur Tiranga lakah kan fate an lo fihlim theih nan leh thalai te kan fihlim theih nan Zoram mipuite i tang tlang ila, hma thar in la ho teh ang u tiin Zoram mipuite kan insawmin kan in ngen a ni e. • Email to a friend • Article Search • Related • View comments • Track comments • • CCN Promotional basketball Tournament CCN Promotional basketball Tournament Mizoram Open chu march Thla tawp vel khian Champhai ah neih a ni dawn (date la fix lo), Running tropy tura ruat a ni. Price money rough sketch chu hei hi ni e. Champion…Rs 25000/- 1st runner’s Up Rs 10000/- MVP Rs 5000/-…… Champhai district Basketball Association Committee neih leh hunah rawn update chiang dawn nia. • Email to a friend • Article Search • Related • View comments • Track comments • • Vanram fan thu leh Thih thlamuanna Vanram fan : - He khawvel ram zau-ah hian thi tawh hnu-a ngaih, darkar engemawzat hnu-a rawn harh-chhuak leh ta hi mi tamtak an awm. Chu’ng mite zingah vanram emaw, hremhmun emaw-a an kal thu/ an hmuh zuai thu rawn tlang-au pui ta chiam hi ka la hre ngai meuh lo. Ka hriatna zau loh vang ni maw? Mizo zingah erawh hetiang mi, (thi tawha ngaih rawn harhchhuak leh) an awm apiang hian mi piangthar tha tak leh tha lem lote pawhin VANRAM emaw, HREMHMUN emaw an fan thu hi an rawn tlang-au pui chiam bik zel mai a, hei hi engemaw a chhan niang le? Hei hi em ni ‘Bik’ kan nihna chu? Han awi sak lo/ ring lo ngawt dawn ila an sawi awm-angin, mittui tla zawih zawihin an sawi thei zel leh nghal. Awi dawna awi chiah si lo, awi lo dawn a awi deuhreuh siin ka awm fö mai. Thi anga ngaih, la thi si loin kan rinna leh thlarau khawvel kan suangtuahna atanga rawn chhuak mai mai a ni thei ang em? Thih thlamuan-na : - Kan sakhua-na (Kristian-na)ah a nuna nunpui lam ni lo, a sawi lama in ril siak chi kan ni. Pu Billy Graham ten ‘Pathianin khawvel a hmangaih em em a, chuti chuan a fapa mal neihchhun a pe a…’ ti a, an thu ngai an tlang-au pui lauh lauh lai leh vawi za tam mipui singtèl hma-a chhiarchhuaka sarmawn thlaknan an hman lai a, hengte chu mi zawng zawng hriat hnu, a kaw-mawn…ti a, bung leh chang dang, mi la chhiar zen zen loh tur zawng ngat ngat thin kan ni miau a. En mai pawha Mihrisel tha tih hriat rengte hi ‘Thih thlamuanna i nei tawh em?’ kan han ti chawt mai zela a rapthlak ka ti! Thih thlamuanna hi lo neih lawk chi emaw ni ngai le? Mi nun beidawng tak takte chuan thih thlamuanna nilo, ‘Thih chäkna’ chu an lo nei pawh a ni thei e. Kei zawng hrisel that teltawl lai chuan ‘Thih thlamuanna’ kher hi chu ka neih theih ka ring lo. A chawpa lo thleng, a hun taka neih mai tur chi niin ka hria? Mahni pawh dam that vervawr lai, chhungkua/ nupui fanaute nena hlim taka chen ho laia thinlung taka ‘Aw ral mai rawh lei ninawm…’ han tih vawng vawng maite hi kei zawng har ka ti. Nang, thih thlamuanna i nei em? • Email to a friend • Article Search • Related • View comments • Track comments • • Hi-Tech Toys Han check ve chhin teh u, 3-D TV maw? awm tawh chiang e, thil dang thar tam tak nen…! At this week’s Consumer Electronics Show in Las Vegas, Nevada, the prospect of 3-D television in your home has taken a fast and flamboyant leap from vague concept to reach-out-and-touch reality. Vendors have lined up to roll out 3-D televisions, hoping to become the leader in a market proponents say will change the way the world watches TV as much as the switch from black-and-white to color. http://www.cnn.com/2010/TECH/01/07/3d.tv/index.html • Email to a friend • Article Search • Related • View comments • Track comments • • More Recent Articles Mizoram U-19 Semi Finala ah an tla. CKTP Top 3 Films Crorepati i ni duh em?

---

Click here to safely unsubscribe now from "mi(sual).com" or change your subscription or subscribe

---

 

---

Unsubscribe from all current and future newsletters powered by FeedBlitz

---

Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498