"mi(sual).com" - 6 new articles
Malsawmi documentary filmMission Veng tlangval Napoleon R.Z. Thanga documentary film siam -Mizo naupang rualbanlo (bengngawng/tawng thei lo) pakhat chanchin, MALSAWMI tih chu 5th. International Women’s Film Festival (Dec. 14 -22, 2009), New Delhi-a an neihah khan screening tura thlan tel ve a ni. Click here to view the embedded video. Ka computer monitor hiMi thenkhat tan chuan a ho viau maithei. Mahse ka tan chuan buaina a tling tlats. Ka buaina min chinfel sak turin ka han ngen a che u. Ka harsatna ka sawi hmain ka computer chanchin tawi: Intel Core2 Quad processor, P5KPL-AM/PS motherboard, 22″ LCD monitor (Benq 2220HD), XFX Geforce 9400GT, maximum resolution 1920 x 1080, TV tuner card UMAX UTV-8300i. Ka buaina te chu: 2. TV tuner card ka hman lai mek hi a fiah lo kher mai. TV tuner card theuh theuh hi a video capture quality a inthlau thei viau em ni? Ka neih hmasak zawk kha Pinnacle PCTV Rave a ni a. Kha kha a tluk lo tlat. Thenkhat chuan “i monitor a len vang a ni ang” an ti. Tuna ka harsatna hi, Pinnacle PCTV card zawk kha hmang leh ta ila solve a ni ang em?
3. TV capture card hi 2 a vuah ve chi ang em? 4. Computer leh monitor connect nan hian VGA cable nge tha zawk ang a DVI cable zawk le? 5. Speaker atan 2.1 channel (Creative) ka hmang a, a sound chu a tha thawkhat viau. Sound card hi vuah ta ila sound output a tha sawt ang em? Khai le, mi fate “Hlimna ni ropui chu a eng, Zantiang hi kawl rawnah a liam” tia an zai mup mup lai in, computer problem solve beiseiin ka rawn post ve thawr a nih hi. Min han pui teh u. A vawi khatna a tan Dallas tx Mizo ho ten Krismas hlim takin kan hmangHun rei tak chhung kan tih theih loh leh kan buatsaih theih loh chu kum 2009 Krismas ah chuan tihhlawhtlin a ni ta. Kumin Krismas chu Dallas Tx mizo ho ten hmun khat kan hmang ho a. Hetah hian mi 60 bawr vel kan kal khawm. Rokhawlhna avang leh Kohhran pawimawh avanga kal thei ta lote an awm chung in hlawhtling tak a hman a ni. Hetah hian Kawl rama UPC a an hotupa ber Rev.Ralbuaia’n fuihna hun leh Krismas thuchah a sawi a. Mizote hi hnam huaisen, hnam dang in an neih loh tlawmngaihna neitu kan nihzia te, khawi ramah pawh Mizote hi an zahpuiawm lo a ni a ti. Tin mizo tawng Duhlian tawng hi chawi sang zel tur leh Chin mi zawng zawng pawh in Mizo tawng hi kan common language a la ni dawn a ni a ti. Tichuan Krismas hla te sa in present in pekna hunte hman a nih zawh in vawksa rep tui tak nen Krismas ruai chu ei ho a ni ta ani. Hengte hi SIM ka tum! A ruh langin…Kumthar 2010 thlen nan Ni 4 chiah a awm ta! Kumhlui( kumin)-a ka chin tha lo leh ka ze tha lo, kumthara chhawmluh atana ka duh loh, SIM ngei ngei ka tumte: 1)Ka fate aia pass tha an thiante thinlung takin ka lawmpui thei lo. 6)Ka tih chu ka tih…ti a, kan nu thurawn engahmah ngai lo ang mai a, mahni thu a kal luih tlat ka ching. (Ngun takin in ngaihtuah la, SIM tur i lo nei ve mial em?) Tui hmanga inenkawl danThlasik a ni a, masi chu kan hmang zo leh ta dawn reng mai. Hritlang khawsik, pum lam chiang lo vanga masi hmang nuam lo tam tak an awm tih ka hriatin, hei, ruai theh hma hun awlah he lai thuziak hi la chhiar ve lo kan awm takin duhsak takin ka rawn hriattir ang che. He thil hi a dik a, a bik takin hritlang khawsikah phei chuan kei ngei pawhin ka lo dampui ve tawh a. Lo ti ve chhin teh u. Tui in dan tur: 1. Zing thawh veleh ha nawh hmain no 4, 160ml in tur.
Heti anga tui ina inenkawl hnua natna a dam emaw, natna a ziaawm hun tur emaw chu a hnuaia mi hi a ni: 1. Thisen sang (high blood pressure) – ni 30 hnuah. Khawngaih takin mite ţhian ţha nih tum la, he lehkha hi i nuna pawimawh i tithe hnenah pe ve hram ang che. Ziaktu: David Malsawmtluanga http://damdawi.in/thuziakte/general-category/76-tui-hmanga-inenkawl-dan Krismas Ruai.Ni 24 zan te kha chuan lengkhawm peih lo ho chu mahni lungsik na mual mual ah kan tla darh ang a, kan thiam ang angin sap lamin kan lam trat trat hlawm ang chu, ei leh in pawh a in ang lo khawp ang le. Hetiang zanah hian a nei fa chuan sang tam tak ei leh inah kan hmang ral thrin a, a thente chuan kurtai leh chhangban kan kan tlaivar pui ve tho a, hlim tak chuan kan hmang theuh ngei ang le (a bikin misual ho hian, reh ta vang vang ho hian an hmang nuam lehzual bik angem?). Aizawl ah chuan Kohhran lian deuh ho chuan Ni 25, Krismas ni hian ruai an threh lo deuh vek a, kohhran tenau deuh in an threh tlangpui(NOI). N1 24 zana duh tawka han men a, Krismas nia ruai buatsaih hi chu a hrehawm deuh ve reng reng a. Ram pum ngaihtuahin ni 26 a ruai threh kan tam ka ring zawk mah.
Mizoten Krismas leh Kum thar nia ruai kan threh thrin hi kan hnam ro hlu berte zinga mi a niin ka hre thrin. Kan neih leh theih ang ang kan thawh khawm a, a rethei leh hausa, a lian a tein ruai pakhat lungrual takin kan kil tlang a, tumah inhuphurh lovin, a thawh tamin ka thawh tam a sa tha ka duh kan ti lo va, a thawh tlem tan a inthlahrun awm miah lo a, a nuam thrin mange, naupang leh kum upa lamin duhsakna an dawn deuh pawhin tuman kan thik ngai lo, rin aia ruai threh tam vanga kil hnuhnung deuhin a sa nawi deuh an chan pawhin lungawi loh an tum chuang lo. Aizawlah hian ruai threh tih tawp tumna lam chi hi intih changkan nan kan hmang lo a, veng lian hausa te a uar uarah an trang a, a lawmawm tak zet a ni. Krismas leh Kum Thar ruai khawtlangin kan kil theih loh hun hi a la thleng mai ang tih hi ka hlau thrin, chutih hunah chuan Mizo society hi a chhe nasa hle tawh tihnaah kei chuan ka ngai hmiah ang. Ruai buatsaih nireng chung si a damlohna vang leh harsatna bik neih vang pawh ni lo a ruai theh ngaihsan lohna rilru nena threh ve ngai mang lo kan awm a nih chuan inngaihtuah chian a tha hle ang. Inneih ni leh hun dang hi chu sawm bikte tan chauh a ni, Krismas leh kum thar ruai hi chu kan zavai atan a ni e. More Recent Articles |
 |
Click here to safely unsubscribe now from "mi(sual).com" or change your subscription or subscribe
Unsubscribe from all current and future newsletters powered by FeedBlitz
| Your requested content delivery powered by FeedBlitz, LLC, 9 Thoreau Way, Sudbury, MA 01776, USA. +1.978.776.9498 |
No comments:
Post a Comment