Here are the latest updates for khovelthuthang.khovelthuthang@blogger.com
- Enge CELEBRITY tih awmzia?
- New Year Celebration thisen pek report
- Is it an UFO!!
- Vawiinah hming ziak ang!
- Siamthar ka ngai ani-PBK Liankhuma
- Exercise hian min ti cher em?
- More Recent Articles
- Search mi(sual).com
‘Celebrity’ tih hi min han hrilhfiah teh u. Mizo zinga kan milar neih ho Celebrity an tih hian tute emaw chuan Mizo in Celebrity kan nei lo tiin an nuih thin a, anmahni milar ho pawh an nuihzat tel thin.
Celebrity ni tur hian enge qualification? Eng ang taka lar nge nih ngai? Khawvel pum huapa lar kher hi em ni Celebrity kan tih ho hi? Korea rama an milar ho pawh hi khawvel ram dangah chuan an hre lar vek kher lo a, mahse Celebrity chu an ni tho a, chuvangin kan rama kan milar ho Zaithiam te, film star ho te, infiammi te ho hi kan celebrity chu an ni mai lawmni?? Min han hrilh fiah teh u.
Pek zat – Unit 50.
Mipa – 35.
Hmeichhia – 15.
Heng zingah hian….
Pathlawi – 3.
Nuthlawi – 9.
Virgin – 2.
BA – 28.
Hindi Class X – 1.
Thisen vawi khat aia tam pe tawh – 40.
Nitin Bible chhiar thin – 5.
Phaia lehkha zir – 8.
Rel a chuang tawh – 12.
Sailova aia Joseph-a zaithiam ti zawk – 23.
Man Utd fan – 26.
Motor chuang ngai lo – 3.
Iodine chi chauh ei – 43.
Pum lam sawiselna nei – 11.
MNF ruh tlat – 13.
Vanglaini chhiar thin 31.
Pianpui unau 10 nei – 4.
Pheikhawk no.6 aia lian bun – 2.
Inbual ngailo – 9.
Tun thlenga Brig. T Sailo la tan tlat tu – 13.
Taxi a eizawng – 11.
Zing exer la thin – 17.
Oriflame member – 5.
Khaini hmuam – 17.
In lama LPS leh Zonet pawt kawp – 21.
Chaw eikhama daikal ziah thin – 33.
Saptawng thiam – 9.
Chiahpuam a inhnamhnawih lo – 38.
BPL – 28.
Chawlhni zing chhung inkhawm nei thin – 14.
Tarmit vuah – 11.
Discovery channel en thin – 7.
City Bus driver – 3.
Vawk vulh 22.
Mobile phone nei 39.
Taksa a tattoo chhu – 9.
Feet 5 hnuai lam – 18. te an ni.
(SMS a ka dawn a nia, rawn share ve mai mai)
He Thlalak hi Reiek tlang a ka lak a ni a, tlang chung zawn ami khi thilmak vek tak chu a ni, UFO a ni thei mai em? He Thlalak avang hian NASA lam leh ISRO lam pawh biak pawh mek a ni a, mak ve mai mai tak chu a ni, MIzoram ah hian UFO hian hmun an lo khuar ve reng nge an lo tlawh ve zawk!!
(click image for larger size)
Vawiin Pathian Ni a lo thleng…Kum 2010 a Pathian Ni(Chawlh Ni) hmasaber, Sundes Skul hming ziah ni ani.
Kan tam leh ngawt ang :-
Ni e, tam leh ngawt ang! Chhungkaw Pa, inkhawm pawh ngaihsak ngai lo, Zu rimnam ham ham te, Biak In chhunga chi-ri mai hlauhawm khawpa khur deuh hlak hlak te, Pitar/Putar kaih ngai te, Fasual nei nu leh pa lainat awm tak tak ten an peih lo chung an rawn nawrluih tih hriat reng reng an fasual rawn inthuam/inchei khawvel tak tak te nen Biak In chhung leh tual khat tlatin kan inkhawm leh anga, a chhangchhiat thlakin a nuam leh mum mum ngawt ang.
Thla khat hnuah :-
Hming ziahluh tur an la awm pheuh pheuh anga, kumtir te ala ni bawka kan la ri deuh laih laih anga, Biak In chhung khatmawitawk chu kan la inkhawm ang.
kum chanve hnuah chuan :-
Sundes Skul hming ziak(member) 1000 vel awmnaah a zahve(500) pawh kan Inkhawm peih leh tawh kher lo ang a, a inkhawm chhunte pawh mipui lam bek hem zawng ngata thu(Upa ho) nen kan in mutthluk siak tawh ang. Khawlum nen In leh a vel, khawlai, Biak In, Kohhran mipui leh rawngbawltute, Upa, Pastor chenin alh mai hlauhawm khawpin kan ‘Ro’ za tawh anga, hruaitute pawhin ‘RO’ tak tak an rel tawh ang.
Engnge a chhan :-
Kumtluanna Inkhawm chu sawi loh, hming ziah luh ni takngial pawh awmtluan peih lo, inkhawm percentage ti chhe ringawt turte nen lama hming kan ziahluh tir thin hi enge a chhan? Kan Kristian-na, Sakhuana leh kohhran kan ngaih ho(h) lutuk vang nge, kan dah san vang zawk? Kan thih hunah kohhran-in min vui lo ang tih kan hlauh vang a ni em? Hming ziak zahve pawh inkhawm hleithei lo Skul neih fö hi zahthlak kan ti em? Ramdang, Hnamdang kan Kristian puite hian min hrechiang se engtinnge min ngaih ang le?
Hming ziah ni bak kal peih lo tur chuan in ziahluh loh ngam a hun kan ti tawh em? Nge, tam hrim hrim hi a ropuia tha kan la ti zawk? Nikum khan kan kohhran ziaktuin sundes skul report a peknaah mikhual rawn inkhawm 5 lai kan nei si a, hming ziak lut zahve pawh inkhawm kan lo kal ta si lo, mikhualte hriat atan ‘Nidangah chuan a zahve chu kan kal ziaha, vawiin chu vengchhuangah chhiat tawk an awm vang a nia…’ te a ti vel, ka khawngaih reuh.
Khawvel ah hian mifel famkim kan awm theilo;nang leh kei hi Tluk chang nei thin kan ni. Mahse Pathian thu in” Mi chak chu tlu mahse a tho leh ang” ati. Kei ni mi(sual) ho pawh hi tluk chang nei thin ve tho kan nih ka ring; mahse SUAL SETANA chu kan in bawhbeh hlen tir mai dawn em ni? Hnai love ; min hmangaih tu Pathian chuan “Ka fa lo kir rawh” ti in sual khur thukber a kan tanglai pawh min au lawm lawm thin asin.
Kumte alo thar hian fel thar thut tur kanni lemlo; kan la mi(sual) zel ang; kan sual chung pawh a min hmangaihtu hmangaih letve erawh kan tih makmawh ani. Hawh u LALPA hnenah i kir ang u mi(sual) te lam tur a lo kal hian; Kei ni mi(sual) ho hi min duh ani tih hre chungin He hla “Siamthar ka ngai ani Lalpa” tih hla hi Ka lo Share ve ang che u.
Click here to view the embedded video.
Body builder nih tum vang kherlo pawh hian insawizawi (exercise) lak hi kan in tih hmuhin kan uar tlang ta viau mai. Mahse, heng exercise te hian kan tum angin, min ti zang (weight loss) tak tak em, kan pian a ti nalh chiah em tih hi tun hma atanga ka lo ngaihtuah ve thin a ni.
Insawizawi (exercise) hi tleirawl chhuah atang tawh khan lak ka uar ve thin hle. Insawizawi (excercise) la ve thin e tilo chuan kum 2008 te kha chuan ka san zawng 5′11 1/2″ ah, 229 lbs (100+ kg) ka rih zawng a ni ta hiah mai! Tunah erawh chuan in uluk zual avangin ka rih zawng hi apangai leh ta! Hetianga ka awmna chhana ka ngaih tak ber chu tukin khan NBC news in a rawn nemnghet ta chiah mai khan ka hria a ka han share pui duh che u a ni.
Tun hma ka insawizawi (exercise) thin khan, ka chaw ei a ti tui a, ka chaw ei tui khan ka eitur kha ka taksa tan a hrisel leh thau siam tlem leh burn awl chi a ni em tih leh chung thau ti mai ang, calories ka ei te chu ka burn zo em tih kalo ngaihtuah chiang ngailo. Tun hnu hi chuan starch tamna chi rice te hi ka ei tlem a, sa thau ka ei tam talo bawk nen, thlai hring hel, theih anga tam ka ei ta zawk bawk a, chu ngei mai chu exercise lak ngawt ni lovin, hrisel si a thau lova ka awm theihna chu a lo ni reng mai tih NBC news chuan a rawn nemnghet ta a ni.
Chaw (rice) leh sa thau tak2 leh thauna chi dang kalo ei nasa thin kha kalo chhiat rup pui tep a lo ni! In hriat hnu mah nise, kan ei leh in te hi kan fimkhur loh chuan excercise hian kan taksa hriselna hi a lo siam ngawt lo, exercise hian min ti cher/fit ngawt lo tih ka han sawi nawn mai a ni e.
More Recent Articles
